وزیراعظم اور وزیر داخلہ کے درمیان اختلافات کی خلیج مزیدوسیع ہوگئی

امارات وزیر کے بیان پر ردعمل کا اظہار کرنے پر وزیراعظم نے نثار سے قطع تعلق کرلیا

پیر 13 اپریل 2015 22:54

وزیراعظم اور وزیر داخلہ کے درمیان اختلافات کی خلیج مزیدوسیع ہوگئی

اسلام آباد(اُردو پوائنٹ اخبار تازہ ترین۔13 اپریل۔2015ء) وزیراعظم نوازشریف اوروزیرداخلہ چوہدری علی خان کے مابین اختلافات کی خلیج مزیدوسیع ہوگئی ہے ،جس کے نتیجے میں وزیراعظم نے نئے وزیرداخلہ کی تلاش شروع کردی ہے ۔عرب امارات کے وزیر کے بیان پر ردعمل کا اظہار کرنے پر وزیراعظم نے چوہدری نثار سے قطع تعلق کرلیا۔ وزیرداخلہ چوہدری نثارعلی خان کی جگہ پرکس مسلم لیگی رکن پارلیمنٹ کوسامنے لایاجائے یہ معاملہ نوازشریف کیلئے اب سردرد بن گیاہے تاہم وزیراعلیٰ پنجاب شہبازشریف واحدمرکزی لیڈرہیں جونثارعلی خان کے ساتھ کھڑے دکھائی دیتے ہیں ۔

اُردو پوائنٹ اخبار تازہ ترین۔13 اپریل۔2015ء کوانتہائی معتبرذرائع نے بتایاہے کہ دھرناکے وقت سے شروع ہونے والے نوازشریف اورچوہدری نثارکے مابین اختلافات کی خلیج اب مزیدوسیع ہوچکی ہے ۔

(جاری ہے)

نوازشریف نے اس معاملے پراپنی کچن کابین سے صلح مشورے مکمل کرلئے ہیں ۔چوہدری نثارعلی خان اورنوازشریف کے بڑھتے ہوئے پالیسی امورپراختلافات حکومت میں ایک نیابحران جنم لے سکتاہے ،جوحکومت کے کاتمے پرمنتج ہوسکتاہے ۔

چوہدری نثارعلی خان پارلیمنٹ کے مشترکہ اجلاس میں انتہائی خاموش تھے اورانہوں نے یمن صورتحال پرکوئی تقریرنہیں کی تھی جبکہ ان کے حریف خواجہ آصف انتہائی پرجوش دکھائی دیتے رہے تھے جبکہ خواجہ سعدرفیق نے مشترکہ اجلاس کے 5روزاجلاس میں شرکت ہی نہیں کی اورنہ کوئی تقریرکی ۔شہبازشریف نے چوہدری نثارکووزیرداخلہ سے ہٹانے کے بعدبھیانک اورہولناک صورتحال پیداہونے کے بارے میں وزیراعظم نوازشریف کومتنبہ کیاہے اورمشورہ دیاہے کہ نئے بحران کوجنم دینے سے قبل سابقہ بحرانوں سے نبردآزماہوناہی عقلمندی ہے