موجودہ حکومت صحت عامہ میں بہتری کو بڑی اہمیت دیتی ہے ،سائرہ افضل تارڑ،
وبائی امراض میں کمی خاص طورپر بچوں کے امراض ، ٹی بی، ملیریا، ہپاٹائٹس بی اینڈ سی اور ایڈز وغیرہ کی روک تھام پر بھرپور توجہ دے رہے ہیں،وزیر مملکت نیشنل ہیلتھ سروسز
جمعرات 5 مارچ 2015 22:35
بارسلونا(اُردو پوائنٹ اخبارتازہ ترین - آن لائن۔5 مارچ۔2015ء) وزیر مملکت برائے نیشنل ہیلتھ سروسز ، ریگولیشنز اینڈ کوآرڈینشن سائرہ افضل تارڑ نے کہاہے کہ موجودہ حکومت صحت عامہ میں بہتری کو بڑی اہمیت دیتی ہے اور اسی لئے ہم وبائی امراض میں کمی خاص طورپر بچوں کے امراض ، ٹی بی، ملیریا، ہپاٹائٹس بی اینڈ سی اور ایڈز وغیرہ کی روک تھام پر بھرپور توجہ دے رہے ہیں۔
انہوں نے یہ بات جمعرات کو یہاں قومی سطح پر نیشنل بلڈ پالیسی اور سٹریٹجک فریم ورک 2014-20بارے خطاب کرتے ہوئے کہی۔انہوں نے کہا کہ ہماری آبادی کی صحت انسانی سرمایہ سے حقیقی معنوں میں استفادہ کیلئے بڑا اہم کردارکرتی ہے۔انہوں نے کہا کہ اس وقت صحت کے جس شعبے پر خصوصی توجہ کی ضرورت ہے وہ ہیلتھ کےئر کی ناکافی ریگولیٹری سروسز ہیں۔(جاری ہے)
لہٰذا مختلف ماہرین اور شراکت داروں سے لی گئی آراء کی روشنی میں وزارت نیشنل ہیلتھ سروسز ریگولیشنز اینڈ کوآرڈینیشن نے فیڈرل ہیلتھ ریگولیٹری اتھارٹی کو حتمی شکل دے دی ہے۔
یہ بل منظوری کیلئے جلد ہی کابینہ میں پیش کیا جائے گااور اس مجوزہ ایکٹ کا مقصد ایک ریگولیٹری ادارہ بنانا ہے جوکہ صحت کی خدمات، صحت کی تعلیم ، معیار، سرٹیفکیشن، معیار کو یقینی بنانے اور طبی نگہداشت کی سہولتوں کی رجسٹریشن جیسے امور سرانجام دے گا اور ایک مرتبہ یہ قانون نافذالعمل ہونے کی صورت میں کوئی بھی اس وقت تک ہیلتھ کےئر خدمات فراہم نہیں کرسکے گا جب تک کہ وہ فیڈرل ہیلتھ ریگولیٹری اتھارٹی کے رجسٹریشن بورڈ کے ساتھ رجسٹرڈ نہ ہو۔ انہوں نے کہا کہ انتقال خون کی خدمات کی ریگولیشن بھی وزارت صحت کی ترجیحات میں شامل ہے۔ سائرہ افضل تارڑ نے کہا کہ وزارت صحت خون کے شعبہ کے ریگولیٹری ادارہ کو نہ صرف وفاقی سطح بلکہ پورے ملک میں مضبوط بنانے کیلئے مخلصانہ کوششیں کررہی ہے۔ انہوں نے جرمنی کے ادارہ گیز (GIZ)کی طرف سے ٹیکنکل اور مالیاتی تعاون کو بھی سراہا۔انہوں نے انتقال خون کے حوالہ سے شعور وآگاہی کیلئے عالمی ادارہ صحت اور یو ایس ایڈ کے تعاون کوبھی سراہا۔مزید اہم خبریں
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.