رحیم یار خان میں شوہر نے بیوی کو تشدد کرکے قتل کر دیا

اتوار 8 مارچ 2015 12:25

رحیم یار خان(اُردو پوائنٹ اخبار تازہ ترین۔8مارچ۔2015ء ) رحیم یار خان کے قریب لیاقت پور میں شوہر نے بچوں کی لڑائی اور بہن کی شکایت پر بیوی کو مبینہ تشدد کر کے قتل کر دیا۔

(جاری ہے)

پولیس کے مطابق لیاقت پور میں بھانجوں کی لڑائی اور بہن کی شکایت پر شوہر نے بیوی کو کمرے میں لے جا کر بدترین تشدد کا نشانہ بنایا جس کے باعث وہ بے ہوش ہوگئی، اس کے باوجود اسے بروقت اسپتال نہیں لے جایا گیا۔ دو گھنٹے کی تاخیر کے بعد جب اسپتال پہنچایا گیا تو اس وقت تک وہ زخموں کی تاب نہ لاکر جاں بحق ہو چکی تھی۔ پولیس نے پوسٹ مارٹم کے بعد لاش ورثا کے حوالے کر دی اور شوہر کے خلاف مقدمہ درج کرلیا ہے، تاہم ملزم فرار ہوگیا ہے۔

Facebook Twitter Google + Share on Whatsapp

رحیم یار خان میں شوہر نے بیوی کو تشدد کرکے قتل کر دیا

متعلقہ عنوان :

مزید قومی خبریں