صیہونی اور یہودی طاقتیں سوچے سمجھے منصوبے کے تحت پاکستان میں اپنا ایجنڈا مسلط کرنا چاہتی ہیں،مولانا عبدالغفور حیدری
جمعہ 20 مارچ 2015 14:49
فیصل آباد (اُردو پوائنٹ اخبار تازہ ترین۔20مارچ۔2015ء) ڈپٹی چیئرمین سینٹ اور جمعیت علمائے اسلام ف کے مرکزی جنرل سیکرٹری مولانا عبدالغفور حیدری اور جمعیت علمائے اسلام کے مرکزی رہنما و سینیٹر مولانا عطاء الرحمان نے کہا ہے کہ دنیا کے صیہونی اور یہودی طاقتیں ایک سوچے سمجھے منصوبے کے تحت پاکستان میں اپنا ایجنڈا مسلط کرنا چاہتے ہیں اور ایک سابق فوجی آمر نے امریکہ کا ساتھ دینے کے لئے اور اپنا اقتدار بچانے کے لئے ایسا ایک یو ٹرن لیا جس کا خمیازہ آج ملک بھر میں دہشت گردی کی صورت میں بھگت رہے ہیں۔
انہوں نے یہ بات فیصل آباد میں تحفظ ناموس رسالت و خدمات مدارس کانفرنس کے دوران خطاب کرتے ہوئے کہی۔ ڈپٹی چیئرمین سینٹ مولانا عبدالغفور حیدری نے کہا کہ اسلام کے لئے مدارس کی خدمات ناقابل فراموش ہیں ہم اپنی جانیں تو دے سکتے ہیں دین اسلام جو برحق دین ہے اس پر آنچ نہیں آنے دینگے اور اس کے تحفظ کے لئے ہم ہر ممکن کوشش کرینگے۔(جاری ہے)
انہوں نے کہا ہمارے ہزاروں علمائے کرام کو بلاوجہ پکڑ کر جیلوں میں بند کیا جا رہا ہے اور مذہبی طبقے کو ہراساں کر کے دین اسلام کی آبیاری کو روکنا قابل مذمت اقدام ہے جس کو ہم کسی صورت بھی برداشت نہیں کریں گے۔
مولانا عطاء الرحمان نے اس موقع پر کہا مدارس کی طرف میلی انکھ سے دیکھنے والوں کی آنکھیں نکال دی جائیں گی اور ہم اسلامی ملک میں کسی غیر ملکی طاقتوں کا ایجنڈا کامیاب نہیں ہونے دینگے۔ انہوں نے کہا کہ اب 21 ویں ترمیم کی آڑ میں ملک بھر میں مدارس کے خلاف کارروائیاں شروع کر دی گئیں ہم اس کی پر زور مذمت کرتے ہیں اور جس کسی نے بھی مدارس کی طرف میلی آنکھ سے دیکھا تو اس کی آنکھیں نکال دینگے اور جس کی نے ہاتھ اٹھانے کی کوشش کی تو ہاتھ تور دینگے انہوں نے کہا کہ ملک میں اسلامی نظام سے ہی امن آئے گا۔ انہوں نے کہا پورا ملک دہشت گردی کی لپیٹ میں ہے اور دہشت گرد کے نزدیک کوئی مذہب اور کوئی فرقہ نہیں ہوتا جس کی واضح مثالیں موجود ہیں کہ انہی دہشت گردوں نے جمعیت علمائے اسلام (ف) کے بعض اکابرین کو بھی اپنا نشانہ بنایا جبکہ جمعیت علمائے اسلام (ف) کے مرکزی امیر مولانا فضل الرحمان متعدد مرتبہ دہشت گردوں کی طرف سے کئے گئے بم دھماکوں میں بال بال بچے اس کانفرنس سے مرکزی ڈپٹی سیکرٹری مولانا محمد امجد خان‘ پنجاب کے امیر ڈاکٹر عتیق الرحمان‘ مولانا محمد اقبال اور ضلعی امیر فیصل آباد سید محمد ذکریا نے بھی خطاب کیا۔مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.