حکومت کے گوداموں میں گندم وافر مقدار میں موجود ہے، اس کے باوجود کمیشن کھانے کے چکر میں وسط ایشیا سے غیر معیار ی 6لاکھ ٹن گندم منگوائی گئی ،سردارظفرحسین خان
پیر 23 مارچ 2015 15:03
فیصل آباد(اُردو پوائنٹ اخبار تازہ ترین۔23مارچ۔2015ء )حکومت کے گوداموں میں گندم وافر مقدار میں موجود ہے اس کے باوجود کمیشن کھانے کے چکر میں وسط ایشیا سے غیر معیار ی 6لاکھ ٹن گندم منگوائی گئی ہے ، اب پاکستان میں گندم کی دوسری فصل آنے والی ہے اوراس وقت صورتحال یہ ہے کہ گودام ابھی تک خالی نہیں کئے جاسکے۔ جس سے بحران پیدا ہوگا اور اس کے نتیجہ میں کاشتکار اپنی سب سے بڑی فصل خسارے میں فروخت کرے گا۔
گندم کی فصل کٹائی کے لئے تیار ہو چکی ہے مگر حکومت نے ابھی تک کسی پالیسی کا اعلان نہیں کیا۔ حکومت فوری طور پر گندم کی خریداری پالیسی کا اعلان کرے اور پاسکو ومحکمہ فوڈ کو گندم کی خریداری کا پابند بنائے۔جماعت اسلامی کسانوں کو درپیش مسائل و مشکلات کے حل کیلئے کسان بچاؤ تحریک چلائے گی۔(جاری ہے)
ان خیالات کا اظہار آل پاکستان کسان بور ڈکے سابق صدروجماعت اسلامی کے ضلعی امیرسردارظفرحسین خان نے کہا ہے کہنے المرکزالاسلامی چنیوٹ بازار میں کاشتکاروں کے ایک وفد سے گفتگو کرتے ہوئے کیا ۔
انہوں نے کہا کہ کسان دن بدن مفلوک الحال ہو تے جارہے ہیں۔ ملز مالکان ، مڈل مین اور ارباب اختیار و اقتدار طبقہ کسانوں کی محنت کی کمائی پر ڈاکہ ڈال رہے ہیں۔ زرعی شعبے کی ترقی کے لیے جامع حکمت عملی بنائی جائے اور کسانوں کے مسائل کو نظرانداز کرنے کی بجائے ہنگامی بنیادوں پر حل کیے جانے چاہئیں۔موجودہ حکمران زراعت کونظرانداز کر کے ملک میں ترقی چاہتے ہیں ان کا یہ خواب کبھی پورا نہیں ہو سکتا۔زراعت ملکی معیشت میں ریڑھ کی ہڈی کی حیثیت رکھتی ہے۔انہوں نے کہا کہ حکومت نے اس شعبہ کو مکمل طور پر نظرانداز کر دیا ہے جس کے نتیجہ میں کسانوں کے مسائل میں اضافہ ہو رہا ہے۔کاشتکاروں کو فصلوں کی بہتر قیمت دلانے کے لیے اقدامات کیے جا نے چاہئیں۔ کہ انہوں نے کہا کہ مریکہ اور انڈیامیں کاشتکار کے لیے رعایتی قیمت مقرر کی جاتی ہے اور یقینی بنائی جاتی ہے اور اگر مارکیٹ گرنے لگے تو حکومتیں خود اس کو برداشت کرتی ہیں ۔انہوں نے مطالبہ کیا کہ حکومت حالات کا ادراک کرے اور گندم کی فصل آنے سے قبل اس کی خریداری اور سٹوریج کا مناسب انتظام کرے تاکہ نہ کاشتکار کو اس موقع پر پریشانی نہ اٹھانی پڑے۔مزید قومی خبریں
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
ایران سے سالانہ بنیادوں پر درآمدات میں 25فیصد کا بڑا اضافہ
-
لاہور : بارش سے بجلی کا ترسیلی نظام متاثر، 46 سے زائد فیڈر ٹرپ کر گئے
-
صوبائی وزیر صحت کی زیر صدارت فاطمہ جناح میڈیکل یونیورسٹی کا سینڈیکیٹ اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.