پاکستان کے اندر بعض حسد رکھنے والے جلے ہوئے دوست ہیں ٗ احتجاجی سیاست کی طرف دھکیلنا چاہتے ہیں ٗسعد رفیق
ہم عظیم پاکستان کی منزل کی طرف گامزن رہیں گے کوئی الزام ٗ دھرنا ٗ بہتان ہمیں اپنی منزل سے نہیں ہٹا سکتا ٗ نواز شریف کی قیادت میں پاکستان کو روشن ٗکرپشن فری ملک بنائینگے ٗ ریلوے کے خسارے میں ایک سے ڈیڑھ ارب روپے کمی آئیگی ٗ جب آئے تو ریلوے آئل کا سٹاک ایک دن کیلئے بھی نہیں تھا ٗ اب دو ہفتوں کا سٹاک موجود ہے ٗ ریلوے کسی کا نادہندہ نہیں ٗ پنشنرز کو قطاروں میں نہیں لگنا پڑیگا ٗ خطاب
جمعہ 15 مئی 2015 17:39
اسلام آباد (اُردو پوائنٹ اخبار تازہ ترین۔ 15 مئی۔2015ء) وزیر ریلوے خواجہ سعد رفیق نے کہا ہے کہ پاکستان کے اندر بعض حسد رکھنے والے جلے ہوئے دوست ہیں جو احتجاجی سیاست کی طرف دھکیلنا چاہتے ہیں ٗہم عظیم پاکستان کی منزل کی طرف گامزن رہیں گے کوئی الزام ٗ دھرنا ٗ بہتان ہمیں اپنی منزل سے نہیں ہٹا سکتا ٗ نواز شریف کی قیادت میں پاکستان کو روشن ٗکرپشن فری ملک بنائینگے ٗ ریلوے کے خسارے میں ایک سے ڈیڑھ ارب روپے کمی آئیگی ٗ جب آئے تو ریلوے آئل کا سٹاک ایک دن کیلئے بھی نہیں تھا ٗ اب دو ہفتوں کا سٹاک موجود ہے ٗ ریلوے کسی کا نادہندہ نہیں ٗ پنشنرز کو قطاروں میں نہیں لگنا پڑیگا ۔
جمعہ کو گرین لائن ایکسپریس ٹرین کی افتتاحی تقریب سے خطاب کرتے ہوئے خواجہ سعدرفیق نے ریلوے کی جانب سے دل کی گہرائیوں سے وزیر اعظم کا شکریہ ادا کرتے ہوئے کہاکہ ریلوے کی بحالی اور پیشقدمی کا سفر نہایت کامیابی سے جاری ہے اس میں کوئی شک نہیں کہ یہ کامیابی وزیراعظم کی سرپرستی اور فری ہینڈ دیئے بغیر ممکن نہیں تھی انہوں نے کہاکہ ہماری کوئی فائل کسی سیکرٹریٹ میں نہیں رکی کوئی بھی مطالبہ لیکر آتا تھا تو اسے پورا کیا جاتا تھا ہم نے 2013کے عام انتخابات میں جو وعدے کئے تھے وہ یاد ہیں اس میں ایک وعدہ تھا کہ سرکاری اداروں کو آئی سی یو سے باہر نکالیں گے باقی وعدوں کی طرح یہ وعدہ بھی پورا ہوگیا ہے ایک کروڑ سے زائد مسافر ریلوے سسٹم میں واپس آئے ہیں 2012میں ریلوے کی آمدن 18ارب 60کر وڑ روپے تھے اس سال انشاء اﷲ 31ارب کے ٹارگٹ کو عبور کرلینگے انہوں نے کہاکہ گیارہ ریلوے اسٹیشن کی اپ گریڈیشن پر کام جاری ہے جو مکمل ہونے کے بعد پہچانے بھی نہیں جائینگے یہ ریلوے اسٹیشن ورلڈ کلاس ہونگے چینی سرمایہ کاری سے پہلے ریلوے کے ادارے کو بحال کر دیا ہے انہوں نے کہا کہ ہمیں ابھی بھی پانچ سو لو کو موٹیو چاہئیں ہم نے ریلوے میں سکیورٹی کے انتظامات کو بہتر کیا ہے دو سالوں کے اندر ریلوے کی ایک مرلہ زمین بھی فروخت نہیں کی 2013-14وہ پہلا سال تھا جس میں ریلوے کاخسارہ کم ہوا 2014-15وہ پہلا سال ہوگا جس میں ریلوے کے خسارے میں ایک سے ڈیڑھ ارب روپے کمی آئیگی جب ہم آئے تھے تو ریلوے آئل کا سٹاک ایک دن کیلئے بھی نہیں تھا اب ہمارے پاس دو ہفتوں کا سٹاک موجود ہے ریلوے کسی کا نادہندہ نہیں ہے ایک لاکھ 25کروڑ پنشنرز ہیں جن میں ایک کروڑ پنشنرز کو سسٹم میں لے آئے ہیں اب یہ بزرگ قطاروں میں نہیں لگیں گے اورآپ کو کہیں بھی بزرگوں کی قطاریں نظرنہیں آئیں گی انہوں نے کہاکہ ریلوے کی ایک لاکھ 66ہزار زمین ہے پنجاب میں دس ہزار ایکڑ زمین میں اضافہ دیکھا گیا ہے ہم نے 31ہزار ایکڑ زمین ریکور کی ہے ریلوے میں سفارش کا کوئی کلچر نہیں ہے ریلوے یونین نے دوسال میں کوئی ہڑتال نہیں کی 160لوکو موٹیو تھے اب 280لوکو موٹیو آپریشنل ہیں مسلم لیگ (ن)کی حکومت ریلوے کی مضبوط فاؤنڈیشن دیکر جائیگی اور اگر آنے والے اسی ٹریک پر چلتے رہے تو ایک دہائی میں پاکستان ریلوے کا شکار خطے کی بہترین ریلوے میں ہوگا انہوں نے کہاکہ ہمارے راستے میں روڑے اٹکائے جارہے ہیں پاکستان کے اندر بعض حسد رکھنے والے جلے ہوئے دوست ہیں جو ہمیں احتجاجی سیاست کی طرف دھکیل رہے ہیں مگر ہمیں اس کی کوئی پرواہ نہیں ہم عظیم پاکستان کی منزل کی طرف گامزن رہیں گے کوئی الزام ٗ دھرنا ٗ بہتان ہمیں اپنی منزل سے نہیں ہٹا سکتا ۔(جاری ہے)
متعلقہ عنوان :
مزید اہم خبریں
-
عالمی عدالت کو امریکی اور اسرائیلی حکام کی دھمکیاں پریشان کن، ماہرین
-
امریکہ: غزہ میں جنگ بندی کا مطالبہ کرنے والے طلباء سے ناروا سلوک پر تشویش
-
ترسیلات زر کے حجم میں 28 فیصد اضافہ ہو گیا
-
عرس کی تقریبات میں بھگدڑ، اموات ہونے کی اطلاعات
-
عالمی مسائل سے نمٹنے میں کثیر فریقی کوششیں تیزکرنے کی ضرروت: گوتیرش
-
قوم پر مسلط لوگوں نے کسی حلقہ میں بھی 30 فیصد ووٹ نہیں لیے
-
پی ٹی اے اور ٹیلی کام کمپنیاں روزانہ 5 ہزار نان فائلرز کی سمز بند کرنے پر متفق
-
ٴمعاشی استحکام کے باوجود پاکستانی معیشت کو بڑے خطرات کا سامنا ہے
-
مذاکرات کی ابتدا حکومت کو کرنی ہے کیونکہ مذاکرات کی بال حکومتی کورٹ میں ہے
-
فوج اور سیاسی جماعتوں کے درمیان براہ راست مذاکرات کی آئین میں گنجائش نہیں
-
کتنی پنشن لینے والوں پر ٹیکس لگے گا؟ تفصیلات سامنے آ گئے
-
دیامر بھاشا ڈیم کی تعمیر میں تاخیر کا خدشہ پیدا ہو گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.