مسلم لیگ (ن)سندھ کی ترقی اور عوام کے احساس محرومی کا خاتمہ یقینی بنائے گی،علی اکبر گجر
منگل 10 مارچ 2015 16:47
کراچی(اُردو پوائنٹ اخبار تازہ ترین۔10مارچ۔2015ء) پاکستان مسلم لیگ(ن) عوام کے اعتماد پر پورا اترنے کے لئے سندھ کی ترقی اور عوام کے احساس محرومی کا خاتمہ یقینی بنائے گی آنے والے برسوں میں سندھ پاکستان کا سب سے پر امن اور خوشحال صوبہ بن جائے گا پاکستان مسلم لیگ(ن) سندھ کے نائب صدر علی اکبر گجر نے کہا ہے کہ کراچی لاہور موٹر وے کی تعمیر سندھ میں صنعتی، تجارتی اور کاروباری انقلاب کا پیغام ثابت ہوگی سندھ کے عوام کی ترقی ، خوشحالی پاکستان کی بقا اور سلامتی کی ضمانت ہے پاکستان مسلم لیگ(ن) وطن کی سلامتی کے لئے پاکستان کے تمام صوبوں کو ماڈل صوبوں کا درجہ دینے کے لئے دن رات کوشاں ہے سندھ کے عوام کے لئے پاکستان مسلم لیگ(ن) کے سب سے بڑے تحفے کا سنگ بنیاد شاہ عبد الطیف بھٹائی کی دھرتی کی تقدیر بدل دئے گا حکمران جماعت پاکستان مسلم لیگ(ن) کے صوبائی نائب صدر علی اکبر گجر نے کہا ہے کہ وزیر اعظم میاں محمد نواز شریف پاکستان کو ترقی کی نئی بلندیوں کی طرف لے جا رہے ہیں پاکستان مسلم لیگ(ن) کی وفاقی حکومت کے مواصلاتی منصوبوں کی تکمیل کے بعد پاکستان دنیا کی توجہ کا مرکز بن جائے گاکراچی لاہور موٹر وے پاکستان کو دنیا کے ترقی یافتہ ممالک کی صف شامل کرنے کا اہم ترین ذریعہ بنے گا پاکستان مسلم لیگ(ن) سندھ کے نائب صدر علی اکبر گجر نے کہا کہ وزیر اعظم پاکستان کا سندھ کے لئے خصوصی ترقیاتی پیکج صوبے کے عوام کی زندگیوں میں خوشحالی لائے گا سندھ کے پڑھے لکھے نوجوانوں کے لئے روزگار کے نئے مواقع پیدا ہونگے اور سیاسی مفادات کی وجہ سے برسوں سے نظر انداز کئے گئے سندھ کے عوام کے لئے خوشحالی کے نئے دور کا آغاز ہوگا پاکستان مسلم لیگ(ن) سندھ کے لئے اعلان کردہ ترقیاتی منصوبوں کو اپنی موجودہ آئینی مدت میں مکمل کرنے کے لئے کسی سیاسی مصلحت یا دباؤ برداشت نہیں کرے گی سندھ کے عوام کے لے توانائی پیدا کرنے کے منصوبے، موٹر وے کو کراچی سے لاہور تک لے جانا، صوبے کے امن کے لئے جرات مندانہ فیصلے کرنا اس بات کا ثبوت ہیں کہ سندھ پاکستان مسلم لیگ(ن) کا دوسرا سیاسی قلعہ بننے جا رہا ہے علی اکبر گجر نے کہا کہ کراچی سمیت سندھ کے عوام کو درپیش مسائل اور حکومتی عدم توجہ کے شکار منصوبوں کو مکمل کر کے سندھ کو پاکستان مسلم لیگ(ن) کا مضبوط سیاسی قلعہ بنائیں گے پاکستان مسلم لیگ(ن) کی وفاقی حکومت نے گذشتہ دو سالوں میں ماضی کی کئی دہائیوں کے پیدا کردہ مسائل کو سمیٹنے اور ان کے حل کے لئے بھرپور توجہ دی ہے اور ہماری قیادت کی کوشش ہے کہ کم سے کم مدت میں سندھ کو کراچی سے کشمور تک ماڈل صوبہ بنایا جا سکے سڑکوں اور شاہراہوں کے ساتھ ساتھ سندھ سے بے روزگاری، بد امنی اور اقربا پروری کے خاتمے کے لئے بھی جامع پالیسیاں ترتیب دی جا رہی ہیں علی اکبر گجر نے کہا کہ سینیٹ میں سندھ کی نمائندگی کے لئے منتخب ہونے والے پاکستان مسلم لیگ(ن) کے سینیٹرز کی کوششوں سے سندھ روچنیوں کا نیا دور شروع ہوگا۔
مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.