قوم دہشت گردی کے معاملے پر متحد ہے،چوہدری محمد برجیس طاہر
پیر 30 مارچ 2015 16:47
صفدرآباد( اُردو پوائنٹ اخبار تازہ ترین۔30مارچ۔2015ء)گورنر گلگگت بلتستان/ وفاقی وزیر برائے امور کشمیر و گلگت بلتستان چوہدری محمد برجیس طاہر نے کہا ہے کہ دہشت گردی کے خلاف جنگ میں نہ پیٹھ دکھائیں گے اور نہ ہی ہار مانیں گے۔ دوسروں کی جنگوں میں کودنے کا صلہ ہمیں دہشت گردی جیسی لعنت کی صورت میں ملا لیکن اب اس بات میں کوئی ابہام نہیں رہا کہ کہ دہشت گردی کے خلاف جنگ اب ہماری جنگ بن چکی ہے۔
ان خیالات کا اظہار انہوں نے صفدرآبادکے نواحی گاؤں میلی برجی میں میڈیا کے نمائندوں سے گفتگوکرتے ہوئے کیا۔ وہ وادی تیراہ میں شہید ہونے والے فوجی جوان محمد وسیم افضل کی قبر پر پھول چڑھانے کے علاوہ فاتحہ خوانی کر رہے تھے۔ بعد ازاں انہوں نے محمد وسیم کے والدین سے بھی ملاقات کی اور دعا کی۔(جاری ہے)
میڈیاسے گفتگو کرتے ہوئے وفاقی وزیر نے کہا کہ کل تک جو قوم دہشت گردی کے معاملے پر ایک دوراہے پر کھڑی تھی آج وہ ایک جان ہے اور سمجھتی ہے کہ یہ جنگ اب ہماری جنگ ہے ۔
گورنر/وفاقی وزیر نے کہا کہ پاکستان کا بچہ بچہ دہشت گردی کے خاتمے کیلئے نہ صرف پر عزم ہے بلکہ حکومت اور فوج کے شانہ بشانہ کھڑا ہے۔ پاکستانی فوج، حکومت اور قوم آخری دہشت گرد کے خاتمے تک ان کا تعاقب جاری رکھے گی۔ گورنر نے کہا کہ بلوچستان میں امن، کراچی میں جرائم کی شرح میں کمی اور دہشت گردوں کی پیٹھ میں کامیاب حملے موجودہ حکومت کی مدبرانہ سوچ اور اور پالیسیوں کا منہ بولتا ثبوت ہیں۔ گورنر نے شہید ہونے والے نوجوان کے والدین سے بات چیت کرتے ہوئے کہا کہ حکومت اس قوم کے بچوں اور جوانوں کے قاتلوں کو واصل جہنم کیے بغیر چین سے نہیں بیٹھے گی۔ انہوں نے مزید کہا کہ شہدا کا خون رائیگاں نہیں جائے گا اور یہ ملک جلد خوشیوں کا گہوارہ بن جائے گا۔مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.