لاپتہ افراد کی تلاش کے حوالے سے کامیابی نہیں ملی ، عاملے کو حل کرنے کے لیے کوششیں کررہے ہیں، ڈاکٹر عبدالمالک بلوچ
این ایف سی ایوارڈ بجٹ سے پہلے آنا چاہیے تھا، یہ تمام صوبوں کی خواہش تھی لیکن اب لگتا ہے ،بجٹ سے قبل این ایف سی ایوارڈ نہیں آئے گا، کتاب کی تقریب رونمائی کے موقع پر میڈیا سے بات چیت
ہفتہ 9 مئی 2015 21:35
کراچی (اُردو پوائنٹ اخبار تازہ ترین۔ 09 مئی۔2015ء) وزیراعلیٰ بلوچستان ڈاکٹر عبدالمالک بلوچ نے کہا ہے کہ لاپتہ افراد کی تلاش کے حوالے سے کامیابی نہیں ملی ہے۔ اس معاملے کو حل کرنے کے لیے کوششیں کررہے ہیں۔ ناراض بلوچ رہنماؤں سے بات چیت کے لیے پالیسی تعین کررہے ہیں۔ ان خیالات کا اظہار انہوں نے ہفتہ کو مقامی ہوٹل میں بلوچستان کے نامور شاعر اور ادیب گل نصیب خان مرحوم کی کتاب کی تقریب رونمائی سے بطور مہمان خصوصی خطاب اور میڈیا سے بات چیت کرتے ہوئے کیا۔
انہوں نے کہا کہ این ایف سی ایوارڈ بجٹ سے پہلے آنا چاہیے تھا، یہ تمام صوبوں کی خواہش تھی لیکن اب لگتا ہے کہ بجٹ سے قبل این ایف سی ایوارڈ نہیں آئے گا، وفاق کو چاہیے این ایف سی ایوارڈ کے معاملے میں تمام صوبوں کو اعتماد میں لے کر پالیسی کا تعین کرے۔(جاری ہے)
انہوں نے کہا کہ اٹھارویں ترمیم کو رول بیک کرنے کی خواہش کبھی پوری نہیں ہوگی۔ انہوں نے کہا کہ گوادر پورٹ کے معاملے پر بلوچستان حکومت اور پارلیمنٹرین کو اندھیرے نہ رکھا جائے۔
گوادر پورٹ کی آمدنی اور دیگر وسائل پر بلوچستان حکومت کو اعتماد میں لیا جائے۔ قبل ازیں تقریب سے خطاب کرتے ہوئے انہوں نے کہا کہ میر گل نصیب خان بلوچستان کے اثاثہ تھے، میں ان کا ذاتی طور پر مداح ہوں۔ وہ میرے رہنما تھے، بلوچستان حکومت شرح خواندگی کو بڑھانے اور ادبی سرگرمیوں کو بڑھانے کے لیے بھرپور کوششیں کررہی ہیں۔ انہوں نے کہا کہ بلوچستان کا کوئی ادیب یا شاعر جو مالی وسائل نہ رکھتا ہو اور اپنی کتابیں شائع کرنے سے قاصر ہوں وہ حکومت سے رابطہ کریں ہم ان کی کتابیں شائع کرائیں گے۔ انہوں نے کہا کہ بلوچستان میں انسانی حقوق کی شکایت کو دور کرنے کے لیے اقدامات کررہے ہیں۔ اور بلوچ قوم کے مسائل کے حل کے لیے مزید کوششیں کریں گے تاکہ اس ان کا اعتماد بحال ہوسکے۔ اس موقع پر پاکستان پیپلزپارٹی سندھ کے جنرل سیکرٹری سینیٹر تاج حیدر نے کہا کہ تبدیلی ہمیشہ مظلوم اور اقلیتی طبقہ لے کر آتا ہے۔جس معاشرے میں جبر تسلط ہوگا وہاں امن نہیں ہوگا۔ انہوں نے کہا کہ اٹھارویں ترمیم 60 سال کی جدوجہد کا نتیجہ ہے۔ یہ چھوٹے صوبوں کو حقوق دینے کے لیے کی گئی ہے اور کوئی اسے ختم نہیں کرسکتا۔ تبدیل اس بات کا نام نہیں ہے کہ کوئی اسٹیبلشمنٹ کے کندھوں پر بیٹھ کر جمہوریت ڈی ریل کردے۔ انہوں نے کہا کہ ملک کی تمام سیاسی قوتیں جمہوریت کی مضبوطی کے لیے متحد ہے۔ تاج حیدر نے کہا کہ لاشیں کہیں بھی گریں دل دکھتا ہے، مسائل کے حل کے لیے یکجہتی کا اظہارکرنا ہوگا۔ انہوں نے شاعر گل نصیب خان کے خدمات کو خراج عقیدت پیش کیا۔ تقریب سے جے یو آئی کے سینیٹر طلحہ محمود، سینیٹر اشوک کمار، لیاری یونیورسٹی کے وائس چانسلر ڈاکٹر اختر بلوچ اور دیگر نے بھی خطاب کیا۔ وزیراعلیٰ بلوچستان نے شاعر گل نصیب خان کے بارے میں مکالمہ بھی پڑھا۔متعلقہ عنوان :
مزید قومی خبریں
-
خیبرپختونخوا،غیرت کے نام پرقتل کے الزام میں 3 مشتبہ افراد گرفتار
-
دفعہ 144 کی خلاف وزری کا کیس: رہنما پی ٹی آئی اعظم سواتی کی ضمانت کنفرم
-
مئی کیس،شیخ رشید کی 3 مقدمات میں بریت کی درخواست پر نوٹس جاری
-
منشیات کی لعنت کوجڑسے ختم کرنے کیلئے پنجاب پولیس کا کریک ڈائون جاری
-
گزشتہ 14 ماہ میں ملتان ریجن پولیس ملازمین کی 3758 اپیلوں پر فیصلہ سنایا گیا
-
نان سٹمپڈ اورجعلی سگریٹس کی فروخت کے خلاف ملک گیر کریک ڈاؤن ،96 ملین روپے مالیت کے سگرٹیس ضبط
-
معروف عالم دین ڈاکٹر اسرار احمد کا یوم پیدائش 26 اپریل کو منا یاجائے گا
-
دریائوں اور آبی ذخیروں میں پانی کی صورتحال
-
وزیراعلٰی بلوچستان کاصوبے میں اپنی نوعیت کی پہلی پیپلز ائیر ایمبولینس سروس شروع کرنے کا اعلان
-
وزیراعلی نے حالیہ سیلاب متاثرین کیلئے بھروقت اقدامات کرکے اپنی مخلصی اور عوام دوستی کا واضع ثبوت دے دیا،صادق سنجرانی
-
نوازشریف 5 روزہ نجی دورے پر چین روانہ ہو گئے
-
وزیراعلیٰ مریم نوازنے پاکستان کے پہلے ورچوئل ویمن پولیس اسٹیشن ’’میری آواز،مریم نواز‘‘کا افتتاح کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.