حکومت تمام اقلیتی برادریوں کے بنیادی حقوق کی حفاظت ، عزت و وقار اور جان و مال کے تحفظ کے لیے پُرعزم ہے ، پُر خلوص انداز میں تمام اقلیتوں کی بہبود اور ان کے حقوق کے تحفظ کا تہیہ کئے ہوئے ہوں ، ہمیشہ پاکستان کی اقلیتی برادریوں بالخصوص پاکستانی مسیحوں کی قابلِ قدر خدمات کو سراہا ہے، پاکستان کی ترقی وخوشحالی میں اپنا قومی کردار ادا کرتی رہیں گی،میں دُنیا بھر کے مسیحیوں، بالخصوص پاکستان کی مسیحی برادری کو ایسٹر کے مقدس تہوار کے موقع پر مبارکباد پیش کرتا ہوں
وزیر اعظم نواز شریف کا ایسٹر2015 کے موقع پر پیغام
ہفتہ 4 اپریل 2015 15:51
اسلام آبا د( اُردو پوائنٹ اخبار تازہ ترین۔04 اپریل۔2015ء ) وزیر اعظم نواز شریف نے کہا ہے کہ حکومت تمام اقلیتی برادریوں کے بنیادی حقوق کی حفاظت ، عزت و وقار اور جان و مال کے تحفظ کے لیے پُرعزم ہے ، پُر خلوص انداز میں تمام اقلیتوں کی بہبود اور ان کے حقوق کے تحفظ کا تہیہ کئے ہوئے ہوں ، ہمیشہ پاکستان کی اقلیتی برادریوں بالخصوص پاکستانی مسیحوں کی قابلِ قدر خدمات کو سراہا ہے، پاکستان کی ترقی وخوشحالی میں اپنا قومی کردار ادا کرتی رہیں گی،میں دُنیا بھر کے مسیحیوں، بالخصوص پاکستان کی مسیحی برادری کو ایسٹر کے مقدس تہوار کے موقع پر مبارکباد پیش کرتا ہوں ۔
ایسٹر2015 کے موقع پر پیغام میں انہوں نے کہا کہ خوشخبری کے نقیب کی حیثیت سے ایسٹر انسانی زندگی میں بھلائی اور صالح اوصاف کی طرف مائل ہونے کے جذبہ کا مظہر ہے ۔(جاری ہے)
اس سال ایسٹر ایسے موقع پر منایا جا رہا ہے جب پاکستان میں بین العقیدہ ہم آہنگی کی اشد ضرورت محسوس کی جا رہی ہے ۔ انتشار کو ہوا دینے والی قوتیں پاکستانی معاشرے کوبُری طرح نقصان پہنچانے کے لیے اس کے پورے ڈھانچے میں بگاڑ پیدا کر رہی ہیں ۔
میں وثوق سے کہہ سکتا ہوں کہ پاکستانی قوم ایسے عناصر کے مذموم عزائم کو بخوبی سمجھتی ہے اور ان کے عزائم ناکام بنانے کے لیے متحد ہے۔ انہوں نے کہا کہمیں یہاں اس امر کی نشاندہی کرنا چاہوں گا کہ بابائے قوم نے پاکستان میں بسنے والے تمام لوگوں کے لیے ان کے مذہب اور نسل سے قطع نظر برابری ، آزادی اور تحفظ کی پالیسی کا دو ٹوک اعلان کیا تھا ۔ اس یقین دہانی کا پاکستان کے آئین میں اطمینان بخش طور پر احاطہ کیا گیا ہے جو پاکستان کی تمام برادریوں کے لیے برابر کے حقوق اور مکمل تحفظ کی ضمانت دیتا ہے۔میں اپنے اس پختہ عزم کا اعادہ کرنا چاہتا ہوں کہ پاکستان کے طول و عرض میں بسنے والے تمام باشندوں کو ان کے عقیدے سے قطع نظر یکساں حقوق حاصل ہیں ۔ میری حکومت تمام اقلیتی برادریوں کے بنیادی حقوق کی حفاظت ، عزت و وقار اور جان و مال کے تحفظ کے لیے پُرعزم ہے ۔ انہوں نے کہا کہ میں پُر خلوص انداز میں تمام اقلیتوں کی بہبود اور ان کے حقوق کے تحفظ کا تہیہ کئے ہوئے ہوں ۔ میں نے ہمیشہ پاکستان کی اقلیتی برادریوں بالخصوص پاکستانی مسیحوں کی قابلِ قدر خدمات کو سراہا ہے ۔ مجھے یقین ہے کہ وہ پاکستان کی ترقی وخوشحالی میں اپنا قومی کردار ادا کرتی رہیں گی۔میں اپنے مسیحی بھائیوں کو ایسٹر کے پُرمسرت تہوار پر ایک بار پھر دل کی گہرائیوں سے مبارکباد دیتے ہوئے ان کے لیے نیک تمناؤں کا اظہار کرتا ہوں۔متعلقہ عنوان :
مزید اہم خبریں
-
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں گے
-
مارچ کے مہینے میں آئی ٹی برآمدات سب سے زیادہ رہیں، شہباز شریف
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردارایاز صادق
-
عدت پوری کیے بغیربیوی کی بہن سے شادی غیرقانونی قرار، ہائیکورٹ کا تحریری فیصلہ جاری
-
پاکستان کے معاشی حالات بہتر ہو رہے ہیں، وزیر اعظم شہباز شریف
-
پولیس وردی پہننے پر مریم نواز تنقید کی زد میں، پولیس کی وضاحت
-
عمران خان اور بشریٰ بی بی کےخلاف انتقام کی انتہا کردی گئی،سینیٹر علی ظفر
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
پنجاب میں ہمارے گھروں میں بنا وارنٹ چھاپے مارے جا رہے ہیں،عمرایوب
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
عمران خان نے2 ججوں کی یقین دہانی پر اپنا دھرنا ختم کیا،فیصل واوڈا کا انکشاف
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.