عوام جمہوریت کے لئے اپنے آپ کو وقف کر دیں، ریاست کی طاقت عوام کی امنگوں سے ہوتی ہے، بندوق کی نالی سے نہیں، ہمیں ان اصولوں کے لئے خود کو وقف کر دینا چاہیے جن کے لئے پاکستان بنایا گیا تھا،پاکستان جمہوریت، قانون کی حکمرانی، آئین کی عملداری اور شہریوں کی برابری کے اصول پر بنایا گیا ، عوام کبھی انتہاپسندوں کا ایجنڈا قبول نہیں کریں گے
سابق صدر آصف علی زرداری کا 75ویں یوم پاکستان کے موقع پر پیغام
اتوار 22 مارچ 2015 14:36
اسلام آباد (اُردو پوائنٹ اخبار تازہ ترین۔22مارچ۔2015ء) پاکستان پیپلز پارٹی کے شریک چیئرمین سابق صدر آصف علی زرداری نے عوام سے کہا ہے کہ وہ جمہوریت کے لئے اپنے آپ کو وقف کر دیں، ریاست کی طاقت عوام کی امنگوں سے ہوتی ہے، بندوق کی نالی سے نہیں، ہمیں ان اصولوں کے لئے خود کو وقف کر دینا چاہیے جن کے لئے پاکستان بنایا گیا تھا،پاکستان جمہوریت، قانون کی حکمرانی، آئین کی عملداری اور تمام شہریوں کی برابری کے اصول پر بنایا گیا تھا، پاکستان کے عوام کبھی بھی انتہاپسندوں کا ایجنڈا قبول نہیں کریں گے ۔
75ویں یوم پاکستان کے موقع پر اپنے پیغام میں انہوں نے کہا کہ یہ بالکل واضح ہو جانا چاہیے کہ پاکستان میں طاقت کا سرچشمہ عوام کی اجتماعی خواہشات اور امنگوں میں مضمر ہے نہ کہ بندوق کی نالی میں یا کسی خودپسند کے حکم پر عوام کو زندگیاں گزارنے پر مجبور کیا جا سکے گا۔(جاری ہے)
اس روز ہمیں 23مارچ 1940ء کو تاریخی قرارداد پاکستان میں کئے گئے وعدے کو بھی یاد رکھنا پڑے گا جس میں کہا گیا تھا کہ غیرمسلم اقلیتوں کے مذہبی، ثقافتی اور سیاسی حقوق کی حفاظت کی جائے گی اور اس سلسلے میں ان سے مشورہ کیا جائے گا۔
انہوں نے کہا کہ غیرمسلموں کے خلاف عدم برداشت کے مختلف واقعات اور کچھ قوانین کا غلط استعمال ان کے خلاف کیا جانا انتہائی متفکر کردینے والامعاملہ ہے اور ہمیں برداشت اور مذہبی ہم آہنگی کو فروغ دینا ہوگا۔ آج کے روز ہمیں اپنے آباؤ اجداد کے ان وعدوں کو بھی یاد رکھنا ہوگا کہ ریاست کے غیرمسلم شہریوں کے حقوق اور ان کے مفادات کا تحفظ کرنا ہمارا فرض ہے۔ اللہ تعالیٰ ہمیں قائداعظم کے اصولوں پر چلنے کی کوششوں میں کامیابی عطا فرمائے۔متعلقہ عنوان :
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.