پاکستان میں قیام امن کیلئے ڈنمارک کا تعاون ، قومی امن کے لیے صوبائی وژن پیش ،
امن کے قیام اور فروغ کے لیے مکالمے کا کلیدی کردار ہے،ہمیں ایک دوسرے سے بات کرنا سیکھنا چاہیے،سفیر ڈنمارک
بدھ 4 مارچ 2015 22:41
اسلام آباد( اُردو پوائنٹ اخبارتازہ ترین - این این آئی۔4مارچ۔2015ء) امن کے قیام اور فروغ کے لیے مکالمے کا کلیدی کردار ہے،ہمیں ایک دوسرے سے بات کرنا سیکھنا چاہیے اور سب سے بڑھ کرہمیں اختلاف رائے کا احترام کرنا سیکھنا ہوگا، بے شک ہمیں اختلاف بھی ہو لیکن اس بات پر ہمارا اتفاق ہونا چاہیے کہ ہم تشدد کا راستہ اختیار نہیں کریں گے ان خیالات کا اظہار ڈنمارک کے پاکستان میں سفیر جسپر مولر سورنسن نے اسلام آباد میں منعقدہ قومی امن اجلاس سے خطاب کرتے ہوے کیا۔
قومی امن اجلاس کا انعقاد سرچ فاکامن گراؤنڈز نے ڈنمارک کے قومی ترقیاتی ادارے ڈنیڈا کے تعاون سے کیا تھاجس کا مقصدتمام صوبوں کے مختلف لوگوں کو اکٹھا کرنا تھا،اجلاس کا مقصد اٹھارویں ترمیم کے بعد قیام امن اور تنازعات کے حل کے لیے صوبوں کی تعمیری مدد کرنا تاکہ ایک مشترکہ وژن تیار کیا جائے۔(جاری ہے)
مہمان خصوصی سفیرجسپر مولر سورنسن نے قیام امن کے لیے کھلی،مشاورتی اور حل پر مبنی مکالمے کے ذریعے کام کرنے والے اداروں کی کارکردگی کو سراہاکہ وہ ایک معاشرے کے اندر رہتے ہوے مشکل کام کر رہے ہیں، ایک گروپ کے اندر مشترکہ اقدار کا پرچار اور پھر دوسرے گروپس کے ساتھ برداشت اور رواداری کی طرف لے کر جانا ہے اور اسی طرح کی سوچ کے ساتھ ہم پر امن معاشرے کی تشکیل کی طرف بڑھ سکتے ہیں ۔
مہمان اعزاز پاکستان پیپلز پارٹی کی نائب صدر اور امریکہ میں پاکستان کی سا بق سفیر شیری رحمان نے اظہار خیال کرتے ہوے کہا کہ امن کا قیام تحفظ کی فراہمی سے ہی ممکن ہے،انہوں نے جمہوری معاشرے کے فروغ کے لیے عوامی مکالمے کو شروع کرنے کی حوصلہ افزائی کی،انہوں نے کہا کہ پاکستانی معاشرے میں رواداری اور احترام کا فروغ انتہائی ضروری ہے۔انہوں نے عوام پر زور دیا کہ وہ جمہوری معاشرے کی تشکیل کے لیے حکومت اور منتخب نمائندوں کو جوابدہ کریں۔اجلاس میں میڈیا، نوجوانوں، اقلیتوں،خواتین،مذہبی وسیاسی رہنماوں،تاجروں، سول سوسائٹی اور سرکاری حکام نے اکٹھے بیٹھ کراٹھارویں ترمیم کی روشنی میں امن،تنازعات اور عوامی طرز حکمرانی سے متعلق موضوعات پر تبادلہ خیال کیا۔ شرکاء نے اقتدار کی نچلی سطح پر منتقلی،سماجی انصاف،مقامی و صوبائی تنازعات، آئین پاکستان پر عمل پیرا ہوتے ہوے قیام امن کی کوششوں جیسے موضوعات پر کھل کر اظہار کیا گیا۔شرکاء سے خطاب کرتے ہوے سرچ فا ر کامن گراؤنڈز پاکستان کے ایگزیکٹو ڈائریکٹر خرم مسعود نے کہا کہ ایس ایف سی جی یقین رکھتا ہے کہ نچلی سطح پر نوجوانوں ، خواتین اور میڈیا کی بڑھتی ہوئی تعمیری آوازوں سے عوامی مکالمے کی مانگ میں اضافہ کیا جا سکتا ہے۔انہوں نے کہا کہ ایس ایف سی جی کو امید ہے کہ صحت مندانہ مکا لمے کے فروغ سے پا کستانی عوام اس قابل ہو سکے گی کہ عوام کے سوچ کے انداز اور نقظہ نظر میں اجتماعی تبدیلی لا سکیں ۔سرچ فا ر کامن گراؤنڈز پاکستان کے ابھرتے ہوے نوجوانوں، خواتین رہنماوں، متحرک میڈیا اور نجی شعبے کے کاروباری افراد کو تبدیلی کا ایجنٹ بننے کے لیے مدد فراہم کر رہا ہے۔سر براہی اجلاس کے دوران صوبائی سطح پر لاہور، کراچی، کوئٹہ اور پشاور میں مئی 2014تا فروری 2015کیدوران منعقدہ مشاورتی اجلاسوں میں اٹھارویں ترمیم کی روشنی میں تیار کردہ سفارشات کو بھی پیش کیا گیا۔تما م صوبائی و قومی مشاورتی اجلاس کی حتمی سفارشات کو ایک پا لیسی پیپر امن کے لیے پاکستان کے وژن کے طور پر حکومت پاکستان کو پیش کیا جائے گا۔متعلقہ عنوان :
مزید تجارتی خبریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
ملکی صرافہ مارکیٹوں میں جمعہ کے روز سونا مزید مہنگا ہو گیا
-
انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی
-
پاکستان میں پولٹری کے شعبہ نے تیزی سے ترقی کی ہے ،ڈاکٹرسجاد ارشد
-
ٹریکٹروں کی فروخت میں جاری مالی سال کے پہلے 9 ماہ میں سالانہ بنیادوں پر 66 فیصداضافہ
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.