دھرنے کا مقصد آرمی چیف کو نواز شریف کیخلاف اکسانا تھا: جاوید ہاشمی

محمد علی ہفتہ 9 مئی 2015 20:32

لاہور(اردو پوائنٹ تازہ ترین اخبار. 9 مئی 2015 ء) پاکستان تحریک انصاف کے سابق صدر اور سینئر سیاستدان مخدوم جاوید ہاشمی نے دعوی کیا ہے کہ گزشتہ سال تحریک انصاف کے دھرنے کا مقصد وزیراعظم کو ڈرانا نہیں بلکہ آرمی چیف جنرل راحیل کو حکومت کے خلاف اکسانا تھا۔

(جاری ہے)

ایک نجی ٹیلی وژن کے پروگرام سےخصوصی گفتگو کرتے ہوئے ہاشمی کا کہنا تھا کہ دھرنے کے ماسٹر مائنڈ جو کہ فوج کے کچھ کمانڈرز اور اس وقت کے آئی ایس آئی سربراہ جنرل ظہیر الاسلام تھے جن کی پشت پر اصل ہاتھ احمد شجاع پاشا کا تھا، وہ اپنے مقاصد جنرل راحیل شریف کے ذریعے پورے کرنا چاہتے تھے تاہم آرمی چیف نے جمہوریت کی کشتی ڈوبنے نہیں دی باوجود اسکے کہ ایسا پہلے بھی ہوتا آیا ہے۔

دھرنے کے دوران اسمبلی کی جانب بڑھنے کی بات ہوئی تو تب انہوں نے فوراً پریس کانفرنس کردی جس کے بعد پہلی بار ان کے پاس سابق آئی ایس آئی چیف جنرل پاشا کا فون آیا اور انہیں دھمکی دی گئی۔ جاوید ہاشمی کے بقول جنرل راحیل کی جانب سے جوڈیشل کمیشن کے قیام کی گارنٹی دے دی گئی تھی جس کے بعد دھرنا ختم ہوجانا چاہئے تھے تاہم دھرنے کے اصل باس اور ہدایتکار ایسا نہیں چاہتے تھے۔