توانائی کے بحران سے نمٹنے کے لیے حکومت سندھ سنجیدہ کوششیں کر رہی ہے ،چیئرمین ایس بی آئی ڈاکٹر آصف اے بروہی
اتوار 29 مارچ 2015 18:43
کراچی (اردو پوائنٹ تازہ ترین اخبار29مارچ ۔2015ء) قونصل جنرل سوئٹزلینڈ ایمل ویسے نے کہا ہے کہ سوئٹزرلینڈ کا تجارتی وفد مقامی صنعت کاروں سے ملنے پاکستان اور خاص طور پر سندھ آئے گا۔یہ بات انہوں نے سندھ سرمایہ کاری بورڈکے وفد سے ملاقات کرتے ہوئے کہی ،جس کی قیادت چیئرمین ڈاکٹر آصف اے بروہی کر رہے تھے۔ قونصل جنرل نے پاکستانی مارکیٹ میں دلچسپی رکھنے والی سوئس کمپنیوں اور اسمال اینڈ میڈیم انٹر پرائز کے بارے میں روشنی ڈالی ۔
اس ورکنگ سیشن کا مقصد سندھ میں موجود بین الاقوامی سرمایہ کاری کے مواقوں کو مزید اجاگر کرنا تھا ۔تاکہ باہمی تعاون کو فروغ دیتے ہوئے باہمی تجارت کے حجم کو مزید بہتر بنایا جاسکے ۔چیئرمین ایس بی آئی ڈاکٹر آصف اے بروہی نے کہا کہ حکومت سندھ سوئس اور مقامی سرمایہ کاروں کے درمیان تعاون کو مزید فروغ دینے کے لیے کوشاں ہے ۔(جاری ہے)
انہوں نے کہا کہ توانائی کے بحران سے نمٹنے کے لیے حکومت سندھ سنجیدہ کوششیں کر رہی ہے ،تھر کول میں سرمایہ کاری کے علاوہ سندھ میں موجود ونڈکو ریڈور اور شمسی توانائی سے بجلی حاصل کرنے کے لیے بھی سرمایہ کاروں کو مراعات اور سہولیات دی جارہی ہیں۔
انہوں نے کراچی ایجوکیشن سٹی کے بارے میں بتاتے ہوئے سوئس یونیورسٹیز کو اس پروجیکٹ میں مدعو کیا ۔ناہید میمن وائس چیئر پرسن ایس بی آئی نے کہا کہ حکومت غیر ملکی سرمایہ کاروں کو بہترین مراعات اور سہولیات فراہم کر رہی ہے تاکہ براہ راست غیر ملکی سرمایہ کاری کو مزید فروغ دیا جاسکے۔ اس سے قبل ڈائریکٹر جنرل ایس بی آئی محمد ریاض الدین نے شرکاء کو سندھ سرمایہ کاری بورڈ کے جاری پروجیکٹز کے بارے میں بتایا ۔ اس موقع پر محبوب الحق سی ای او سندھ انٹر پرائز ڈیولپمنٹ فنڈ ز،ابرار شیخ ڈائریکٹر ایس بی آئی اور فیصل فاروقی ڈپٹی ڈائریکٹر پبلک ریلیشنز بھی موجود تھے۔متعلقہ عنوان :
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.