چیف ایگزیکٹیو پیسکو اور جنرل منیجر گیس خیبر پختونخوا کی جانب سے امیرمقام کوبریفنگ،
ہم سب کا مقصد عوام کی مشکلات میں کمی لانا ،فوری ریلیف کی فراہمی یقینی بنا نا ہے ،انجینئرامیرمقام
منگل 31 مارچ 2015 22:29
پشاور(اُردو پوائنٹ اخبارتازہ ترین - این این آئی۔31مارچ۔2015ء) چیف ایگزیکٹیو پیسکو اور جنرل منیجر گیس خیبر پختونخوا نے وزیر اعظم کے مشیر اور خیبر پختونخوا میں وفاقی محکموں کے نگران انجینئر امیر مقام کو پشاور میں ان کی رہائش گاہ پر اپنے محکموں کے بارے میں تفصیلی بریفنگ دی ،ملاکنڈ ڈویژن ،ہزارہ ،جنوبی اضلاع اور پشاور میں ٹرانسفارمروں کی فوری مرمت کیلئے دو دن کے اندر اندر ورکشاپ کھول دی جائے گی تاکہ صوبہ خیبر پختونخوا کے عوام کو صرف نوشہرہ کی جانب نہ دیکھنا پڑے ،نئے گرڈ سٹیشن ، فیڈرز اور ٹرانسفارمرز کی تنصیب کاکام تیز سے تیز تر کرنے کی ہدایت ، تاکہ عوام کو فوری ریلیف فراہم کیا جاسکے ، نئی زمہ داری صرف اور صرف عوام کو فوری ریلیف فراہم کرنے کیلئے قبول کی ہے ، اور خدمت کے جذبے کے تحت افسروں اور ماتحت عملہ کو کام کرنا پڑے گا ، تفصیلات کے مطابق وزیر اعظم کے مشیر انجینئر امیر مقام کو نئی زمہ داریاں سھنبالنے کے بعد پشاور میں ان کی رہائش گاہ پر پیسکو اور ایس اینڈ جی پی ایل کے اعلیٰ حکام نے تفصیلی بریفنگ دی ،دونوں محکموں کے افسران اور اعلیٰ افسروں کو مخاطب کرتے ہوئے انجینئر امیر مقام نے کہا کہ ہم سب کا مقصد عوام کی مشکلات میں کمی لانا اور ان کو فوری ریلیف کی فراہمی یقینی بنا نا ہے ، انہوں نے کہا کہ ہمیں خدمت خلق کے جذبے کے تحت کام کرنا ہوگا ، انہوں نے کہا کہ میں نے یہ نئی زمہ داری محض خدمت خلق کے جذبے اور عوام کے مسائل حل کرکے ان کو ریلیف فراہم کرنے کیلئے قبول کی ہے ،انہوں نے پیسکو اور گیس حکام کو ہدایت کی کہ وہ عوام کے مسائل حل کرنے کی کوشش کریں ،انجینئر امیر مقام نے عوامی مسائل کے پیش نظر ہر ڈویژن میں ٹرانسفارمر زکی مرمت یقینی بنانے کیلئے دو روز کے اندر اندر ایک ایک ورکشاپ قائم کرنے کی ہدایت کی تاکہ خراب ٹرانسفارمرز کی فوری مرمت کاکام جلد از جلد یقینی بنایا جاسکے ، اور صوبے کے دور دراز علاقوں کے عوام کو صرف نوشہرہ کی اکلوتی ورکشاپ کی جانب نہ دیکھنا پڑے ، پیسکو کی جانب سے چیف ایگزیکٹیو پیسکو حسن فاضل ، ایس اینڈ جی پی ایل کی جانب سے ارباب ثاقب نے انہیں بریفنگ دی ۔
مزید اہم خبریں
-
وزیرِاعظم شہبازشریف کی ایبٹ آباد آمد، شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
راولپنڈی، مسافر بس میں ڈکیتی، ڈاکو کی فائرنگ سے مسافر جاں بحق بس کا ڈرائیور زخمی
-
جنہوں نے فیصلے کیے اور جنہیں حکومت میں بٹھایا دونوں ہی پھنس گئے ہیں، امیر جماعت اسلامی
-
گزشتہ سال اٹھائیس کروڑ سے زائد افراد شدید بھوک کا شکار ہوئے
-
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
-
خیبرپختونخوا ہ حکومت کا صحت کارڈ کی مد میں ڈاکٹرز کو موصول رقم پر سیلز ٹیکس لگانے کا فیصلہ
-
عمران خان نے سعودی عرب کے حوالے سے بیان پر میری سرزنش کی، شیرافضل مروت
-
سمگلنگ کا خاتمہ کئے بغیر معیشت مضبوط نہیں ہوسکتی،شہباز شریف
-
وزیر مملکت برائے آئی ٹی و ٹیلی کمیونیکیشن شزہ فاطمہ خواجہ سے میٹا کے وفد کی ملاقات
-
معروف ایرانی ریپر توماج صالحی کو سزائے موت سنا دی گئی
-
مفت دوائیں گھرپہنچانے کا منصوبہ،دیہاتوں کے مریض سہولت سے فائد ہ نہیں اٹھاسکیں گے
-
حکومت اور اپوزیشن اراکین میں قائمہ کمیٹیوں کی تقسیم کا فارمولا تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.