11ویں آئی سی سی ورلڈکپ میں کل صرف ایک میچ کھیلا جائے گا

سڈنی(اُردو پوائنٹ اخبار تازہ ترین۔10مارچ۔2015ء) 11ویں آئی سی سی ورلڈکپ میں کل بدھ کوصرف ایک میچ کھیلا جائے گا، گروپ اے کی ٹیمیں سری لنکا اور سکاٹ لینڈبیلی رائیو گراؤنڈہوبارٹ میں مدمقابل ہوں گی۔شیڈول کے مطابق میگا ایونٹ میں کل بدھ کو گروپ اے کی ٹیمیں سری لنکا اور سکاٹ لینڈبیلی رائیو گراؤنڈہوبارٹ میں مدمقابل ہوں گی۔یہ میچ پاکستانی وقت کے مطابق صبح ساڑھے 8بجے شروع ہوگا۔

پرسوں جمعرات کو گروپ بی کی ٹیمیں جنوبی افریقہ اور متحدہ عرب امارات ویسٹ پیک سٹیڈیم ویلنگٹن میں مدمقابل ہوں گی۔یہ میچ پاکستانی وقت کے مطابق صبح 6بجے شروع ہوگا۔13مارچ کومزید دو میچز کھیلے جائیں گے ۔پہلے میچ میں گروپ اے کی ٹیمیں نیوزی لینڈ اور بنگلہ دیش سیڈون پارک ہملٹن میں مدمقابل ہوں گی۔

(جاری ہے)

یہ میچ پاکستانی وقت کے مطابق صبح 6بجے شروع ہوگا۔

دوسرے میچ میں گروپ اے کی ٹیمیں انگلینڈ اور افغانستان سڈنی کرکٹ گراؤنڈمیں مدمقابل ہوں گی۔یہ میچ پاکستانی وقت کے مطابق صبح ساڑھے 8بجے شروع ہوگا۔14مارچ کو بھی دومیچز کھیلے جائیں گے۔پہلے میچ میں گروپ بی کی ٹیمیں بھارت اور زمبابوے ایڈن پارک آکلینڈمیں مدمقابل ہوں گی۔یہ میچ پاکستانی وقت کے مطابق صبح 6بجے شروع ہوگا۔دوسرے میچ میں گروپ اے کی ٹیمیں آسٹریلیا اور سکاٹ لینڈ بیلی رائیو گراؤنڈہوبارٹ میں مدمقابل ہوں گی۔

یہ میچ پاکستانی وقت کے مطابق صبح ساڑھے 8بجے شروع ہوگا۔15مارچ کو گروپ میچز کے آخری روز مزید دومیچز کھیلے جائیں گے۔پہلے میچ میں گروپ بی کی ٹیمیں ویسٹ انڈیز اور متحدہ عرب امارات میک لین پارک نیپیئرمیں مدمقابل ہوں گی۔یہ میچ پاکستانی وقت کے مطابق صبح 3بجے شروع ہوگا۔دوسرے میچ میں گروپ بی کی ٹیمیں پاکستان اور آئرلینڈایڈیلیڈاوول کرکٹ گراؤنڈمیں مدمقابل ہوں گی۔

یہ میچ پاکستانی وقت کے مطابق صبح ساڑھے 8بجے شروع ہوگا۔میگا ایونٹ کے مین راؤنڈ کا پہلا کوارٹر فائنل میچ 18 مارچ کو کھیلا جائے گا۔ میگا ایونٹ کا پہلا سیمی فائنل میچ24 مارچ کو ایڈن پارک آکلینڈ میں کھیلا جائے گاجبکہ دوسرا سیمی فائنل میچ 26 مارچ کو سڈنی کرکٹ گراؤنڈ پر کھیلا جائے گا۔ میگا ایونٹ کی دو فائنلسٹ ٹیموں کے درمیان فائنل میچ 29 مارچ کو میلبورن کرکٹ گراؤنڈ پر کھیلا جائے گا۔