سام سنگ الیکٹرانکس کا مکمل ری ڈیفائنڈ نئے سمارٹ فونز گلیکسی S6 اورگلیکسی S6 ایج متعارف کرانے کا اعلان
منگل 3 مارچ 2015 23:18
اسلام آباد ( اُردو پوائنٹ اخبار تازہ ترین۔03مارچ۔2015ء ) سام سنگ الیکٹرانکس کمپنی لمیٹڈنے حال ہی میں اپنے مکمل ری ڈیفائنڈ نئے سمارٹ فونز گلیکسی S6 اورگلیکسی S6 ایج متعارف کرانے کا اعلان کردیا ۔ڈیزائن ، ہنرمندی اورکارکردگی کیلئے نئے معیارات قائم کرتے ہوئے گلیکسی S6 اورگلیکسی S6 ایج بغیرکسی رکاوٹ کے صارفین کوبے مثال موبائل تجربہ کی فراہمی کے حوالے سے سام سنگ کے جدیدترین ٹیکنالوجی کے ساتھ پریمیئم میٹیریلزکا امتزاج ہیں۔
سام سنگ الیکٹرانکس مشرق وسطی اور شمالی افریقہ ہیڈکوارٹرز کے صدر Choong Ro Lee نے کہا ہے کہ ایک نئے تصورکردہ ڈیزائن، مضبوط پارٹنر نیٹ ورک اورمنفرسروسز کے ساتھ، سام سنگ گلیکسی S6 اورگلیکسی S6 ایج صارفین کو سمارٹ فون کے اختیارات میں حتمی تجربہ کی پیش کش کرتا ہے ۔(جاری ہے)
S6 ہموار اور دھاتی فریم میں سامنے آیاہے جبکہ S6 edge کے دونوں اطراف Curve ہیں جو انتہائی منفرد اور دلچسپ شاہکار معلوم ہوتے ہیں جبکہ دنیا کے پہلے ڈھلوان شدہ ڈسپلے کے ساتھ یہ عمیق بصارتی تجربہ فراہم کرتا ہے۔
دونوں موبائل فون مکمل طورپر قیمتی و نایاب شیشے اور دھات سے بنائے گئے ہیں۔گلیکسی S6 اورگلیکسی S6 ایج ناقابل یقین حدتک صاف، روشن اور تیزترین فرنٹ اورریئر کیمرے سے لیس ہیں۔ دونوں کیمروں پرلگے F1.9 لینز اور ہائی ریزولوشن سینسر اندھیرے میں بھی، ایک اسمارٹ فون کو بہترین امیج معیار فراہم کرتے ہیں۔اس کے علاوہ دونوں سمارٹ فونز میں سب سے بڑھ کر وائرلیس چارجرکی سہولت موجود ہے اور یہ چار جرگلیکسی S5سے ڈیڑھ گنا تیز ہے۔ S6 سیریز کے دونوں موبائل فونوں کی بیٹریاں باہرنہیں نکل سکتیں اوران میں میموری کارڈ ڈالنے کیلئے بھی جگہ نہیں بنائی گئی ہے۔S6 فونز 5.1انچ کی سکرین ، 3GB ریم ، 32،64یا128جی بی کی بلٹ ان میموری اور16میگاپکسل فرنٹ اور5ایم پی ریئر کیمرے سے لیس ہیں۔دونوں سمارٹ فونز 10اپریل سے دنیا بھر میں دستیاب ہوں گے۔ توقع کی جارہی ہے کہ کمپنی کی طرف سے ماضی میں سامنے آنیوالے گلیکسی سیریزکے ڈیزائن سے یہ موبائل سیٹ بالکل مختلف ہوں گے ۔مزید تجارتی خبریں
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.