کارکن مسلم لیگ کا عظیم سرمایہ ہیں ،تمام مسائل حل کرکے ان کے گلے شکوے دور کئے جائیں گے،سینیٹراقبال ظفرجھگڑا،
پارٹی کیلئے قربانیاں دینے والے کارکنوں کو قدر کی نگاہ سے دیکھتے ہیں ،کبھی مایوس نہیں کرینگے‘مرکزی سیکرٹری جنرل کااجلاس سے خطاب
جمعرات 19 مارچ 2015 21:30
پشاور(اُردو پوائنٹ اخبار تازہ ترین۔19مارچ۔2015ء)پاکستان مسلم لیگ (ن) کے مرکزی سیکرٹری جنرل اور نومنتخب سینیٹر اقبال ظفر جھگڑا نے کہا ہے کہ کارکن مسلم لیگ کا عظیم سرمایہ ہیں ان کے تمام مسائل حل کرکے ان کے گلے شکوے دور کئے جائیں گے‘ نامساعد حالات میں پارٹی اور قائدین کا ساتھ دینے والے کارکنوں کو خراج تحسین پیش کرتے ہیں‘ آئندہ متوقع بلدیاتی الیکشن میں بھرپور حصہ لے گے اور صوبہ بھر میں کلین سویپ کریں گے ‘ مسلم لیگی شیروں کے تعاون سے وزیر اعظم میاں نواز شریف کے ہاتھ مضبوط کرینگے‘ ان خیالات کا اظہار انہوں نے گزشتہ روز پاکستان مسلم لیگ (ن) خیبرپختونخوا سیکرٹریٹ میں پارٹی اجلاس سے خطاب کرتے ہوئے کیا ‘ اجلاس میں صوبائی صدر پیر صابر شاہ ‘ جنرل سیکرٹری رحمت سلام خٹک‘ نومنتخب سینیٹرز جاوید عباسی‘ صلاح الدین ترمذی‘ وزیر اعظم کے مشیر انجینئر امیر مقام ‘ ایم این اے عمر ایوب‘ ایم پی ایز اورنگزیب نلوٹھہ ‘ صوبیہ خان‘ رشاد خان ‘ صوبائی سیکرٹری اطلاعات ناصر خان موسیٰ زئی سمیت تمام صوبائی عہدیداروں‘ اضلاع کے صدور اور جنرل سیکرٹریز نے کثیر تعداد میں شرکت کی‘ اجلاس میں آئندہ متوقع بلدیاتی الیکشن میں بھرپور شرکت کا فیصلہ کرتے ہوئے متعلقہ امور پر بحث کی گئی اور اہم فیصلے کئے گئے ‘اقبال ظفر جھگڑا نے مزید خطاب کرتے ہوئے کہا کہ پارٹی کیلئے قربانیاں دینے والے کارکنوں کو قدر کی نگاہ سے دیکھتے ہیں اور انہیں کبھی بھی مایوس نہیں کرینگے‘ وزیر اعظم میاں نواز شریف کے ساتھ ملاقات کے دوران تمام کارکنوں کے مسائل ان تک پہنچائے اور وزیر اعظم کی ہدایات کی روشنی میں کارکنوں کے مسائل حل کئے جائیں گے‘ انہوں نے کہا کہ خیبرپختونخوا کے کارکن بلدیاتی الیکشن کی تیاریاں شروع کر دیں اور اپنی تجاویز پیش کریں جن پر غور و خوض کیا جائے گا اور کارکنوں کی مشاورت سے اقدامات اٹھائے جائیں گے ۔
مزید اہم خبریں
-
وزیر صحت خواجہ سلمان رفیق کی زیر صدارت فاطمہ جناح میڈیکل یونیورسٹی کا 36 واں سینڈیکیٹ اجلاس
-
چین کے لیے جاسوسی کا الزام، یورپی پارلیمنٹ میں جرمن عملے کا رکن گرفتار
-
صدر مملکت آصف علی زرداری سے پاکستان نیشنل ہارٹ ایسوسی ایشن (پناہ) کے وفد کی ملاقات
-
قوموں کی برادری میں نمایاں مقام حاصل کرنے کے لئے علم اور ہنر،سائنس اور ٹیکنالوجی پر خصوصی توجہ دینا وقت کی اہم ضرورت ہے،ایران کے صدر ابراہیم رئیسی کا جی سی یو میں خطاب
-
مارچ کے مہینے میں ملک میں غیر ملکی سرمایہ کاری 25 کروڑ 80 لاکھ ڈالر تک پہنچ گئی
-
بانی پی ٹی آئی اس ماہ کے آخر تک جیل سے باہر آجائیں گے،اسد قیصر
-
یونیسیف کے نمائندے کی وزیر تعلیم سے ملاقات ،تعلیمی شعبے میں یونیسیف کی خدمات کا اعتراف
-
صدرمملکت سے ایئر ایشیا ایوی ایشن گروپ کے وفد کی ملاقات ، مختلف امورپر غور
-
سعودی عرب جلد پاکستان میں 5 ارب ڈالر کی سرمایہ کاری کریگا ،احسن اقبال
-
سوئی سدرن گیس کے ہزاروں ملازمین کو ریگولرائز کرنے سے متعلق درخواستیں مسترد
-
اڈیالہ جیل والے صاحب کے دور میں پاکستان تنہائی کا شکار تھا، اب وہ معاملہ ختم ہو چکا، خارجہ پالیسی کے خلاف باتیں کرنے والے ماضی کا قصہ بن چکے ہیں، وفاقی وزیر اطلاعات عطاءاللہ تارڑ کی پریس کانفرنس
-
دیگر ممالک کے ساتھ فضائی روابط کو فروغ دینے کی ضرورت ہے، عوامی روابط بڑھا کر سیاحتی شعبے کی صلاحیت سے بھرپور استفادہ کیا جا سکتا ہے، صدر آصف علی زرداری کی وفد سے گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.