دیہی علاقوں کیلئے ملک کی تاریخ کا سب سے بڑا منصوبہ ” خادم پنجاب دیہی روڈز پروگرام“ شروع کرنے کا فیصلہ ،
وزیراعلیٰ نے دیہی سڑکوں کی تعمیر و بحالی کے انقلابی منصوبے کی منظوری دیدی ، 3 برس میں150 ارب روپے خرچ ہونگے، پہلے مرحلے میں رواں مالی سال15 ارب روپے کی لاگت سے 2100 کلومیٹر طویل 255 سڑکوں کی تعمیر و بحالی کا کام مکمل کیا جائیگا ، دیگر ترقیاتی منصوبوں کی طرح خادم پنجاب دیہی روڈز پروگرام میں معیار، شفافیت اور برق رفتاری کو یقینی بنایا جائیگا‘ وزیراعلیٰ پنجاب
ہفتہ 28 مارچ 2015 18:10
لاہور ( اُردو پوائنٹ اخبار تازہ ترین۔28مارچ2015ء) وزیراعلیٰ پنجاب محمد شہبازشریف کی زیرصدارت اعلیٰ سطح کا اجلاس منعقد ہوا جس میں پنجاب کے دیہی علاقوں کی سڑکو ں کی تعمیر و بحالی کیلئے پاکستان کی تاریخ کا سب سے بڑا پروگرام” خادم پنجاب دیہی روڈز پروگرام“ شروع کرنے کا فیصلہ کیا گیا۔ وزیراعلیٰ شہبازشریف نے دیہی سڑکوں کی تعمیر و بحالی کے انقلابی منصوبے کی منظوری دیتے ہوئے کہا کہ مرحلہ وار پروگرام کے تحت 3برس میں دیہی علاقوں کی سڑکوں کی تعمیر و بحالی کے پروگرام پر مجموعی طور پر150 ارب روپے خرچ ہوں گے۔
وزیراعلیٰ محمد شہباز شریف نے اجلاس سے خطاب کرتے ہوئے کہا کہ 3 برس میں مرحلہ وار پروگرام کے تحت پنجاب کی تمام دیہی سڑکوں کی تعمیر و بحالی کا کام 150 ارب روپے کی لاگت سے مکمل کیا جائے گا۔(جاری ہے)
پہلے مرحلے میں 15 ارب روپے کی لاگت سے رواں مالی سال میں 255 سڑکوں کی تعمیر و بحالی کا کام مکمل کیا جائے گا اور تمام سڑکیں کارپٹڈ اور 12 فٹ چوڑی ہوں گی ۔ وزیراعلیٰ شہبازشریف نے کہا کہ پاکستان کی تاریخ میں دیہی علاقوں کی سڑکوں کی تعمیر و بحالی کا یہ سب سے بڑا پروگرام ہے۔
جس سے دیہی معیشت میں انقلاب برپا ہوگا۔ دیہی سڑکوں کی تعمیر و بحالی سے زرعی معیشت تیزی سے پھلے پھولے گی اور دیہی علاقے کے لوگوں کو روزگار کے مواقع میسر آئیں گے۔ دیہی عوام کو آمدورفت کی تیز رفتار سہولتوں کی فراہمی ممکن ہو سکے گی۔ انہو ں نے کہا کہ خادم پنجاب دیہی روڈز پروگرام میں شفافیت کو سابق منصوبوں کی طرح یقینی بنایا جائے گا۔ سڑکوں کے معیار کو یقینی بنانے کیلئے تھرڈ پارٹی آڈٹ لازمی ہوگا۔ رواں مالی سال دیہی علاقوں کی 2100 کلومیٹر طویل سڑکو ں کی تعمیر و بحالی کا کام مکمل کیا جائے گا۔ خادم پنجاب دیہی روڈز پروگرام کا آغاز اگلے ماہ کیا جا رہا ہے۔ سیکرٹری تعمیرات و مواصلات نے خادم پنجاب دیہی روڈز پروگرام سے متعلق تفصیلی بریفنگ دی۔صوبائی وزراء تنویر اسلم ملک ڈاکٹر فرخ جاوید، سیکرٹریز تعمیرات و مواصلات، خزانہ، اطلاعات ، منصوبہ بندی و ترقیات ، چیئرمین پنجاب انفارمیشن ٹیکنالوجی بورڈ، پریس سیکرٹری وزیراعلیٰ اور متعلقہ حکام نے اجلاس میں شرکت کی۔متعلقہ عنوان :
مزید اہم خبریں
-
قومی و صوبائی اسمبلیوں کی 22 نشستوں پر ضمنی انتخابات کے لیے تیاریاں مکمل‘پولنگ کل ہوگی
-
حیدر آباد،گرلز کالج معذورملازمہ کی مبینہ خود کشی ، مرنے سے پہلے خط میں تفصیلات بتا دیں
-
امریکا میں پاکستانی نژاد شہریوں کی تعدادچار لاکھ جبکہ بھارتی نژاد امریکیوں کی 28لاکھ ہے. امریکی مردم شماری بیورو
-
عدالتی حکم پر بشریٰ بی بی کا نجی ہسپتال سے میڈیکل چیک اپ کروا دیا گیا
-
برطانیہ اور یورپی یونین کو ادویات کی شدید قلت کا سامنا، رپورٹ
-
پاکستان اور چین کے درمیان معاشی اور ثقافتی تعلقات تیزی سے فروغ پا رہے ہیں ،وزیرِ اعظم شہباز شریف کا چینی زبان کے عالمی دن پر پیغام
-
محکمہ صحت خیبرپختونخواہ نے بشریٰ بی بی کے طبی معائنے کیلئے اجاز ت مانگ لی
-
امریکہ نے پاکستان کے بیلسٹک میزائل پروگرام میں معاونت کے الزام میں چار بین الاقوامی کمپنیوں پر پابندیوں کا اعلان کردیا
-
آئی ایم ایف نے 6 سے 8 ارب ڈالر نئے بیل آؤٹ پیکج کی درخواست منظور کرلی
-
پاکستان نے آئی ایم ایف سے اگلے بیل آﺅٹ پیکج کیلئے باضابطہ درخواست کر دی
-
آئی ایم ایف بورڈ کا 29 اپریل تک کا شیڈول جاری، پاکستان ایجنڈے میں شامل نہیں
-
21 اپریل کو آنے والا رزلٹ عمران خان اور شاہ محمودقریشی کی رہائی کا آرڈر ہو گا،زین قریشی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.