دہشت گردوں اوران کے سہولت کاروں کو نشان عبرت بنادیں گے،پوری قوم ملک کو دہشت گردی ،انتہاء پسندی اورفرقہ واریت سے نجات دلانے کا تہیہ کرچکی ہے،آئندہ نسلوں کے محفوظ مستقبل اورپاکستان کی بقاء کی جنگ جیتنے تک چین سے نہیں بیٹھیں گے،ملک کو دہشت گردی سے لعنت سے پاک کرنا ہر پاکستانی کے دل کی آواز ہے ، جنگ میں ضرور سرخروہوں گے،دہشت گردی کے خاتمے کی جنگ میں اجتماعی بصیرت سے کیے گئے فیصلے نتیجہ خیز ثابت ہوں گے،ملک امن کا گہوارہ بنے گا،نیشنل ایکشن پلان عملدر آمد کے مثبت نتائج بر آمد ہورہے ہیں،متفقہ قومی لائحہ عمل دہشت گردی کے خاتمے کا ذریعہ بنے گا
وزیراعلیٰ پنجاب محمد شہبازشریف کی اراکین اسمبلی سے گفتگو
اتوار 1 مارچ 2015 16:41
لاہور(اردو پوائنٹ۔تازہ ترین اخبار .1 مارچ 2015 ) وزیراعلیٰ پنجاب محمد شہبازشریف نے کہا ہے کہ ملک کو معاشی خوشحالی سے ہمکنار کرنے کیلئے دہشتگردی،انتہاء پسندی اورفرقہ واریت کا خاتمہ ناگزیر ہے۔قوم کے اتحاد کی قوت سے دہشت گردی کے اژدھے کا سرہمیشہ ہمیشہ کیلئے کچل دیاجائے گا۔دہشت گردی کے خلاف جنگ جیتنا قوم کے ہر فرد کا عزم اور مشن ہے ۔ دہشت گردی کے خاتمے کی جنگ میں پاکستان کے بہادر عوام فتح یاب ہوں گے ۔
آئندہ نسلوں کے محفوظ مستقبل اورپاکستان کی بقاء کی جنگ جیتنے تک چین سے نہیں بیٹھیں گے۔ دہشت گردی کے خلاف جنگ میں وفاقی اورصوبائی حکومتیں مکمل ہم آہنگی کے ساتھ آگے بڑھ رہی ہیں۔ وہ مختلف اضلاع سے تعلق رکھنے والے اراکین قومی و صوبائی اسمبلی سے گفتگو کررہے تھے ۔(جاری ہے)
وزیراعلیٰ نے کہا کہ پاکستان کو خود انحصاری کی منزل سے ہمکنار کرنے کیلئے ملک میں امن ضروری ہے ۔
اچھے یابرے دہشت گرد کی تمیز کے بغیر تمام دہشت گردوں کے خلاف بھر پور کارروائی کی جارہی ہے اوردہشت گردی کے خلاف جنگ میں قوم قربانیوں کی نئی تاریخ رقم کررہی ہے ۔انہوں نے کہا کہ قوم کے اتحاد سے دہشت گردوں اوران کے سہولت کاروں کونشان عبرت بنا دیں گے۔پوری قوم ملک کو دہشت گردی،انتہاء پسندی اور فرقہ واریت سے نجات دلانے کا تہیہ کرچکی ہے۔بے گناہ پاکستانیوں کا خون بہانے والوں کو اپنے کیے کی سزا بھگتنا ہوگی۔انہوں نے کہا کہ قومی ایکشن پلان ملک سے دہشت گردوں کے ناپاک وجود کو مٹانے کا متفقہ قومی لائحہ عمل ہے۔نیشنل ایکشن پلان پرعملدرآمد کے مثبت نتائج برآمد ہورہے ہیں ۔ملک کو دہشت گردی کی لعنت سے پا ک کرناہر پاکستانی کے دل کی آواز ہے۔دہشت گردی کے خاتمے کی جنگ میں اجتماعی بصیرت سے کیے گئے فیصلے نتیجہ خیز ثابت ہوں گے اورملک امن کا گہوارہ بنے گا۔دہشت گردی ،انتہاء پسندی اورفرقہ واریت کاعفریت ملک کے وجود کیلئے خطرہ ہے۔انہوں نے کہاکہ مٹھی بھر دہشت گرداپنی مذموم کارروائیوں کے ذریعے قوم کے عزم کو متزلزل نہیں کرسکتے۔دہشت گردپاکستان کے عوام کی ترقی اورخوشحالی کے دشمن ہیں۔انہوں نے کہا کہ ملک میں تجارتی،صنعتی،معاشی اورسماجی سرگرمیوں کے فروغ کیلئے انتہاء پسندی کے رجحانات ختم کرنا ہوں گے ۔حکومت ،پاک فوج اورتمام ادارے دہشت گردی کے خاتمے کیلئے پورے عزم کے ساتھ آگے بڑھ رہے ہیں ۔انہوں نے کہا کہدہشت گردی کے خلام جنگ میں انشاء اللہ ضرور سرخرو ہوں گے ۔ تاریخ کے اس نازک موڑ پر پوری قوم سیسہ پلائی ہوئی دیوار کی طرح پاک افواج کے ساتھ کھڑی ہے ۔انہوں نے کہا کہ سیاسی قیادت اورپوری قوم امن دشمنوں کے عزائم خاک میں ملانے کیلئے متحد ہے اوردہشت گردوں کے خاتمے کیلئے پوری قوم میدان عمل میں اتر چکی ہے ۔ وزیراعلیٰ نے کہا کہ پرامن ،مضبوط،محفوظ اور خوشحال پاکستان کی منزل حاصل کرنے کیلئے دن رات ایک کررکھا ہے ۔دہشت گردوں کے ناپاک وجود کومٹا نے کیلئے ہر ممکن اقدامات کیے جارہے ہیں ۔پنجاب میں نیشنل ایکشن پلان کے تحت برق رفتاری سے موثر اقدامات کیے گئے ہیں۔ملاقات کرنے والوں میں ممبر قومی اسمبلی میاں ایم رشید،اراکین صوبائی اسمبلی حسن ریاض،علی عباس،چوہدری افتخار حسین،کرم داد والا،سائرہ افتخاراورمیری گل شامل تھیں۔اراکین اسمبلی نے وزیر اعلی کو اپنے علاقوں میں جاری ترقیاتی سکیموں پر پیش رفت سے بھی آگاہ کیا ۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.