پاکستان میری ٹائم سیکورٹی ایجنسی اور کسٹم کی کھلے سمندر میں مشترکہ کارروائی ،کروڑوں روپے مالیت کی غیر ملکی شراب برآمدکر کے 5 ملزمان کو گرفتار کر لیا
جمعرات 19 مارچ 2015 19:24
کراچی (اُردو پوائنٹ اخبار تازہ ترین۔19مارچ۔2015ء) پاکستان میری ٹائم سیکورٹی ایجنسی اور کسٹم نے کھلے سمندر میں مشترکہ کارروائی کرتے ہوئے کروڑوں روپے مالیت کی غیر ملکی شراب برآمدکر کے 5 ملزمان کو گرفتار کر لیا۔پاکستان میری ٹائم سیکورٹی ایجنسی کے ڈپٹی ڈائریکٹر جنرل کموڈر ریحان عزیز خان نے کہا کہ ہمیں اطلاع تھی کہ جرائم پیشہ عناصر شراب اسمگل کرنا چاہتے ہیں۔
خفیہ اطلاعات پر سیکورٹی سخت کردی گئی اور مشکوک لانچ نظر آنے پر کارروائی عمل میں لائی گئی۔ انہوں نے کہا کہ گرفتار ملزمان پاکستانی شناختی کارڈ اور پاسپورٹ کے حامل ہیں۔ انہوں نے کہا میری ٹائم سیکورٹی ایجنسی سمندری حدود میں ہونے والی ہر قسم کی مجرمانہ کارروائیوں سے نمٹنے کی بھرپور صلاحیت رکھتی ہے۔(جاری ہے)
ڈائریکٹر کسٹم انٹیلی جنس آصف مرغوب صدیقی نے میڈیا کو بتایا کہ ڈائریکٹر انٹیلی جنس کسٹم لطف اللہ ورک کے حکم پر اسمگلروں کے گرد گھیرا تنگ کیا جا رہا ہے۔
رواں سال سے اب تک پاکستان میری ٹائم سیکورٹی انٹیلی جنس اور کسٹم انٹیلی جنس نے مشترکہ کامیاب کارروائیاں کر کے 25 کروڑ روپے سے زائد مالیت کی شراب، ڈیزل اور دیگر اشیاء برآمد کی ہیں۔ انہوں نے پی ایم ایس اے کو خراج تحسین پیش کرتے ہوئے کہا کہ پی ایم ایس اے کسٹم انٹیلی جنس کیساتھ ملک دشمن عناصر کیخلاف جہاد کر رہی ہے۔ ڈائریکٹر انٹیلی جنس اینڈ سیکورٹی پاکستان میری ٹائم سیکورٹی ایجنسی لیفٹننٹ کمانڈر واجد نواز نے میڈیا کو بتایا کہ گرفتار ملزمان اور برآمد شدہ اشیاء کو آج کسٹم کے حوالے کردیا گیا۔ آگے کی کارروائی کسٹم حکام کرینگے۔ اس موقع پر حاجی اسلم، کلیم اللہ، فرحت شاہ، ارشد علی، ایم اے خان کسٹم اور پی ایم ایس اے کے اعلیٰ افسران بھی موجود تھے۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.