سعودی عرب نے 8 نئے جلادوں کی بھرتیوں کا اشتہار دیدیا
منگل 19 مئی 2015 00:02
ریاض(اُردو پوائنٹ اخبارتازہ ترین - آئی این پی۔18 مئی۔2015ء) سعودی عرب نے موت کی سزاوٴں میں اضافے کو دیکھتے ہوئے 8 نئے جلادوں کی بھرتیوں کا اشتہار دیدیا،عدالتی فیصلوں پر سر عام سر تن سے جدا کرنے کی ذمہ داریاں ادا کرنے کیلئے اشتہار میں کوئی خاص تعلیمی قابلیت نہیں مانگی گئی۔میڈیا رپورٹس کے مطابق سول سروسز پورٹل پر جاری اشتہار میں بتایا گیا کہ غیر سنگین نوعیت کے جرائم کی سزا کے طور پر جلادوں کو جسمانی اعضا بھی کاٹنے پڑ سکتے ہیں۔
ملازمت کیلئے پی ڈی ایف فارم ویب سائیٹ پر ڈاوٴن لوڈ کیا جا سکتا ہے۔پیر کو جاری ہونے والے اشتہار میں واضح کیا گیا ہے کہ ’مذہبی امور‘ میں شمار ہونے والی اس ملازمت کا کم سطحی پے سکیل ہو گا۔خیال رہے کہ سعودی عرب کا شمار سب سے زیادہ سزائے موت پر عمل درآمد کرنے والے پانچ ملکوں میں ہوتا ہے۔(جاری ہے)
ایمنسٹی انٹرنیشنل کے مطابق، 2014 میں چین اور ایران کے بعد سعودی عرب میں سب سے زیادہ موت کی سزائیں دی گئیں۔
سرکاری سعودی پریس ایجنسی کے مطابق، رواں سال اب تک 85 لوگوں کو مختلف سنگین جرائم کی پاداش میں موت کی سزا دی جا چکی ہے، جبکہ پچھلے پورے سال یہ تعداد 88 رہی تھی۔ہیومن رائٹس واچ کا کہنا ہے کہ زیادہ تر سزائے موت قتل کرنے پر دی گئیں لیکن 38 میں مجرم منشیات سمگل کرتے پائے گئے تھے۔سعودی حکام نے یہ واضح نہیں کیا کہ رواں سال سزائے موت کی تعداد میں اضافہ کیوں ہوا ہے ، تاہم سفارت کاروں کے خیال میں بڑی تعداد میں ججوں کی بھرتیوں کے بعد پرانے مقدمات کی اپیلوں پر فیصلے سامنے آرہے ہیں۔متعلقہ عنوان :
مزید بین الاقوامی خبریں
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
-
امریکی سینیٹ نے ٹک ٹاک پر پابندی کے لئے قانون سازی کی منظوری دے دی
-
ایپل کا آن لائن ایونٹ کے انعقاد کا اعلان
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.