رائے ونڈ میں سندر انڈسٹریل اسٹیٹ کے زیر اہتمام تیسرے سالانہ فلاور شو کا انعقاد

اتوار 29 مارچ 2015 22:53

رائے ونڈ (اردو پوائنٹ تازہ ترین اخبار29مارچ ۔2015ء ) سندر انڈسٹریل اسٹیٹ کے زیر اہتمام تیسرے سالانہ فلاور شو کا انعقاد ۔تقریب کے مہمان خصوصی ممبر صوبائی اسمبلی چودھری گلزار گجر نے کہا کہ شجر کاری عین عبادت ہے پاکستان کو خوشحال بنانے کیلئے ہمیں درخت ہنگامی بنیادوں پر لگانا ہونگے ماحولیاتی آلودگی کے خاتمے کیلئے قدرت کا انمول تحفہ درخت ہیں انہوں نے مزید کہا کہ سندر انڈسٹریل نے شجر کاری مہم کو فروغ دیکر جہاں ماحولیاتی آلودگی کے خاتمے کیلئے کاوشیں کی ہیں وہاں پاکستان کو سرسبز اور صنعتی کارکنان کو صحت مندانہ ماحول بھی فراہم کیا ہے انہوں نے صدر سندر انڈسٹریل اسٹیٹ محمد عرفان قادری کو خراج تحسین پیش کرتے ہوئے کہا کہ بورڈ آف مینجمنٹ نے اہل علاقہ کو ایسے مواقع فراہم کرکے محب وطن ہونے کا بھی ثبوت دیا ہے ۔

(جاری ہے)