مقبوضہ حکومت کی جانب سے آر پار تجارت کے فروغ کے لئے اقدامات کا آغاز ،بھارتی وزارت داخلہ کا درآمدی اور برآمدی اشیاء کا ٹیکس بڑھا ہے، پاکستانی حکام سے معاملہ اٹھانے کا فیصلہ
بدھ 11 مارچ 2015 14:40
سرینگر(اُردو پوائنٹ اخبار تازہ ترین۔11مارچ۔2015ء) آرپار تجارت کیلئے چیزوں کی تعداد میں اضافہ کرتے ہوئے مقبوضہ کشمیر انتظامیہ نے لہسن اور ناریل کو درآمد اور برآمد کرنے کی اجازت دے دی جبکہ بھارتی وزارت داخلہ نے درآمدی اور برآمدی چیزوں کی تعداد 60 تک بڑھانے سے اتفاق کرتے ہوئے یہ معاملہ حکومت پاکستان کیساتھ کا فیصلہ لیا ہے ۔ بھارتی میڈیا کے مطابق وزیر اعلی مفتی محمد سعید کی ہدایت پر سیوئل سیکرٹریٹ جموں میں ایک اعلی سطحی میٹنگ منعقد ہوئی جس میں آرپار تجارتی سرگرمیوں کو توسیع دیئے جانے سے متعلق اقدامات کو زیر غور لایا گیا ۔
کمشنر سیکرٹری کامرس اینڈ انڈسٹریز سوربھ بھگت کی زیر صدارت میٹنگ میں جموں اور کشمیر صوبوں کے ڈائریکٹر انڈسٹریز کے علاوہ کسٹوڈین سلام آباد چکوٹی شوکت احمد ، کسٹوڈین پونچھ چکاندا باغ ڈاکٹر عبدالرشید ، سلام آباد چکوٹی ٹریڈ یونین کے جنرل سیکرٹری ہلال احمد ترکی اور پونچھ چکاندا باغ ٹریڈ یونین کے صدروائے وی شرما بھی موجود تھے ۔(جاری ہے)
رپورٹ کے مطابق کمشنر سیکرٹری کامرس اینڈ انڈسٹریز کے آف چیمبر واقع سیول سیکرٹریٹ جموں میں یہ اجلاس تقریباً ایک گھنٹے سے زیادہ وقت جاری رہا ۔
جس کے دوران اعلی حکام اور تاجروں کے نمائندوں نے مابین آر پار تجارتی سرگرمیوں میں حائل ہونے والی رکاوٹوں اور منقسم ریاست جموں و کشمیر کے درمیان دو راستوں سے جاری تجارتی سرگرمیوں کو مزید توسیع دینے سے متعلق کئی تجاویز اور اقدامات کو زیر غور لایا ذرائع کے مطابق کمشنر سیکرٹری کامرس اینڈ انڈسٹریز نے اس حوالے سے متعلقہ کسٹوڈینز اور دونوں صوبوں کے ڈائریکٹر انڈسٹریز کے علاوہ متعلقہ تاجروں کے نمائندوں سے بھی تفصیلی جانکاری حاصل کی ۔ اس اہم میٹنگ کے دوران جہاں متعلقہ تاجروں کے مطالبات کا احاطہ کیا گیا وہیں ٹریڈ کی آڑ میں منشیات کی سمگلنگ کا معاملہ بھی زیر غور لایا گیا تاجروں کے نمائندوں نے اس بارے میں حکام کو بتایا کہ دونوں راستوں کے کراسنگ پوائنٹس پر سکینر نصب کر کے منشیات کی سمگلنگ پر قابو پانے کے ساتھ ساتھ مال بردار گاڑیوں کی چیکنگ کو بھی آسان بنایا جا سکتا ہے سوربھ بھگت نے تاجروں کے نمائندوں کو اس بات کی یقین دہانی کرائی کہ آر پار تجارت کے لئے موجودہ انتظامیہ نے عملی اقدامات اٹھانے کا فیصلہ لیا ہے ۔ اجلاس کے دوران کمشنر سیکرٹری کامرس اینڈ انڈسٹریز سوربھ بھگت نے متعلقہ حکام اور تاجر نمائندوں کو آگاہ کیا کہ مرکزی وزارت داخلہ نے لہسن اور ناریل کو درآمد اور برآمد کرنے کی اجازت دے دی ہے اور اب آر پار کے تاجران دونوں چیزوں کی تجارت کر سکتے ہیں انہوں نے میٹنگ کے دوران یہ بھی بتایا کہ مرکزی حکومت نے ہندو پاک کے درمیان کئی برس قبل طے پائے گئے ایگریمنٹ کے تحت درآمدی اور برآمدی چیزوں کی تعداد 21 تک بڑھانے سے اصولی اتفاق کیا ہے جبکہ مرکزی وزارت داخلہ نے آر پار تجارتی سرگرمیوں کے تحت درآمدی اور برآمدی چیزوں کی تعداد 60 تک بڑھانے سے بھی اتفاق کیا ہے تاہم یہ معاملہ حکومت پاکستان کے ساتھ اٹھایا جا رہا ہے ۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.