چین کا اکیسویں صدی کا میری ٹائم ملک روڈ منصوبہ ایک تاریخی اور انقلابی اقدام ہے ،سرتاج عزیز ،پاک چین اقتصادی راہداری کا منصوبہ اس ہمہ گیر منصوبے کا مرکزی جزو ہے ،مشیر خارجہ کا خطاب ،پاکستان افغانستان سمیت خطے میں امن کا خواہش مند ہے، سیکریٹری خارجہ اعزاز چوہدری،پاکستان، استنبول پراسیس کے مشترکہ صدر کے طور پر افغانستان کے ساتھ مل کر کام کر رہا ہے ، مل کر معاملات کو آگے بڑھائیں گے ،خطاب
بدھ 29 اپریل 2015 00:01
اسلام آباد(اُردو پوائنٹ اخبارتازہ ترین - این این آئی۔28 اپریل۔2015ء) امورخارجہ کے بارے میں وزیراعظم کے مشیر سرتاج عزیز نے کہا ہے کہ چین کا اکیسویں صدی کا میری ٹائم ملک روڈ منصوبہ ایک تاریخی اور انقلابی اقدام ہے۔ انہوں نے ان خیالات کااظہار منگل کو اسلام آباد میں نیشنل ڈیفنس یونیورسٹی کے ایک سیمینار سے خطاب کرتے ہوئے کیا۔انہوں نے کہاکہ اس اقدام سے ایشیاء ، افریقہ اور یورپ کے تمام ملکوں کو اس بات کا سبق ملتا ہے کہ وہ محاذ آرائی کی بجائے ایک دوسرے سے تعاون کریں اور متحارب اقتصادی بلاکس بنانے کے بجائے خطوں اور براعظموں کے درمیان روابط پیدا کریں۔
مشیر نے کہاکہ پاک چین اقتصادی راہداری کا منصوبہ اس ہمہ گیر منصوبے کا مرکزی جزو ہے۔انہوں نے کہاکہ چین تذویراتی اوراقتصادی دونوں لحاظ سے سب سے زیادہ قابل بھروسہ اتحادی کے طورپر سامنے آیا ہے۔(جاری ہے)
انہوں نے آئندہ تین برسوں کے دوران مجموعی تجارت کو بیس ارب ڈالرز سے تجاوز کرنے کا عزم ظاہر کیا۔ انہوں نے کہاکہ چین کی جانب سے پاک چین اقتصادی راہداری کے تحت توانائی ، بنیادی ڈھانچے اور صنعتی شعبوں میں چھیالیس ارب ڈالرز کی سرمایہ کاری سے پاکستان کی ترقی اور خوشحالی میں مدد ملے گی۔
مشیر نے کہاکہ عالمی معاشی طاقتیں بالخصوص امریکہ چین اور دوسری ابھرتی ہوئی طاقتوں کے تناظر میں اپنی جگہ پھر بنانے کیلئے ایشیا بحرالکاہل کے خطے میں اپنی موجودگی متوازن بنارہے ہیں تاہم سرتاج عزیز نے اس بات پر افسوس ظاہر کیا کہ بھارت اور پاکستان کے درمیان جموں وکشمیر سمیت تمام تصفیہ طلب مسائل کے حل کیلئے مذاکرات میں گزشتہ دو عشروں میں کوئی خاص پیش رفت نہیں ہوئی ہے اوراب یہ تقریبا معطل ہیں۔ ہارٹ آف ایشیا استنبول پراسیس کی استقبالیہ تقریب سے خطاب میں سیکریٹری خارجہ اعزاز چوہدری نے کہا کہ افغانستان کے ساتھ دو طرفہ تعلقات میں اضافہ ہو رہا ہے۔ پرامن، خوشحال اور مستحکم افغانستان خطے کے مفاد میں ہے۔ افغانستان میں امن کے لیے عالمی اور علاقائی تعاون ضروری ہے۔اعزاز چوہدری نے کہا کہ پاکستان، استنبول پراسیس کے مشترکہ صدر کے طور پر افغانستان کے ساتھ مل کر کام کر رہا ہے۔ دونوں ممالک مل کر معاملات کو آگے بڑھائیں گے۔ پاک افغان حکام مئی میں دو طرفہ تعلقات مزید بڑھانے کے حوالے سے ملاقات کریں گے۔ سیکریٹری خارجہ کا کہنا تھا کہ ہارٹ آف ایشیا ممالک کا وزارتی اجلاس نومبر میں ہوگا جس میں افغان امن عمل کو کامیابی سے آگے بڑھانے پر غور ہوگا۔متعلقہ عنوان :
مزید اہم خبریں
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
-
خیبر پختونخواہ حکومت کا لاکھوں ٹن گندم کی خریداری کا فیصلہ
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
-
وزیر اعلیٰ مریم نواز سے ہالینڈ کی سفیر مسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت
-
عمران خان کو ریاستی اداروں کے خلاف بیانات سے اجتناب برتنے کے حکم پر تنقید و سوالات
-
وزیردفاع کی شنگھائی تعاون تنظیم کے سالانہ اجلاس میں شرکت ، فاعی تعاون کے اقدامات سمیت علاقائی سلامتی کے امورکا جائزہ لیا
-
وزیراعلی مریم نواز نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
گھریلو اور کمرشل سولر پینل لگانے والوں پر ٹیکس لگانے کی تجویز سامنے آگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.