یوحنا آباد میں مشتعل افراد کے ہاتھوں جلائے جانیوالا شخص سرگودھا کا رہائشی نکلا
حتمی فیصلہ ڈی این اے ٹیسٹ کے بعد ہوگا
بدھ 18 مارچ 2015 17:07
سرگودھا (اُردو پوائنٹ اخبار تازہ ترین۔18مارچ۔2015ء) یوحنا آباد میں مشتعل افراد کے ہاتھوں جلائے جانیوالا شخص سرگودھا کا رہائشی ہے‘ نعش بری طرح جھلسنے کے باعث حتمی فیصلہ ڈی این اے ٹیسٹ کے بعد ہوگا‘ والدہ ڈی این اے ٹیسٹ کیلئے لاہور پہنچ گئی‘ ذرائع کے مطابق یوحنا آباد میں دھماکوں کے بعد احتجاج کے دوران مشتعل افراد کے ہاتھوں زندہ جلائے جانے والے دوسرے شخص کی شناخت بابر نعمان کے نام سے ہوئی جو سرگودھا کی تحصیل شاہپور کے علاقہ کوٹ بھائی خان کا رہائشی ہے‘ مقتول بابر نعمان آرمی سے ریٹائرڈ لائنس نائیک اختر حیات کا 16 سالہ بیٹا لاہور میں دہشتگردی کا نشانہ بننے والے چرچز سے تقریباً اڑھائی کلو میٹر کے فاصلہ واقع سلائی کڑھائی کی فیکٹری میں 12 ہزار روپے ماہوار پر ملازمت کررہا تھا جہاں پر وہ صرف دو ماہ قبل بھرتی ہوا تھا بابر نعمان کے مزید تین بھائی اصغر‘ منیب الحسن‘ یاسر نعمان جبکہ ایک بہن رباب ہے بابر نعمان کے چچا محمد اسحاق نے کہا کہ بابر نعمان کا گھر والوں سے فون پر 15 مارچ تک رابطہ تھا تاہم سانحہ لاہور کے بعد اس کی کچھ خبر نہیں کہ وہ کہاں اور کس حال میں ہے اختر حیات کو جب یہ خبر ملی کہ مشتعل افراد کی طرف سے زندہ جلائے جانے والے دو افراد میں سے ایک ان کا بیٹا نعمان ہے تو وہ نعش کی شناخت کیلئے لاہور پہنچ گئے لیکن وہ نعش کی شناخت نہ کرسکے‘ جس پر گزشتہ روز بابر نعمان کی والدہ خدیجہ بی بی بھی نعش کی شناخت کیلئے لاہور پہنچ گئیں جہاں پر ڈی این ٹیسٹ کے بعد فیصلہ ہوگا کہ بابر نعمان ہے یا نہیں تاہم ایس ایچ او تھانہ جھاوریاں سلطان احمد نے کہا کہ بابر نعمان اور اسکے اہلخانہ کا کسی بھی تنظیم سے کوئی تعلق نہ ہے ‘واضح رہے کہ گزشتہ روز یوحنا آباد دھماکے کے بعد فیروز پور روڈ پر مشتعل افراد نے 2 افراد کو تشدد کرکے جلا دیا تھا جس میں سے ایک شخص کی شناخت نعیم کے نام سے ہوئی تھی جوکہ ضلع قصور کا رہائشی تھا جب کہ دھماکے میں 15 افراد ہلاک اور 70 سے زائد زخمی ہوئے تھے۔
مزید اہم خبریں
-
عالمی عدالت کو امریکی اور اسرائیلی حکام کی دھمکیاں پریشان کن، ماہرین
-
امریکہ: غزہ میں جنگ بندی کا مطالبہ کرنے والے طلباء سے ناروا سلوک پر تشویش
-
ترسیلات زر کے حجم میں 28 فیصد اضافہ ہو گیا
-
عرس کی تقریبات میں بھگدڑ، اموات ہونے کی اطلاعات
-
عالمی مسائل سے نمٹنے میں کثیر فریقی کوششیں تیزکرنے کی ضرروت: گوتیرش
-
قوم پر مسلط لوگوں نے کسی حلقہ میں بھی 30 فیصد ووٹ نہیں لیے
-
پی ٹی اے اور ٹیلی کام کمپنیاں روزانہ 5 ہزار نان فائلرز کی سمز بند کرنے پر متفق
-
ٴمعاشی استحکام کے باوجود پاکستانی معیشت کو بڑے خطرات کا سامنا ہے
-
مذاکرات کی ابتدا حکومت کو کرنی ہے کیونکہ مذاکرات کی بال حکومتی کورٹ میں ہے
-
فوج اور سیاسی جماعتوں کے درمیان براہ راست مذاکرات کی آئین میں گنجائش نہیں
-
کتنی پنشن لینے والوں پر ٹیکس لگے گا؟ تفصیلات سامنے آ گئے
-
دیامر بھاشا ڈیم کی تعمیر میں تاخیر کا خدشہ پیدا ہو گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.