میٹرک کے سالانہ امتحانات برائے سال 2015کا انعقاد 7 اپریل سے ہوگا، فصیح الدین خان
ہفتہ 4 اپریل 2015 22:08
کراچی (اُردو پوائنٹ اخبار تازہ ترین۔04 اپریل۔2015ء) ثانوی تعلیمی بورڈ کراچی کے اعلامیہ کے مطابق سالانہ امتحانات برائے سال 2015کا انعقاد 7 اپریل 2015سے ہورہا ہے ۔الیکٹرانک و پرنٹ میڈیا کے نمائندوں سے خطاب کرتے ہوئے چیئرمین میٹرک بورڈ فصیح الدین خان نے میٹرک کے امتحانات کی تفصیلات بتاتے ہوئے کہا کہ اس سال تقریباً 325000 سے زائد طلباء امتحان میں شریک ہورہے ہیں اس کی تفصیل اس طرح ہے نویں سائنس گروپ میں طلبہ 76112، طالبات66336، (کل 140448)، دسویں سائنس گروپ میں طلبہ 75345، طالبات62317، (کل137662)، نویں جنرل گروپ میں طلبہ 5399، طالبات 1780، (کل 7179)، دسویں جنرل گروپ میں طلبہ 4088، طالبات 12801)، جبکہ نہم و دہم پرائیویٹ گروپ میں طلبہ 10634، طالبات 3893،(کل 14527)، طلباء شریک ہورہے ہیں ۔
امتحانات کے انعقاد کے سلسلے میں 413امتحانی مراکز بنائے گئے ہیں ۔(جاری ہے)
جس میں 223طلبہ کے لئے اور 190 طالبات کے لئے جبکہ قیدی طلباء کے لئے سینٹرل جیل بھی ایک امتحانی مرکز قائم کیا گیا ہے۔ 117حساس امتحانی مراکز ہیں جو ٹاؤنز کی سطح پر ہیں جن میں بوائز 64اور گرلز کے 53امتحانی مراکز ہیں۔ ان تمام کی تفصیلات قانون نافذ کرنے والے اداروں کو ارسال کر دی گئی ہیں۔
امتحان میں نقل کی روک تھام کے لئے 34اسپیشل ویجلینس ٹیمیں بنائی گئی ہیں جس میں ڈائریکٹر اسکولزو ڈائریکٹر پرائیو یٹ اسکولز ، اسکولوں کے ہیڈ ماسٹر ز اور سینئیر اساتذہ شامل ہیں ۔ 413سینٹر کنٹرول آفیسر ز (C.C.Os) کا تقرر کیا گیا ہے جو امتحانی مراکز پر بحفاظت امتحانی پرچوں کی ترسیل کو یقینی بنائیں گے۔ 8حب مراکز قائم کئے گئے ہیں جہاں سے امتحانی پرچہ جات کی بہتر اوربحفاظت سے ترسیل ممکن ہوگی۔امتحانات میں کسی بھی قسم کی غیر شفافیت کو روکنے کے لئے بورڈ ہذا میں ایگزامینشن رپورٹنگ سیل قائم کیا گیا ہے جس میں بورڈ کے سینئر افسران موجود ہونگے ۔ایگزامینشن رپورٹنگ سیل کے فون نمبرز ((99260251,99260252-6 Ext. 327 ہیں ۔ اسکے علاوہ کمشنر آفس میں بھی ایک شکایتی مرکز قائم کیا گیا ہے۔ قانون نا فذ کرنے والے اداروں کو بھی خطوط ارسال کر دیئے گئے ہیں جس میں اُن سے درخواست کی گئی ہے کہ وہ امتحانی مراکز کی سیکیورٹی کو یقینی بنائیں ۔ ہم نے کے ۔الیکٹرک سے درخواست کی ہے کہ دورانِ امتحان بجلی کی بلا تعطل فراہمی کو یقینی بنائیں۔ دوران امتحان امتحانی مراکز کے اطراف دفعہ 144نافذالعمل رہے گی۔ امتحانی مراکز پر موبائل فون لانے پر پابندی ہوگی۔ حساس امتحانی مراکز پر ایکسٹرنل سینٹر سپرنٹنڈنٹ کو تعینات کیا جائے گا۔ ڈائریکٹر اسکولز ، ڈائریکٹر پرائیویٹ اسکولزامتحانی مراکز کا اچانک دورہ کریں گے۔ چیئرمین میٹرک بورڈ فصیح الدین خان نے کہا کہ شفاف امتحان کا انعقاد ہم سب کی مشترکہ ذمہ داری ہے۔ اُنہوں نے تمام امتحانی مراکز کے سینٹر سپرنٹنڈنٹس سے کہا کہ وہ اپنے اپنے امتحانی مراکز میں تما م طلبہ و طالبات کو سہولیات بہم پہنچائیں۔ نقل کے خاتمے کے لئے اپنا کردار ادا کریں۔اس موقع پر سیکریٹری میٹرک بورڈ حور مظہر اور ناظم امتحانات نعمان احسن بھی موجود تھے۔مزید تعلیم کی خبریں
-
اوپن یونیورسٹی آئندہ سمسٹر میں تین بی ایس پروگرامز لانچ کرے گی، وائس چانسلر
-
علامہ اقبال اوپن یونیورسٹی تعلیمی معیارکومزید بہتر بنانے کے لئے مختلف اقدامات کر رہی ہے، وائس چانسلر
-
علامہ اقبال اوپن یونیورسٹی ، شعبہ اردو کا رمضان المبارک کی مناسبت سے نعتیہ مشاعرہ
-
علامہ اقبال اوپن یونیورسٹی نے میٹرک پروگرام میں داخل 60ہزار طلبہ کو کتب کی ترسیل شروع کردی
-
فیصل آباد بورڈ آف انٹرمیڈیٹ، جماعت نہم (پارٹ۔اول)سالانہ امتحانات میں ایک لاکھ99 ہزار81طلباءوطالبات شریک ہونگے
-
اوپن یونیورسٹی میں سکالرشپ جیتنے والے طلبہ کے اعزاز میں تقریب
-
علامہ اقبال اوپن یونیورسٹی کی چترال ریجن میں ملتوی شدہ پیپرز کی نئی تاریخ مقرر
-
علامہ اقبال اوپن یونیورسٹی ،مختلف پروگرامز، کورسزمیں داخلے جمع کروانے کی آخری تاریخ 15 اپریل مقرر
-
علامہ اقبال اوپن یونیورسٹی ،مختلف پروگرامز ،کورسزمیں داخلے جمع کروانے کی آخری تاریخ15اپریل مقرر
-
لاہورمیں میٹرک امتحانات کے سلسلے میں مخصوص مقامات پر دفعہ 144 نافذ
-
میٹرک بورڈ کے امتحانات مئی میں اورانٹرمیڈیٹ کے امتحانات مئی کے آخری ہفتے میں لینے کا فیصلہ
-
قومی نصاب کے تحت 28 سال بعد نویں سے بارھویں تک نئے مضامین متعارف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.