2017ء کے اختتام تک توانائی کے متعددمنصوبے بجلی پیدا کررہے ہوں گے:شہبازشریف،
حکومت کا ہر قدم توانائی بحران کے خاتمے کیلئے اٹھ رہا ہے ، ساہیوال میں کول پاور پلانٹس کے منصوبے پر تیزرفتاری سے کام جاری ہے ، چین کے حالیہ دورہ کے دوران توانائی اوردیگر شعبوں میں جاری اورنئے منصوبوں پر تیزرفتاری سے پیش رفت پر اتفاق، پاکستانی چین کے صدر کے دورہ پاکستان کے منتظر ہیں،چینی صدر کے دورہ کے دوران متعدد منصوبوں کا سنگ بنیاد رکھا جائیگا:وزیراعلیٰ
اتوار 29 مارچ 2015 18:59
لاہور(اردو پوائنٹ تازہ ترین اخبار29مارچ ۔2015ء) وزیراعلیٰ پنجاب محمد شہبازشریف کی زیر صدارت یہاں اعلی سطح کا اجلاس منعقد ہوا،جس میں وفاقی وزیر ریلویز خواجہ سعد رفیق نے بھی شرکت کی۔اجلاس کے دوران پنجاب میں توانائی کے مختلف منصوبوں خصوصاً ساہیوال میں کول پاور پلانٹس کے پراجیکٹس پر پیش رفت کا جائزہ لیاگیا اورساہیوال میں کوئلے سے بجلی پیدا کرنے کے منصوبے پر تیزرفتاری سے پیش رفت پر اتفاق کیاگیا۔
وزیراعلیٰ پنجاب محمد شہبازشریف نے اجلاس سے خطاب کرتے ہوئے کہا کہ توانائی کے حصول کیلئے انتہائی سنجیدہ اورمخلصانہ اقدامات کیے جارہے ہیں ۔ ساہیوال میں چین کے تعاون سے کول پاور پلانٹس کے منصوبے پر تیزرفتاری سے کام جاری ہے اورتیزرفتاری سے اس منصوبے پر کام کرتے ہوئے 2017ء میں مکمل کیا جائے گا ۔(جاری ہے)
انہوں نے کہا کہ حکومت روایتی ذرائع کے ساتھ قابل تجدید ذرائع سے بھی توانائی کے منصوبوں پر کام کررہی ہے ۔
چین کے حالیہ دورہ کے دوران توانائی اوردیگر شعبوں میں جاری اورنئے منصوبوں پر تیزرفتاری سے پیش رفت پر اتفاق کیاگیا ہے ۔انہوں نے کہا کہ پنجاب حکومت نے اپنے وسائل سے پاکستان کاپہلا اورسب سے بڑا 100 میگاواٹ کا سولر منصوبہ مکمل کرلیا ہے اوراس منصوبے کا جلد افتتاح ہوگاجبکہ وفاقی اورپنجاب حکومت نے مل کرصوبے میں گیس سے 3600میگاواٹ بجلی پیدا کرنے کے منصوبے لگانے کا فیصلہ کیا ہے۔ پنجاب حکومت گیس سے 1200میگاواٹ بجلی پیدا کرنے کا منصوبہ لگائے گی جبکہ وفاقی حکومت2400میگاواٹ کے منصوبے لگائے گی۔انہوں نے کہا کہ حکومت کا ہر قدم توانائی بحران کے خاتمے کیلئے اٹھ رہا ہے اور2017ء کے اختتام تک توانائی کے متعددمنصوبے بجلی پیدا کررہے ہوں گے۔وزیراعلیٰ نے کہا کہ پاکستانی قوم چین کے صدر کے دورہ پاکستان کیلئے چشم براہ ہے۔چین کے صدر کے دورہ پاکستان کے دوران متعدد منصوبوں کا سنگ بنیاد رکھا جائے گا۔انہوں نے کہا کہ چین کے تعاون سے ملک سے اندھیرے دور کر یں گے۔ ساہیوال کول پاور پلانٹس کے منصوبے کیلئے کوئلے کی کراچی پورٹ سے ترسیل کیلئے نظام وضع کیا جارہا ہے ۔وزیراعلیٰ نے کہا کہ کوئلے کی پاور پلانٹس تک ترسیل کے حوالے سے تمام متعلقہ محکمے تیز رفتاری سے ضروری اقدامات اٹھائیں ۔اس موقع پرگفتگو کرتے ہوئے وفاقی وزیر ریلوے خواجہ سعد رفیق نے کہا کہ وزارت ریلویز کوئلے کی ترسیل کے حوالے سے ہر ممکن تعاون کرے گی۔ایڈیشنل چیف سیکرٹری توانائی نے ساہیوال کو ل پاور پراجیکٹس کے حوالے سے تفصیلی بریفنگ دی۔چیف سیکرٹری پنجاب،وفاقی سیکرٹری / چےئرپرسن ریلویز،ساہیوال کول پاورپراجیکٹس پر کام کرنے والی چینی کمپنی کے عہدیداران،سینئر ممبر بورڈ آف ریونیو، ایڈیشنل چیف سیکرٹری توانائی،جنرل مینجر ریلویز،نیپرا،این ٹی ڈی سی اورپورٹ قاسم اتھارٹی کے اعلی حکام کے علاوہ متعلقہ افسران نے اجلاس میں شرکت کی۔مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.