منہاج القرآن یورپین کونسل کے صدر اعجاز وڑائچ کا وفد کے ہمراہ مرکزی سیکرٹریٹ کا دورہ ،
بیرون ملک مقیم پاکستانی بڑھتے ہوئے قرضوں کے بوجھ کی وجہ سے پریشان ہیں ‘ڈاکٹر اعجاز احمد وڑائچ ، اوورسیز کمیشن بننے سے بھی ائیر پورٹس پر پاکستانیوں کی تذلیل میں کوئی کمی نہیں آئی ‘منہاج القرآن انٹرنیشنل یورپین کونسل کے صدر
پیر 30 مارچ 2015 23:25
لاہور(اُردو پوائنٹ اخبار تازہ ترین۔30مارچ۔2015ء )منہاج القرآن انٹرنیشنل یورپین کونسل کے صدر ڈاکٹر اعجاز احمد وڑائچ نے کہا ہے کہ حکومت کی بیڈ گورننس اور ملک پر بڑھتے ہوئے قرضوں کے بوجھ میں اضافہ اور دن بدن گرتے ہوئے معیار زندگی کی وجہ سے بیرون ملک مقیم پاکستانی شدید پریشانی کا شکار ہیں ،بیرون ملک مقیم ہر پاکستانی اپنے وطن کو سہولتوں اور خوشحالی کے اعتبار سے امریکہ اور یورپ سے بھی بہتر مقام پر کھڑا دیکھنا چاہتا ہے ،یہی ڈاکٹر طاہر القادری کا انقلابی ایجنڈا تھا کہ تعلیم ،صحت اور انصاف کی سہولت ہر غریب آدمی کو دہلیز پر میسر ہو ۔
ان خیالات کا اظہار انہوں نے منہاج القرآن سیکرٹریٹ کے دورہ کے موقع پر ڈائریکٹر فارن افیئرز جی ایم ملک سے گفتگو کرتے ہوئے کیا ۔(جاری ہے)
اعجاز وڑائچ اجتماعی شادیوں کی تقریب میں شرکت کیلئے بطور خاص ہالینڈ سے پاکستان آئے۔اعجاز وڑائچ نے گفتگو کرتے ہوئے کہا کہ پاکستان میں ٹیلنٹ کی کمی نہیں ہے ۔آج یورپ سمیت دنیا کے ہر ملک میں پاکستان کے انجنیئرز،ڈاکٹرز،سائنس دان اور بزنس کمیونٹی کے لوگ اپنے ہنر کے جوہر دکھا رہے ہیں ۔
پاکستان کے حالات بہتر ہو جائیں تو یہی تجربہ کار اور محب وطن پاکستانی دن رات اپنے ملک اور اپنے لوگوں کی خدمت کیلئے اپنے وطن میں موجود ہوں ۔انہوں نے کہا کہ موجودہ حکمرانوں نے ہر موقع پر یہ تاثر دیا کہ وہ معیشت کو دیگر جماعتوں کی نسبت بہتر سمجھتے ہیں مگر افسوس 3مرتبہ اقتدار حاصل کرنے کے باوجود پاکستانی کی معیشت بہتر ہونے کی بجائے مزید قرضوں اور سود کی دلدل میں پھنس گئی ہے ۔ انہوں نے کہا کہ موجودہ حکمرانوں نے ملکی قرضوں کا بوجھ 18ہزار ارب تک پہنچا دیا جو باعث تشویش ہے ۔صرف ایک سال میں قرضوں کا حجم جی ڈی پی کے 63.1سے بڑھ کر 67.9فی صد ہو گیا ہے ۔بیرون ملک مقیم پاکستانی موجودہ حکمرانوں سے سوال کر رہے ہیں کہ کشکول توڑا گیا یا اسکا سائز بڑا کر لیا گیا ہے ۔اس موقع پر ہالینڈ کے دیگر رہنماء ڈاکٹر عابد عزیز،وسیم افضل،ندیم احمد،عدنان جاوید و دیگر بھی موجود تھے ۔ڈاکٹر اعجاز وڑائچ نے کہا کہ اوورسیز کمیشن بنانے والے کب تک بیرون ملک مقیم پاکستانیوں کو بے وقوف بناتے رہیں گے ،پاکستانی ائر پورٹس پر مسافروں کے ساتھ توہین آمیز سلوک اور رشوت لینے کا سلسلہ بد ستور جاری ہے ،ائر پورٹ عملہ لوٹنے کے نت نئے بہانے طریقے ڈھونڈتا رہتا ہے ،پاکستانیوں کی تذلیل کا سلسلہ بند نہ ہوا تو زر مبادلہ کی ترسیل روکنے پر غور کر سکتے ہیں۔ انہوں نے کہا کہ ملکی حالات بہت نازک ہو چکے ہیں،بیرونی قرضوں نے ملکی ترقی کو مفلوج کر دیا ہے۔ملک کو اس گرداب سے نکالنے کیلئے عوام میں شعور کی بیداری کیلئے بہت محنت کی ضرورت ہے۔عوام کو انکے حقوق کا شعور دینا ہو گا تا کہ ملک میں مثبت سیاسی تبدیلی ممکن ہو سکے ۔تحریک منہاج القرآن اندرون و بیرون ملک مثبت قدروں کے فروغ کیلئے ڈاکٹر طاہر القادری کی قیادت میں کلیدی کردار ادا کررہے ہیں۔مزید اہم خبریں
-
بھارت: سیاسی رہنما مختار انصاری کی موت فطری یا 'قتل'؟
-
وزیرِ اعظم شہباز شریف نے مشترکہ مفادات کونسل کی تشکیلِ نو کر دی
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کی چینی سفارت خانے کے دورے کے موقع پر گفتگو
-
آئی ایم ایف کے ساتھ نئے پروگرام کیلئے اسٹاف لیول معاہدہ جون تک کرنا چاہتے ہیں، وفاقی وزیر خزانہ
-
اپریل کو سندھ بھر میں عام تعطیل کا اعلان
-
فرانس: بالوں سے متعلق امتیازی سلوک ختم کرنے کا نیا قانون
-
امریکی سفیرکی اڈیالہ جیل میں بانی پی ٹی آئی سے ملاقات پروضاحت
-
کیا جرمنی شام کی اسد حکومت کی بالواسطہ مالی مدد کر رہا ہے؟
-
بھائی کے ہاتھوں قتل ہونے والی ماریہ کی ابتدائی میڈیکل رپورٹ منظر عام پر آگئی
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
اللہ کو حاضر ناظرجان کر کہتا ہوں کسی کے ساتھ کوئی ناانصافی نہیں کی ،چیف جسٹس پشاور ہائیکورٹ
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.