ملک کے آئین کے خلاف ہونے والے کسی بھی کام کو روکنا حکومت کا فرض ہے ‘ سراج الحق ،
کراچی پاکستان کی اقتصادی شہ رگ ہے جب تک کراچی میں حالات ساز گار نہیں ہوتے ملکی معیشت ٹھیک نہیں ہوسکتی، امیر جماعت اسلامی کی وزیر اعلیٰ سندھ سے ملاقات ، کراچی سے تربت پہنچنے پر جماعت کے جلسہ عام سے قبل لاپتہ افراد کے احتجاجی کیمپ کا دورہ
جمعرات 19 مارچ 2015 21:30
لاہور(اُردو پوائنٹ اخبار تازہ ترین۔19مارچ۔2015ء ) امیر جماعت اسلامی پاکستان سینیٹر سراج الحق نے کہاہے کہ لاپتہ افراد پاکستان کے آئین اور جمہوریت کے لیے بدنما داغ اور مارشل لاء کا تسلسل ہے ۔ ان خیالات کااظہار انہوں نے تربت کے بلدیہ سرکٹ ہاؤس میں لاپتہ افراد کے لواحقین کے احتجاجی کیمپ میں مظاہرین سے گفتگو کرتے ہوئے کیا ۔ سراج الحق نے کراچی سے تربت پہنچنے پر جماعت کے جلسہ عام سے قبل لاپتہ افراد کے احتجاجی کیمپ کا دورہ کیا ۔
اس موقع پر سراج الحق نے کہاکہ ملک کے آئین کے خلاف کوئی بھی کام ہورہاہو، تو حکومت کا فرض ہے کہ وہ اسے روکے لاقانونیت کی کسی کو بھی اجازت نہیں دی جاسکتی ۔ انہوں نے کہاکہ لاپتہ افراد کے لواحقین کئی سالوں سے احتجاج کر رہے ہیں مگر انہیں ان کے پیاروں کے بارے میں کچھ نہیں بتایا جارہا۔(جاری ہے)
انہوں نے کہاکہ معصوم لوگوں کو اٹھا کر غائب کر دینے والوں کے خلاف قانونی کاروائی ہونی چاہیے ۔
کسی جمہوری معاشرے میں لوگوں کا راتوں رات غائب ہو جانا انتہائی سنگین مسئلہ ہے ۔ حکومت اس مسئلہ سے پہلو تہی کر کے اپنا دامن چھڑانا چاہتی ہے یہ ریاست کے لیے سنگین مسائل کا سبب بن سکتاہے ۔سراج الحق نے کہاکہ جماعت اسلامی لاپتہ افراد کے لیے ہر فورم پر آواز اٹھائے گی ۔دریں اثنا سراج الحق سے کراچی ایئر پورٹ پر وزیر اعلیٰ سندھ سید قائم علی شاہ کی ملاقات ہوئی ہے۔دونوں رہنماؤں نے باہمی دلچسپی کے امور خاص طور پر کراچی میں امن و امان کے قیام اور دہشت گردی کے خاتمہ کیلئے رینجرز کی حالیہ کامیاب کاروائیوں پر تبادلہ خیال کیا ۔ اس موقع پرگفتگو کرتے ہوئے سراج الحق نے کہا کہ کراچی پاکستان کی اقتصادی شہ رگ ہے جب تک کراچی میں حالات ساز گار نہیں ہوتے ملکی معیشت ٹھیک نہیں ہوسکتی ،انہوں نے کہا کہ کراچی سمیت ملک سے دہشت گردی کے خاتمہ کیلئے سب جماعتیں متفق اور قوم یکسو ہے ،سراج الحق نے اس ضرورت پر زور دیا کہ کراچی آپریشن پر کسی فرد یا جماعت کو اعتراض کا موقع نہیں ملنا چاہئے ۔اس موقع پر وزیر اعلیٰ سندھ نے امیر جماعت اسلامی سراج الحق کو وزیر اعلیٰ ہاؤس کے دورہ کی بھی دعوت دی ۔مزید اہم خبریں
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
-
خیبر پختونخواہ حکومت کا لاکھوں ٹن گندم کی خریداری کا فیصلہ
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
-
وزیر اعلیٰ مریم نواز سے ہالینڈ کی سفیر مسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت
-
عمران خان کو ریاستی اداروں کے خلاف بیانات سے اجتناب برتنے کے حکم پر تنقید و سوالات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.