پاکستان میں چار کروڑ لوگ ٹوائلٹ سے محروم
اتوار 8 مارچ 2015 18:25
اسلام آباد(اُردو پوائنٹ اخبارتازہ ترین۔8مارچ۔2015ء) پاکستان میں چار کروڑ لوگ بیت الخلا یعنی ٹوائلٹس نہ ہونے کی وجہ سے کھلی فضاء میں رفع حاجت پر مجبور ہیں۔ اقوام متحدہ کے ادارہ برائے اطفال (یونیسیف) کے ایک اعلی عہدے دار کا کہنا ہے کہ ٹوئلٹس نہ ہونے کی وجہ سے ملک میں صحت اور غذایت سے متعلق تشویش ناک صورت حال پیدا ہو رہی ہے۔ یونیسف کی ڈپٹی ایگزیکیٹو ڈائریکٹر گیتا راؤ گپتا نے بتایا کہ پاکستان میں چار کروڑ دس لاکھ لوگ ٹوائلٹس کی سہولت سے محروم ہیں ، جس کی وجہ سے بیماریاں بڑھ رہی ہیں۔
گیتا نے مسئلہ پر توجہ دلانے کیلئے حال ہی میں پاکستان کا دورہ کیا، جہاں ان کی اے پی سے خصوصی بات چیت ہوئی۔ 'کھلے عام رفع حاجت سے بچوں کی نشونما پر اثر ہوتا ہے اور یہی وجہ ہے کہ ہمیں تمام وسائل بروئے کار لاتے ہوئے اس عمل کو ختم کرنا ہو گا'۔(جاری ہے)
یاد رہے کہ انڈیا اور انڈونیشیا کے بعد پاکستان دنیا کا تیسرا بڑا ملک ہے جہاں لوگ کھلی فضا میں رفع حاجت کرتے ہیں۔
گیتا نے بتایا کہ ٹوائلٹ جیسی بنیادی سہولت نہ ہونے سے بچوں کی بڑھوتی اور ذہنی نشونما متاثر ہوتی ہے۔ اس طرح کے بچے دوسری بیماریوں سے لڑنے اور اسکولوں میں پرفارم کرنے کے زیادہ قابل بھی نہیں ہوتے۔ ان بیماروں سے متاثرہ مائیں بھی ایسے ہی بچوں کو جنم دیتی ہیں۔ یونیسیف حکومت پاکستان کے ساتھ مل کر لوگوں کو رفع حاضت کے بعد ہاتھ دھونے اور صفائی سے متعلق شعوری مہم چلا رہا ہے۔ یہ ادارہ نچلی سطح پر لوگوں کو ٹوائلٹ بنانے میں بھی مدد کر رہا ہے تاکہ انہیں کھلی فضاء میں رفع حاجت کیلئے نہ جانا پڑے۔ گیتا کا کہنا ہے کہ بڑے پیمانے پر ٹوائلٹ بنانے سے دیہی خواتین کو بھی مدد ملے گی۔ 'اگر ایک خاتون کو رفع حاجت کیلئے دور دراز جانا پڑے تو ان کی سیکورٹی خطرے میں پڑ سکتی ہے، اسی طرح ٹوائلٹس نہ ہونے پر لڑکیوں میں اسکول جانے کا رجحان بھی کم ہو جاتا ہے'۔ اے پیمتعلقہ عنوان :
مزید اہم خبریں
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
-
شیرافضل مروت کی قصورمیں درج مقدمے میں حفاظتی ضمانت منظور
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
عدالت نے عمران خان و بشریٰ بی بی کو ریاستی اداروں اور آفیشلز کیخلاف بیان دینے سے روک دیا
-
پولیس وردی پہننے پر مریم نواز کیخلاف مقدمہ درج کرنے کی درخواست دائر
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم کاملیریا کے عالمی دن پر پیغام
-
پاکستان میں انسانی حقوق کی صورتحال پر پینٹاگون کی رپورٹ:ملا جُلا رد عمل
-
سارا پیسہ سرکاری تنخواہوں میں دیتے رہیں گے؟ عوام کو کچھ نہیں مل رہا، چیف جسٹس
-
پاکستان عالمی ملیریا پروگرام کے تحت نئے اقدامات پر عمل درآمد کیلئے پرعزم ہے، صدر مملکت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.