جمہوری نظام کو پٹڑی سے اتارا گیا تو وفاق ٹکڑے ٹکڑے ہو جائے ،میاں رضا ربانی
ہفتہ 11 اپریل 2015 12:37
اسلام آباد(اُردو پوائنٹ اخبار تازہ ترین۔11 اپریل۔2015ء) چیئرمین سینیٹ میاں رضا ربانی نے کہا ہے کہ جمہوری نظام کو پٹڑی سے اتارا گیا تو وفاق ٹکڑے ٹکڑے ہو جائے ،سول ملٹری اسٹیبلشمنٹ نے سیاست دانوں کو کبھی قبول نہیں کیااور پورے ملک کو فوجی چھاؤنی میں تبدیل کر دیا گیا ہے ۔ان خیالات کا اظہار انہوں نے ایک سیمینار سے خطاب کرتے ہوئے کیا ۔میاں رضا ربانی نے کہا کہ اٹھارویں ترمیم کو واپس لینے کے لیے کسی قسم کی کوئی کوشش نہ کی جائے ،ایسی کوشش سے قوم پرستوں کو ریاست پر تنقید کا موقع مل جائے گا، 1973ء کو پارلیمنٹ میں متفقہ طور پر آئین منظور کیا گیا تھا، لیکن آج بھی کہا جارہا ہے کہ آئین کو خطرات لاحق ہیں،ایسی کیا خطرات ہیں نئی نسل کو اس طرح کے کسی خطرے کی وجہ معلوم ہونی چاہیے۔
انہوں نے کہا کہ قیام پاکستان کے بعد سیاستدانوں نے ملک کو ایک فلاحی ریاست بنانے کا فیصلہ کیا تھا جس کے بعد سیاستدانوں کو بدنام کرنا شروع کر دیا گیا۔(جاری ہے)
قائدِاعظم محمد علی جناح کی وفات کے فوراً بعد ملک کو سول ملٹری اسٹیبلشمنٹ نے ایک فوجی چھاوٴنی میں تبدیل کردیا تھا، اس لیے کہ وہ طاقت کا استعمال کرنا چاہتے تھے۔انہوں نے کہا کہ 1973 کا آئین بڑی قربانیوں کے بعد تیار کیا گیا ہے جن لوگوں نے اس آئین کو بنایا ہے انہوں نے اس آئین کی حفاظت کیلئے اپنی جانیں قربان کی ہیں یہ آئین عوام کے حقوق کی ضمانت دیتا ہے۔
میا ں رضا ربانی نے کہا کہ ملک میں بدعنوانی کے خاتمے کیلئے جمہوری نظام قائم ودائم رہنا ضروری ہے اور ہر پانچ سال بعد انتخابات کا انعقاد ہونا چاہیے تا کہ عوام کو موقع دیا جائے کہ وہ بدعنوان سیاستدانوں کو مسترد کریں اور پارلیمنٹ سے باہر کر دیں۔میا ں رضا ربانی نے کہا کہ موجودہ آئین میں بھی خامیاں موجود ہیں جن کے خاتمے کیلئے آئین میں تبدیلیاں کی جا سکتی ہیںمزید اہم خبریں
-
عدلیہ میں کسی قسم کی مداخلت برداشت نہیں ہوگی
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
-
پی ٹی آئی نے ججز کے خط کی تحقیقات کیلئے حکومت کے انکوائری کمیشن کو مسترد کردیا
-
تعلیمی اداروں میں موسم بہار کی تعطیلات کا اعلان
-
’چیف جسٹس آف پاکستان نے سخت موقف نہیں اپنایا، تو عدلیہ کی آزادی ایک خواب بن جائے گی‘
-
وفاقی حکومت نے نگران حکومت کی معاشی شرح نمو پر نظرثانی رپورٹ جاری کردی
-
آئی ایم ایف نے بجلی کی قیمت میں 32 روپے کمی کیلئے حکومت کو فارمولہ تجویز کر دیا
-
وفاقی حکومت کا بجلی چوری اور سہولت کاری میں ملوث افسران کیخلاف کاروائی کا فیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.