وزیراعلیٰ شہبازشریف کی مقتول زین کے گھر آمد ، والدہ، بہنوں اور لواحقین سے اظہار تعزیت ،فوری انصاف کی یقین دہانی
آپ کا لخت جگر تو واپس نہیں لا سکتا لیکن میرا وعدہ ہے ہر قیمت پر انصاف دلاؤں گا،شہبازشریف کی مقتول کی والدہ سے گفتگو
ہفتہ 4 اپریل 2015 20:40
لاہور ( اُردو پوائنٹ اخبار تازہ ترین۔04 اپریل۔2015ء) وزیراعلیٰ پنجاب محمد شہبازشریف مقتول طالبعلم زین کی رہائش گاہ کیولری گراؤنڈ گئے اور مقتول کی والدہ ، بہنوں اور دیگر لواحقین سے ہمدردی اور تعزیت کا اظہار کیا۔ وزیراعلیٰ نے مقتول زین کی روح کے ایصال ثواب کیلئے فاتحہ خوانی بھی کی ۔ وفاقی وزیر ریلویز خواجہ سعد رفیق، صوبائی وزیر داخلہ کرنل (ر)شجاع خانزداہ، انسپکٹر جنرل پولیس، کمشنر لاہورڈویژن، سی سی پی او لاہور او رڈی سی او لاہور بھی اس موقع پر موجود تھے۔
وزیراعلیٰ محمد شہبازشریف نے مقتول زین کی والدہ سے اس اندوہنا ک واقعہ پرگہرے دکھ اور افسوس کا اظہار کرتے ہوئے کہاکہ یہ انتہائی دلخراش واقعہ ہے ،معصوم زین کو نا حق قتل کیا گیا ہے ۔آپ فکر نہ کریں میرا آپ سے وعدہ ہے کہ میں آپ کوفوری انصاف دلاؤں گا ۔(جاری ہے)
کوئی سفارش یا سیاسی دباؤ کسی صورت قبول نہیں کیا جائے گا۔وزیراعلیٰ پنجاب نے کہاکہ میں نے اس افسوسناک واقعہ کی خبر ملتے ہی سی سی پی او لاہور کو فون کیا اور ملزمان کی فوری گرفتاری کی ہدایت کی ۔
مقدمے میں نامزد تمام ملزمان گرفتار ہو چکے ہیں جبکہ اسلحہ اور گاڑی بھی برآمد ہو چکی ہے ۔وزیراعلیٰ نے مقتول زین کی والدہ کو دلاسہ دیتے ہوئے انصاف کی فراہمی کی یقین دہانی کرائی او رکہاکہ میں الله کو گواہ بنا کر کہتا ہوں کہ قانون کے تحت انصاف میں دلاؤں گا اور کیس کا چالان جلد تیار کر کے انسداددہشت گردی کی عدالت میں پیش کیا جائے گا۔ انہوں نے کہاکہ میں آپ کا لخت جگر تو واپس نہیں لا سکتالیکن انصاف ضرورہوگا ۔زین کے قتل میں ملوث ملزمان کسی صورت قانون کے مطابق قرار واقعی سزا سے بچ نہیں پائیں گے۔وزیراعلیٰ پنجاب نے مقتول کی والدہ سے افسوسناک واقعہ کی تفصیلات بھی معلوم کیں اور مقتول زین بہنوں کے سر پر ہاتھ رکھ کر انہیں دلاسہ دیا ۔بعدازاں وزیراعلیٰ نے میڈیا کے نمائندوں سے گفتگو کرتے ہوئے کہاکہ زین کو انتہائی اندوہناک طریقے سے مارا گیاہے، یہ بڑا دلخراش واقعہ ہے جس پر دلی دکھ او رافسوس ہواہے ۔میں زین کی والدہ اور اس کے لواحقین سے اظہار تعزیت اور انہیں انصاف کی یقین دہانی کے لئے آیا ہوں ۔میری ہدایت پر واقعہ میں ملوث ملزمان فوری طو رپر گرفتار کر لئے گئے تھے اور ملزمان کی فوری گرفتاری پر میں انسپکٹرجنرل پولیس مشتاق سکھیرا ، سی سی پی او لاہور او رڈی آئی جی آپریشن کو شاباش دتیا ہوں-انہوں نے کہا کہ مقدمے کی تفتیش جاری ہے ،کیس کا چالان جلد انسداد دہشت گردی کی عدالت میں بھجوایا جائے گا۔واقعہ میں کوئی سفارش یا سیاسی دباؤ کا سوال ہی پیدا نہیں ہوتا ،جس نے یہ درندگی کا مظاہرہ کیاہے اسے قانون کے تحت کڑی ترین سز ا ملے گی۔زین کے قتل میں ملوث ملزمان قانون کے آہنی ہاتھ کی گرفت میں آ چکے ہیں اور سخت ترین سزا سے نہیں بچ پائیں گے ،انصاف ہر صورت ہوگا ۔متعلقہ عنوان :
مزید اہم خبریں
-
وائنسٹین کی سزاؤں کا خاتمہ زیادتی کا شکار خواتین کے لیے پریشان کن
-
ہماری جماعت کسی سے معافی نہیں مانگے گی
-
ہر اس مسئلے پر جوڈیشل کمیشن بننا چاہئے جہاں طاقت کے بل پر آئین قانون کی پامالی ہوئی
-
وولکر ترک کا روس سے صحافیوں پر جبروستم ختم کرنے کا مطالبہ
-
ہیٹ ویو سے پریشان شہریوں کیلئے ٹھنڈی ٹھنڈی خوشخبری
-
9 مئی کے ملزمان کو ایک سال بعد بھی کٹہرے میں کھڑا نہیں کیا گیاتو کس نے منع کیا؟
-
گوتیرش کا اسرائیل اور حماس سے جنگ بندی پر اتفاق کرنے کی اپیل
-
بعض طاقتیں بلوچستان اور ملک میں استحکام نہیں چاہتیں‘بلوچستان کے مستقبل کا لائحہ عمل طے کرنے کے لیے تمام سیاسی قوتوں سے بات چیت کریں گے.صدر آصف زرداری
-
لاہور میٹرو بس پر ڈیزل کے نرخوں میں اضافے کا بوجھ بڑھنے لگا
-
9 مئی کرنے اور کروانے والوں کو آئین کے مطابق سزا دینا ہوگی،ترجمان پاک فوج
-
پاکستان کو عالمی بینک سے 8 ارب ڈالرز ملنے کی توقع
-
نواز شریف چاہتے تھے کہ ن لیگ اپوزیشن میں آ کر بیٹھے ، حکومت پی ٹی آئی کو دیدی جائے،مولانا فضل الرحمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.