ذیلی کمیٹی برائے انتخابی اصلاحات کی آئندہ عام انتخابات میں امیدواروں کے انتخابی اخراجات دوگنا کرنے ،انتخابی ریکارڈ میں تبدیلی یا جعل سازی پر متعلقہ ریٹرننگ آفیسر کے خلاف کارروائی کی سفارش، الیکشن کمیشن کے حکام سے اگلے اجلاس میں الیکٹرانک ووٹنگ مشینوں بارے بریفنگ مانگ لی ،کمیٹی کا ارکان اسمبلی کے اثاثوں کی چھان بین کیلئے نیا فول پروف نظام وضع کرنے پر اتفاق
جمعرات 26 مارچ 2015 20:38
اسلام آباد(اُردو پوائنٹ اخبارتازہ ترین - آئی این پی۔26 مارچ۔2015ء) پارلیمانی کمیٹی برائے انتخابی اصلاحات کی ذیلی کمیٹی نے آئندہ عام انتخابات میں قومی اور صوبائی اسمبلیوں کے امیدواروں کے انتخابی اخراجات دوگنا کرنے اور انتخابی ریکارڈ میں تبدیلی یا جعل سازی پر متعلقہ ریٹرننگ آفیسر کے خلاف کارروائی کی سفارش کرتے ہوئے الیکشن کمیشن کو کمیٹی کے آئندہ اجلاس میں الیکٹرانک ووٹنگ مشینوں کے کام کرنے کے طریقہ کار پر بریفنگ کیلئے طلب کرلیا، کمیٹی نے ارکان اسمبلی کے اثاثوں کی چھان بین کیلئے نیا فول پروف نظام وضع کرنے پر بھی اتفاق کرلیا۔
جمعرات کو انتخابی اصلاحاتی کمیٹی کی ذیلی کمیٹی کا اجلاس کمیٹی کے کنوینئر زاہد حامد کی زیرصدارت یہاں پارلیمنٹ ہاؤس میں منعقد ہوا، کمیٹی میں سیکرٹری الیکشن کمیشن نے کمیٹی کو انتخابی قوانین میں مجوزہ ترامیم بارے تفصیلی بریفنگ دی اور انتخابات میں پولنگ ایجنٹس کے کام کرنے کے طریقہ کار سے آگاہ کیا۔(جاری ہے)
کمیٹی نے انتخابی ریکارڈ میں تبدیلیوں اور جعل سازی پر ریٹرننگ آفیسر کے خلاف کارروائی کی سفارش کر دی۔
زاہد حامد نے ان کیمرہ اجلاس کے بعد میڈیا کو بریفنگ دیتے ہوئے کہا کہ آئندہ انتخابی ریکارڈ کو محفوظ رکھنے کی ذمہ داری ریٹرننگ آفیسر کی ہو گی، کمیٹی نے قومی اور صوبائی اسمبلیوں کے امیدواروں کیلئے انتخابی اخراجات دوگنا کرنے کی بھی سفارش کردی، کمیٹی نے ارکان پارلیمنٹ کے اثاثوں کی چھان بین کا نیا طریقہ کار وضع کرنے پر بھی اتفاق کرلیا۔ انہوں نے کہا کہ الیکشن کمیشن آئندہ اجلاس میں بیرون ملک مقیم تارکین وطن کو ووٹ کا حق دینے بارے اور الیکٹرانک ووٹنگ مشین پر بریفنگ دے گا۔متعلقہ عنوان :
مزید اہم خبریں
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
احسن اقبال کی زیرصدرات اجلاس ، قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ لیا گیا
-
حکومت کا حج پر نہ جانے والے افراد سے بھی لاکھوں روپے وصول کرنے کا فیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.