رینجرز کی موجودگی میں دیکھتے ہیں ایم کیو ایم کو کتنے ووٹ پڑتے ہیں، عمران خان

فہد شبیر اتوار 19 اپریل 2015 22:26

کراچی(اُردو پوائنٹ اخبارتازہ ترین۔19اپریل۔2015ء) چیئرمین تحریک انصاف عمران خان نے کہا ہے کہ ایک نشست جیتنے سے تحریک انصاف کو کوئی فرق نہیں پڑے گا لیکن نئے پاکستان کا خواب نئے کراچی کے بغیر پورا نہیں ہوسکتا۔

(جاری ہے)

عائشہ منزل پر انتخابی جلسے سے خطاب کرتے ہوئے عمران خان کا کہنا تھا کہ نئے پاکستان کو بنانے کراچی کے لوگ جو ہجرت کر کے آئے وہ سب سے تیزی سے اوپر گئے، فوج، کرکٹ،ہاکی، بیوروکریٹس سمیت ہر شعبے میں مہاجر سب سے آگے تھے لیکن اب کیا ہوا ، 1985 تک جو شہر ملک کو لیڈرشپ دیتا تھا اب اسے کیا ہوگیا،وہ شہر جہاں سارے پاکستان سے لوگ نوکریوں کی تلاش میں آیا کرتے تھے، جب سے مہاجروں کے نام پر سیاست ہوئی اس کے بعد سے مہاجروں کا پوٹینشل اوپر جانے کے بجائے نیچے آگیا۔