لاہور چیمبر کی جانب سے سری لنکن صدر کے دورہ پاکستان کا خیر مقدم
معاشی تعلقات مستحکم اور مل کر کام کرنے کی راہ ہموار ہوگی‘ اعجاز اے ممتاز، صدر لاہور چیمبر
پیر 6 اپریل 2015 19:16
لاہور(اُردو پوائنٹ اخبار تازہ ترین۔06 اپریل۔2015ء ) لاہور چیمبر آف کامرس اینڈ انڈسٹری کے صدر اعجاز اے ممتاز نے سری لنکاکے صدر میتھری پالا سریسینا کے دورہ پاکستان کا خیر مقدم کرتے ہوئے کہا ہے کہ اس سے دونوں دوست ممالک کے درمیان معاشی تعلقات مزید مستحکم ہونگے اور غربت کے چیلنج سے نمٹنے کے لیے مل کر کام کرنے کی راہ ہموار ہوگی۔ ایک بیان میں لاہور چیمبر آف کامرس اینڈ انڈسٹری کے صدر اعجاز اے ممتاز نے کہا کہ سری لنکا کے صدر کا دورہ پاکستان دونوں ممالک کے بہترین دوستانہ تعلقات کا منہ بولتا ثبوت ہے، اس موقع سے فائدہ اٹھاکر دونوں ممالک کو تجارتی و معاشی تعاون کو ہر ممکن حد تک فروغ دینا چاہیے۔
انہوں نے کہا کہ پاکستان اور سری لنکا کے درمیان بہترین تعلقات کی جھلک باہمی تجارت میں بھی نظر آنی چاہیے۔(جاری ہے)
اعجاز اے ممتاز نے کہا کہ انہوں نے کہا کہ پاکستان اور سری لنکا کے درمیان تجارت کو وسعت دینے کی بہت گنجائش ہے ، دونوں ممالک کے درمیان فری ٹریڈ ایگریمنٹ اس سلسلے میں اہم کردار ادا کرسکتا ہے۔ انہوں نے کہا کہ سال 2005ء میں دونوں ممالک نے آزادانہ تجارت کے معاہدے پر دستخط کیے تھے جس سے بھرپور فائدہ اٹھانے کی ضرورت ہے۔
انہوں نے کہا کہ گذشتہ تین سال کے تجارتی اعداد و شمار ظاہر کرتے ہیں کہ باہمی تجارت اگرچہ بڑھ رہی ہے مگر اس کی رفتار بہت کم ہے لہذا دونوں ممالک کو اس سلسلے میں مشترکہ اقدامات اٹھانا چاہئیں۔ پاکستان کی سری لنکا کو برآمدات میں کاٹن فیبرک، سیمنٹ، شوگر، گندم، آئرن، سٹیل، آلو، چاول جبکہ سری لنکا سے درآمدات میں سبزیاں، ربر، فائبر بورڈ کوکونٹ، چائے، دھاگہ وغیرہ شامل ہیں۔ لاہور چیمبر کے صدر نے کہا کہ سری لنکا میں پاکستانی مصنوعات کی وسیع گنجائش ہے سری لنکا کو پاکستان سے درآمدات بڑھانے پر غور کرنا چاہیے۔مزید تجارتی خبریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
ملکی صرافہ مارکیٹوں میں جمعہ کے روز سونا مزید مہنگا ہو گیا
-
انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی
-
پاکستان میں پولٹری کے شعبہ نے تیزی سے ترقی کی ہے ،ڈاکٹرسجاد ارشد
-
ٹریکٹروں کی فروخت میں جاری مالی سال کے پہلے 9 ماہ میں سالانہ بنیادوں پر 66 فیصداضافہ
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.