تحریک انصاف کے کامیاب مذاکرات اور جوڈیشل کمیشن کی تشکیل پر اتفاق خوش آئند ہیں، برجیس طاہر،
مسلم لیگ (ن) نے ہمیشہ باہمی گفت و شنید اور مذاکرات کے ذریعے مسائل کے حل کو اہمیت دی ہے،ب تحریک انصاف بہت جلد اسمبلیوں میں بیٹھ کر ملکی ترقی میں اپنا کردار ادا کرتی نظر آئے گی، عوامی اجتماع سے خطاب
ہفتہ 21 مارچ 2015 22:07
اسلام آباد( اُردو پوائنٹ اخبارتازہ ترین - آن لائن۔21مارچ۔2015ء) گورنر گلگت بلتستان و وفاقی وزیر برائے امور کشمیر و گلگت بلتستان چوہدری محمد برجیس طاہر نے کہا ہے کہ تحریک انصاف کے حکومت کے ساتھ کامیاب مذاکرات اور جوڈیشل کمیشن کی تشکیل پر اتفاق خوش آئند ہیں۔ پاکستان مسلم لیگ (ن) نے ہمیشہ باہمی گفت و شنید اور مذاکرات کے ذریعے مسائل کے حل کو اہمیت دی ہے۔
اب تحریک انصاف بہت جلد اسمبلیوں میں بیٹھ کر ملکی ترقی میں اپنا کردار ادا کرتی نظر آئے گی۔ ان خیالات کا اظہار انہوں نے صفدر آباد میں عوامی اجتماع سے خطاب کر تے ہوئے کیا۔ وہ صفدر آباد میں مختلف ترقیاتی کاموں کا افتتاح کر رہے تھے۔ گورنر و وفاقی وزیر نے کہا کہ غل غپاڑہ سیاستدانوں کا شیوہ نہیں اور نہ ہی یہ مسائل کا حل ہے۔(جاری ہے)
پاکستان کا قیام ایک سیاسی اور پر امن جد و جہد کے نتیجے میں عمل میں آیا۔
پاکستان مسلم لیگ قائد اعظم کی جماعت ہے جبکہ قائد کے سیاسی افکار ہی ہمارے لیے مشعل راہ ہیں۔ وفاقی وزیر نے کہا کہ پرویز مشرف کے آمرانہ اقتدار کے خاتمے کے بعد سیاسی جماعتوں کے کردار میں پختگی آنے کے علاوہ عوام کی سیاستدانوں پر امیدوں میں بھی اضافہ ہوا ہے۔ وفاقی وزیر نے کہا کہ جوڈیشل کمیشن کی انکوئری کے بعد دودھ کا دودھ اور پانی کا پانی ہو جائے گا۔انہوں نے مزید کہا کہ پاکستان مسلم لیگ (ن) کی حکومت قائم ہو نے کے بعد ملکی ترقی کے حوالے سے ایک امید کی کرن پیدا ہوئی تھی لیکن بعدازاں ایسے حالات پیدا ہو گئے کہ عوام ملکی سیاسی حالات سے مایوس ہو گئے۔ ہماری حکومت ایک طرف تو جمہوریت کی بالادستی، سیاسی روایات کی پاسداری اور سیاسی مینڈیٹ کے احترام جبکہ دوسری جانب کثیر الجہتی ترقی پر یقین رکھتی ہے تاکہ ملکی وسائل کو انسانی ترقی اور عوامی فلاح کیلئے استعمال میں لایا جائے۔گورنر/وفاقی وزیر نے کہا کہ تحریک انصاف کو مذاکرات کی بات دیر سے سمجھ آئی لیکن صبح کا بھولا شام کو گھر لوٹ آئے تو اسے بھولا نہیں کہتے۔ انہوں نے کہا کہ جس طرح چیئرمین سینٹ کا انتخاب پر امن اور اتفاق رائے سے ہوا ہے اس طرح ملک کو درپیش دیگر مسائل کا حل بھی اسی طریقے سے ڈھونڈا جائے گا۔ چوہدری محمد برجیس طاہر نے صفدر آباد میں کروڑوں روپے کی لاگت سے تعمیر ہونے والے ترقیاتی منصوبوں کے افتتاح و سنگ بنیاد رکھے۔متعلقہ عنوان :
مزید اہم خبریں
-
کورکمانڈر ہاؤس تک کتنے ناکے لگے ہوتے ہیں، 9 مئی کو پولیس کہاں تھی؟
-
خیبرپختونخواہ کسانوں سے 3900 روپے کی قیمت پر گندم خریداری مہم شروع کرنے والا پہلا صوبہ بن گیا
-
قوم اور پاکستان نو مئی کے مجرموں کو بھولے ہیں نہ بھولیں گے
-
جتنی بھی سیاسی جماعتیں ہیں، وہ فارم 47 کے چھتری تلے سرکاری سسٹم میں آ گئی ہیں
-
پاکستان اور عالمی بنک اصلاحات اور ترقی کے ایجنڈے کو آگے بڑھانے کے لئے پارٹنرشپ فریم ورک پر کام کرنے پر متفق
-
وزیر اعظم شہباز شریف سے ازبکستان کے وزیر خارجہ کی ملاقات،تجارت، معیشت، سیکورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال
-
تکنیکی و فنی تعلیم کو یکساں کرنے اور بیرون ملک پاکستانی افرادی قوت کیلئے پاکستان سکل کمپنی اور سکل ڈویلپمنٹ فنڈ کے قیام کافیصلہ
-
33 سی ایم اسپیشل پراجیکٹس کی ٹائم لائن کے اندرتکمیل کے لیے ہدایات جاری
-
وزیراعلیٰ مریم نواز سے ترکمانستان کے سفیر عطاجان نورلیو یچ مولاموف کی ملاقات،تجارتی تعلقات بڑھانے پر اتفاق
-
وزیراعلیٰ مریم نواز سے جمہوریہ قازقستان کے سفیر کی ملاقات، شہدا کے بچوں کیلئے قازقستان میں سٹڈی کیلئے سکالرشپ کا اعلان
-
وزیراعظم محمد شہبازشریف سے عالمی بینک کے نائب صدر برائے جنوبی ایشیا کی ملاقات
-
ماہ ذی القعدہ کے چاند کی رویت کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.