پاکستان کی کریڈٹ ریٹنگ مستحکم سے مثبت ہو گئی ہے ،سینیٹر اسحاق ڈار،
مکانات کی تعمیر میں تیزی لانے کی غرض سے ہاؤسنگ مارٹگیج ری فنانس کمپنی قائم کی جا رہی ہے،وفاقی وزیر خزانہ کی چیئرمین آباد سے گفتگو
منگل 31 مارچ 2015 20:57
کراچی(اُردو پوائنٹ اخبارتازہ ترین - این این آئی۔31مارچ۔2015ء) وفاقی وزیر خزانہ اسحا ق ڈار نے کہا ہے کہ زرمبادلہ کے زخائر میں اضافے سے پاکستان کی کریڈٹ ریٹنگ مستحکم سے مثبت ہو گئی ہے جس کے نتیجے میں ملک میں ملکی اور غیر ملکی سرمایہ کاری میں اضافہ ہو گا ۔یہ بات انہوں نے چیئرمین آباد جنید اشرف تالو سے FPCCI میں ملاقات کے دوران کہی وزیر خزانہ نے کہا کہ تعمیراتی صنعت ملکی معیشت میں ریڑھ کی ہڈی کی حیثیت رکھتی ہے ۔
حکومت نئے گیس کنکشنز سمیت تعمیراتی صنعت کے مسائل ترجیحی بنیاد پر حل کرے گی ۔ انہوں نے کہا کہ مکانات کی تعمیر میں تیزی لانے کی غرض سے ہاؤسنگ مارٹگیج ری فنانس کمپنی قائم کی جا رہی ہے جس کے ذریعہ خطیر مالیت کے قرضے جا ری کئے جائیں گے ۔ قرضوں کی بنیادی شرح سود 8فیصد کی کم سطح پر آنے سے ٹریڈ اینڈ انڈسٹری کی سرگرمیوں میں تیزی آئے گی ۔(جاری ہے)
قبل ازیں آباد کے چیئرمین جنید اشرف تالو نے اسحاق ڈار کو تعمیراتی صنعت کو درپیش مسائل سے آگاہ کیا ۔
جنید اشرف تالو نے کہا کہ کراچی ملک کے مجموعی ٹیکس ریوینیو کا 67 فیصد ادا کرتا ہے جس میں بلڈرز کمیونٹی کا کردار نمایاں ہے ۔ تعمیراتی صنعت بڑے پیمانے پر روزگار فراہم کر تی ہے لہٰذا حکومت کو اسے ترغیبات اور مراعات فراہم کر نی چاہئیں ۔ انہوں نے کہا کہ کثیرالمنزلہ عمارتوں میں گیس نئے کنکشنز پر عائد طویل پابندی کے باعث عوام اور بلڈرز کی 200 ارب روپے سے زائد رقم منجمد ہو گئی ہے جس سے حکومت کا ٹیکس ریوینیو بھی متا ثر ہو رہا ہے ۔ انہوں نے مزید کہا کہ صوبہ سندھ ملک کی مجموعی گیس کا 70 فیصد پیدا کرتا ہے مگر عوام کو نئے گیس کنکشنز فراہم نہ کر کے ان کے حقوق کی خلاف ورزی کی جارہی ہے ۔ جنید اشرف تالو نے کہا کہ نئے گیس کنکشنز پر سال 2011 میں دو سال کی عارضی پابندی عائد کی گئی تھی ۔ اگر کراچی ، حیدرآباد اور سکھر کی تمام زیر التوا گیس کنکشنز کی درخواستوں کو نمٹا دیا جائے تو گیس کی مجموعی کھپت ایک ایم ایم سی ایف ڈی سے بھی کم بنتی ہے جو آٹے میں نمک کے برابر ہے۔ چیئرمین آباد نے وفاقی وزیر خزانہ کو بتایا کہ زیر االتوا نئے گیس کنکشنز کی فراہمی کے سلسلے میں پابندی ختم کر نے سے متعلق ایس ایس جی سی کی سمری وزیر اعظم سیکریٹریٹ میں وزیر اعظم کے دستخط کی منتظر ہے ۔ اگر وزیراعظم نواز شریف سمری پر دستخط کردیں تو سندھ کے ہزاروں خاندانوں کی دعائیں حاصل کریں گے۔ وزیر خزانہ اسحاق ڈار نے آباد کے وفد کو یقین دہانی کرائی کہ وہ اس سلسلے میں اپنا بھر پور کردار ادا کریں گے۔مزید اہم خبریں
-
ملک سے سیاسی تقسیم اور افراتفری کا خاتمہ چاہتے ہیں، وزیر اعظم
-
اسلام آباد ہائی کورٹ نے عمران خان کی وکلا سے جیل میں ملاقات کی درخواست نمٹا دی
-
ریاست کی رٹ چیلنج کرنے والوں کے ساتھ سختی سے پیش آئیں گے،سرفراز بگٹی
-
سرکاری تقریبات میں پروٹوکول کیلئے سرخ قالین بچھانے پر پابندی عائد
-
علی امین گنڈا پور نے صوبے میں مستحق افراد کو 1 ارب سے زائد عید پیکیج دینے کی منظوری دیدی
-
تحریک انصاف کی کور کمیٹی نے عمران خان کے وکلاءکی کارکردگی پر سوالات اٹھا دئیے
-
پی ٹی آئی رہنماءعامر ڈوگر کو عمرے پر جانے کی اجازت مل گئی
-
گوجرانوالہ،سفاک چچا اور چچی کامبینہ طورپربچے پرڈنڈوں سے تشدد،7سالہ بچہ جاں بحق
-
شہبازشریف نے پی پی 164میں ضمنی انتخاب کیلئے رانا راشد منہاس کو پارٹی ٹکٹ جاری کر دیا
-
پی آئی اے پرواز کی خاتون فضائی میزبان کو ٹورنٹوائیرپورٹ پر حراست میں لے لیاگیا
-
بھارت: سیاسی رہنما مختار انصاری کی موت فطری یا 'قتل'؟
-
وزیرِ اعظم شہباز شریف نے مشترکہ مفادات کونسل کی تشکیلِ نو کر دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.