پشاور، سرکاری سکولوں میں اول جماعت تا بارھویں جماعت مفت درسی کتب فراہم کرنے کا اعلان
پیر 2 مارچ 2015 22:23
پشاور(اُردو پوائنٹ اخبارتازہ ترین - آن لائن۔2مارچ۔2015ء) حکومت خیبر پختونخوا نے صوبے کے تمام سرکاری سکولوں میں پڑھنے والے بچے اور بچیوں کو اول جماعت تا بارھویں جماعت مفت درسی کتب فراہم کرنے کا اعلان کیا ہے۔ محکمہ ابتدائی و ثانو ی تعلیم نے 2 ارب33کروڑ روپے کی لاگت سے 4کروڑ 27لاکھ سے زائد درسی کتب کی چھپائی کا عمل مکمل کر لیا ہے۔ پیر کے روز مفت درسی کتب کی فراہمی کی سلسلے میں ایک پروقار تقریب ٹیکسٹ بک بورڈ پشاور میں منعقد ہوئی۔
تقریب کے مہمان خصوصی ایڈیشنل سیکرٹری ابتدائی وثانوی تعلیم قیصر عالم تھے۔ ان کے علاوہ تقریب میں محکمہ تعلیم کے دیگر افسران، اساتذہ کرام، طلباء اور میڈیا کے نمائندوں نے شرکت کی۔اس موقع پر پرائمری سکول حیات آباد کے چند طلباء وطالبات کو نئی کتابیں دی گئیں۔(جاری ہے)
تفصیلات کے مطابق تمام درسی کتب چھپ چکی ہیں اور خیبرپختونخوا ٹیکسٹ بک بورڈ کے گودام میں پہنچ چکی ہیں۔
صوبہ کے مختلف اضلاع کو درسی کتب کی ترسیل مورخہ 17 فروری 2015 سے شروع ہوچکی ہے جن کی تکمیل 31 مارچ 2015ء تک مکمل ہوجائے گی۔اضلاع کی سطح پر سکولوں اور بچوں کو ان کتب کی فراہمی یکم تا دس اپریل کو ہوگی اور آئندہ تعلیمی سال شروع ہونے سے قبل سرکاری سکولوں کے تمام بچوں کو درسی کتب فراہم کردی جائیں گی۔ یہ امر قابل اطمینان ہے کہ امسال کتابوں کی چھپائی کا عمل بروقت مکمل ہوگیا ہے اور اضلاع کو ترسیل بھی شیڈول کے مطابق جاری ہے۔ٹیکسٹ بک بورڈ نے اس سال حکومتی ہدایات کے مطابق درسی کتب کو بہتر کرنے اور غلطیوں سے پاک کرنے کے لیے کئی اقدامات کیے ہیں۔ اس کے علاوہ کتابوں کے ٹائٹل کی اندرونی صفحات پر قرآنی آیات، احادیث نبوی اور اینٹی کرپشن کے حوالے سے پیغامات بھی چھاپے گئے ہیں۔تقریب کے مہمان خصوصی نے شرکاء سے خطاب کرتے ہوئے تعلیم کے حوالے سے کیے گئے حکومتی اقدامات کا تفصیلی ذکر کیا۔ انہوں نے کہا کہ محکمہ تعلیم میں پوسٹنگ، ٹرانسفر سے لے کر بھرتی تک تمام کام صرف اور صرف میرٹ پر ہوتے ہیں۔ محکمہ تعلیم نے نہ صرف نااہل افراد کو سزائیں دی ہیں جبکہ بہتر کارکردگی دکھانے والوں کو انعامات سے بھی نوازا جائے گا۔ انہوں نے رواں سال کتابوں کی بروقت چھپائی اور ترسیل پر اطمینان کا اظہار کیا۔ انہوں نے اس بات پر بھی خوشی کااظہار کیا کہ اس سال بورڈ نے کاغذ نسبتاً کم قیمت پر خریدا جس کے نتیجے میں کتابوں کی قیمتوں میں بھی واضح کمی آئی ہے۔متعلقہ عنوان :
مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.