ایس پی ٹریفک شیخوپورہ رینج کا قصور کا دورہ ‘اپنا روز گار سکیم کے تحت کامیاب ہونیوالے امیدواروں کے تربیتی کورس کا جائزہ لیا
بدھ 11 مارچ 2015 17:27
قصور(اُردو پوائنٹ اخبار تازہ ترین۔11مارچ۔2015ء)ایس پی ٹریفک شیخوپورہ رینج محمد اظہر گجر نے گزشتہ روز قصور کا اچانک دورہ ، پولیس لائن میں وزیر اعلیٰ پنجاب ”اپنا روز گار سکیم “کے تحت کامیاب ہونیوالے امیدواروں کے تربیتی کورس کا جائزہ لیااور ٹریفک ملازمین کو خصوصی ہدایات دیں ۔اس موقع پر انکے ہمراہ قائمقام ڈی ایس پی ٹریفک حاجی محمد رفیق ، انچارج ڈرائیونگ لائسنس برانچ محمد اقبال اور دیگر ملازمین بھی موجود تھے ۔
ایس پی ٹریفک شیخوپورہ رینج محمد اظہرگجر نے تربیتی کورس سے خطاب کرتے ہوئے متعلقہ افسران کو ہدایت کی کہ تمام امیدواران کی علمی و عملی تربیت میں کسی قسم کی کوتاہی نہ برتی جائے حاضری کو یقینی بنانا اور تربیتی ٹیسٹ کو شفاف رکھنا اولین ترجیح ہے ۔(جاری ہے)
انہوں نے کہا کہ وزیر اعلی پنجاب کی طرف سے شفاف قرعہ اندازی کے ذریعے شہریوں کو گاڑیوں کی فراہمی احسن اقدام ہے اس سے بے روز گاری میں نمایاں کمی آئے گی اور نوجوان نسل باعزت طریقے سے اپنے خاندانوں کی کفالت کرنے میں اہم کردار ادا کر سکے گی ۔
انہوں نے تمام امیدواروں کو ہدایت کی کہ وہ ٹریفک قوانین پر عمل پیرا ہو کر اچھا شہری ہونے کا ثبوت دیں ۔اس موقع پر انہوں نے امیدواروں سے ٹریفک آگاہی کے حوالے سے سوالات بھی پوچھے اور اطمینان کا اظہار کیا ۔ ایس پی ٹریفک محمد اظہر گجر نے ٹریفک ملازمین کا دربار بھی لگایا اور انہیں خصوصی ہدایات دیں اور انکے مسائل بھی دریافت کئے ۔ انہوں نے تمام ملازمین کو ہدایت کی کہ وہ عوام الناس کے ساتھ خوش سلوبی سے پیش آئیں اپنی ڈیوٹی ایمانداری سے ادا کریں بدتمیزی اور بد اخلاقی پر سخت ایکشن لیا جائیگا۔بعد ازاں ایس پی ٹریفک نے نئی ڈرائیونگ لائسنس برانچ کی بلڈنگ کا معائنہ بھی کیا اور برانچ انچارج کو ہدایت کی کہ یہاں پرکسی قسم کی بدعنوانی اور کرپشن ناقابل برداشت ہو گی ۔ ڈرائیونگ لائسنس کے حصول کیلئے عوام کو زیادہ سے زیادہ سہولیات دی جائیں ۔مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.