سابق صدر آصف علی زرداری سے مولانا فضل الرحمن کی ملاقات ،مختلف امور پر تبادلہ خیال ،
یمن کی صورتحال پر حکومت کو تمام پارلیمانی جماعتوں، پارلیمنٹ کو اعتماد میں لینا چاہیے،آصف علی زرداری ، بلدیاتی انتخابات جماعتی بنیادوں پر ہونے چاہئیں،یمن کے مسئلے پرتمام جماعتوں کو اعتماد میں لیا جائے ،مولانا فضل الرحمن
ہفتہ 28 مارچ 2015 18:24
کراچی (اُردو پوائنٹ اخبار تازہ ترین۔28مارچ2015ء) پاکستان پیپلزپارٹی کے شریک چیئرمین اور سابق صدر آصف علی زرداری سے ہفتہ کو بلاول ہاوٴس میں جمعیت علمائے اسلام (ف) کے سربراہ مولانا فضل الرحمن نے ملاقات کی ۔ذرائع کے مطابق ملاقات میں ملک کی مجموعی سیاسی صورت حال ،کنٹونمنٹ بورڈز اور دیگر صوبوں میں ہونے والے بلدیاتی انتخابات ،یمن کی صورت حال اور اس معاملے پر حکومت کی موجودہ پالیسی سمیت دیگر امور پر تفصیلی تبادلہ خیال کیا گیا ۔
ذرائع نے بتایا کہ سابق صدر آصف علی زرداری نے کہا کہ یمن کی صورت حال پر حکومت کو تمام پارلیمانی جماعتوں اور پارلیمنٹ کو اعتماد میں لینا چاہیے اور تمام حالات کو مدنظر رکھتے ہوئے متفقہ حکمت عملی مرتب کی جائے ۔سابق صدر نے کہا کہ یمن کی صورت حال پر کوئی بھی فیصلہ کرنے سے قبل حکومت کو آل پارٹیز کانفرنس بلانی چاہیے ۔(جاری ہے)
انہوں نے کہا کہ کنٹونمنٹ بورڈز میں بلدیاتی انتخابات غیر جماعتی بنیادوں پر کرانے کا حکومتی فیصلہ غیر جمہوری ہے ۔
اس معاملے پر دیگر جماعتوں سے بھی مشاورت کریں گے ۔کنٹونمنٹ بورڈز میں انتخابات جماعتی بنیادوں پر ہونے چاہئیں تاکہ عوام آئین اور قانون کے مطابق اپنا حق رائے دہی استعمال کرسکیں ۔اس موقع پر مولانا فضل الرحمن نے کہا کہ یمن کی صورت حال پر حکومت تمام جماعتوں کو اعتماد میں لے کر فیصلہ کرے ۔ انہوں نے کہا کہ بلدیاتی انتخابات جماعتی بنیادوں پر ہونے چاہئیں ۔دونوں رہنماوٴں میں اس بات پر اتفاق کیا گیا کہ موجودہ سیاسی صورت حال اور دیگر امور پر رابطوں کا سلسلہ جاری رکھا جائے گا ۔متعلقہ عنوان :
مزید اہم خبریں
-
معروف ایرانی ریپر توماج صالحی کو سزائے موت سنا دی گئی
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
-
شیرافضل مروت کی قصورمیں درج مقدمے میں حفاظتی ضمانت منظور
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
پولیس یونیفارم پہننا جرم ہے جس کی قانون میں سزا ہے،یاسمین راشد
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
عدالت نے عمران خان و بشریٰ بی بی کو ریاستی اداروں اور آفیشلز کیخلاف بیان دینے سے روک دیا
-
نواز شریف ملکی مفاد کی خاطرعمران خان سے بات چیت کیلئے تیار ہیں،رانا ثناءاللہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.