پرائیویٹ علاقائی ممالک سے تجارت بڑھانے کے لیے اقدامات اٹھائے ‘ لاہور چیمبر
جمعہ 3 اپریل 2015 17:08
لاہور ( اُردو پوائنٹ اخبار تازہ ترین۔03 اپریل۔2015ء) لاہور چیمبر آف کامرس اینڈ انڈسٹری کے نائب صدر سید محمود غزنوی نے پرائیویٹ سیکٹر پر زور دیا ہے کہ وہ علاقائی ممالک سے تجارت بڑھانے کے لیے اقدامات اٹھائے جس سے ملکی معیشت کو زیادہ فائدہ حاصل ہوگا۔ برآمد کنندگان کے ایک وفد سے گفتگو کرتے ہوئے سید محمود غزنوی نے کہا کہ پاکستان بہترین جغرافیائی حیثیت کا حامل ہے اور تجارت کے حوالے سے خطے میں بہت اہم کردار ادا کرسکتا ہے۔
انہوں نے کہا کہ علاقائی تجارت کے فروغ سے صنعتی شعبہ مستحکم ہوگا کیونکہ اسے خام مال دنیا کے دور دراز ممالک کی نسبت علاقائی ممالک سے باآسانی اور سستے داموں مل سکے گا جبکہ علاقائی مارکیٹوں تک رسائی بھی آسان ہے۔ لاہور چیمبر کے نائب صدر نے کہا کہ سارک ممالک کی مجموعی آبادی دنیا کی کُل آبادی کا 22%ہے۔(جاری ہے)
انہوں نے کہا کہ اگرچہ سارک دنیا کا ایک بڑی تجارتی بلاک ہے لیکن اس کے اراکین ممالک کی باہمی تجارت کا حجم بہت کم ہے۔
سارک کا جی ڈی پی دنیا کے جی ڈی پی کے 2%سے بھی کم جبکہ دنیا بھر کی برآمدات میں حصہ صرف 1.5%ہے جو اس خطے کی پوٹینشل کی صحیح عکاسی نہیں کرتا۔ انہوں نے کہا کہ نافٹا، یورپین یونین اور آسیان کی نسبت سارک خطے میں ترقی کی رفتار 5%ہے ۔ انہوں نے کہا کہ معاشی فوائد حاصل کرنے کے لیے ہمیں چین، ایران اور افغانستان کے ساتھ تعلقات مستحکم کرنا ہونگے۔ انہوں نے کہا کہ کاروباری برادری کی آزادانہ آمد و رفت اس خطے کو یورپین یونین جیسے بلاک میں تبدیل کرسکتی ہے جہاں اراکین ممالک کے لوگ ایک خاندان کی طرح امن و امان سے رہیں۔ انہوں نے کہا کہ ہمارا خطہ تیزی سے ترقی کی بھرپور صلاحیت رکھتا ہے کیونکہ اس کی پچاس فیصد آبادی نوجوانوں پر مشتمل ہے اوردنیا کے قدرتی وسائل کا بارہ فیصد یہاں پر ہے جس سے بھرپور فائدہ اٹھانا چاہیے۔متعلقہ عنوان :
مزید تجارتی خبریں
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.