کراچی، کسٹم ڈرگ انفورسمنٹ سیل جے آئی اے پی نے کارروائی کرکے کروڑوں روپے مالیت کی اعلیٰ کوالٹی کی ہیروئن برآمد کرلی
جمعرات 19 مارچ 2015 21:38
کراچی (اُردو پوائنٹ اخبار تازہ ترین۔19مارچ۔2015ء) کسٹم ڈرگ انفورسمنٹ سیل جے آئی اے پی نے کارروائی کرکے کروڑوں روپے مالیت کی اعلیٰ کوالٹی کی ہیروئن برآمد کرلی ۔یہ بات اے ڈی سی فیروزعالم جونیجو نے جمعرات کو کسٹم ہاوٴس میں پریس کانفرنس کے دوران صحافیوں کو بتائی ۔انہوں نے بتایا کہ ڈرگ انفورسمنٹ سیل نے پوسٹ ایکسپریس میل سروس پی ای سی ایچ ایس بلاک 4شاہراہ فیصل میں ایک مشکوک پارسل کی ایگزامنیشن کی تو جوئلری کے ڈبوں میں چھپائی گئی ڈیڑ ھ کلو ہیروئن برآمد ہوئی ۔
یہ پارسل کراچی سے چمبری بیری ٹورنٹو کینیڈا کے لیے بک کرایا گیا تھا ۔انہوں نے مزید بتایا کہ جوئلری بکس کی بکنگ گجراتی محلہ محمدی کالونی ماڑی پور کے رہائشی ناصر ولد خادم حسین نے کرائی ۔تفتیش کی گئی تو جمع کرایا گیا شناختی کارڈ جعلی تھا ۔(جاری ہے)
جبکہ پکڑی جانے والی ہیروئن کی مالیت عالمی مارکیٹ میں ڈیڑھ کروڑ روپے ہے ۔پارسل کے حوالے سے مزید تفتیش جاری ہے ۔
انہوں نے مزید بتایا کہ ڈرگ انفورسمنٹ سیل ایم سی سی نے گزشتہ تین ماہ کے دوران چار بڑی کارروائیاں کیں جس میں ڈی ایچ ایل کے ذریعہ برطانیہ کے لیے بک کرائے گئے پارسل سے ایک کلو400گرام ہیروئن جس کی عالمی مارکیٹ میں مالیت 1کروڑ 40لاکھ جبکہ شاہین ایئرلائن کے کراچی سے دبئی جانے والی فلائٹ کے مسافر سے ایک کلو گرام ہیروئن پکڑی گئی ۔ایک اور کارروائی میں جی پی او کراچی سے بھیجے جانے والے پارسل سے 450گرام ہیروئن جس کی مالیت 5لاکھ روپے ہے ۔جبکہ ڈی ایچ ایل کے ذریعہ کراچی سے اونٹاریو کینیڈا کے لیے بک کرائے گئے پارسل سے 50گرام ہیروئن برآمد کی گئی ۔ایک سوال کے جواب میں انہوں نے بتایا کہ پاکستان سے یومیہ 50ہزار شہری بیرون ملک سفر کرتے ہیں ،قانون میں کافی سقم ہے جس کی وجہ سے اسمگلنگ کی مکمل روک تھام ممکن نہیں ہے ۔اے ایس ایف کے اسکینر سے مسافروں کی چیکنگ کی جاتی ہے جبکہ اے این ایف 70فیصد مسافروں کو چیک کرتی ہے ۔کسٹم حکام شہریوں کی دستی چیکنگ کرتے ہیں مشکوک پارسل یا مشکوک مسافر کو ترجیحی بنیادوں پر تلاشی لی جاتی ہے ۔اگر کسٹم ہر مسافر کی تفصیلی تلاشی لے تو کئی انٹرنیشنل فلائٹس تاخیر کا شکار ہوسکتی ہیں ۔اس موقع پر اے سی ایئرپورٹ واصف ملک ،اے سی سید محمد رضا نقوی ،اے ڈی سی طاہر قریشی سمیت کسٹم کے اعلیٰ افسران موجود تھے ۔متعلقہ عنوان :
مزید اہم خبریں
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
-
ایران : اصفہان میں دھماکوں کی آوازیں اسرائیل کا ایران پر’ ’میزائل حملہ“ کرنے کا دعوی
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، سعودی سرمایہ کاروں کے لیے بینکاری اور سرمایہ کاری کے قابل منصوبے پیش کر یں گے، وزیرخزانہ محمداورنگزیب کی واشنگٹن میں ملاقاتوں ..
-
غیر ملکیوں کی گاڑی پر حملہ، دہشتگرد حملہ آور پیدل چل کر گاڑی تک پہنچے،ڈی آئی جی ایسٹ اظفر مہیسر
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.