میونسپل کمیٹی ڈیرہ میں تعینا ت کرپٹ لا بی کی جانب سے صوبائی حکومت سے ملنے والی رقم بھی مسائل کے حل کے بجائے ہیر پھیر اورکرپشن کی نذر کرنے کی اطلاعات
کمیٹی کی اپنی آمدن کو پوشیدہ رکھا جا تا ہے اور سرکاری ریکارڈ میں درج وصولیوں سے کئی گنا زیادہ وصولیاں کرکے ذاتی مفادات حاصل کئے جا رہے ہیں
اتوار 1 مارچ 2015 16:05
ڈیرہ اسماعیل خان(اردو پوائنٹ۔تازہ ترین اخبار .1 مارچ 2015)میونسپل کمیٹی ڈیرہ میں تعینا ت کرپٹ لا بی کی جانب سے صوبائی حکومت سے ملنے والی رقم بھی مسائل کے حل کے بجائے ہیر پھیر اورکرپشن کی نذر کرنے کی اطلاعات موصول ہو رہی ہیں، میونسپل کمیٹی کے حکام کی جانب سے ہر مہینے تنخواہوں اور پنشنوں کی ادائیگی کے لیئے رقم نہ ہونے کا رونا رویا جاتا ہے، ملازمین کو احتجاج پر مجبور کیا جاتاہے اور صوبائی وزیر مال علی امین خان کی مداخلت سے صوبائی حکومت سے ماہانہ لاکھوں کی گرانٹ یا قرضہ وصول کیا جاتا ہے مگر کمیٹی کی اپنی آمدن کو پوشیدہ رکھا جا تا ہے اور سرکاری ریکارڈ میں درج وصولیوں سے کئی گنا زیادہ وصولیاں کرکے ذاتی مفادات حاصل کئے جا رہے ہیں،کمیٹی حکام کی جانب سے صوبائی حکومت کی جانب سے صوبائی وزیر مال علی امین خان گنڈہ پور کی کوششوں سے ملنے والے فنڈز کو بھی غلط استعمال کر کے صوبائی حکومت کے اہداف کے حصول میں رکاوٹیں کھڑی کی جا رہی ہیں، ڈیرہ اسما عیل خان میں کمیٹی کی جانب سے کمرشل پلازوں کے نقشے تیزی سے پاس کئے جا رہے ہیں مگر ان کمرشل پلازوں میں پارکنگ اور سیکورٹی کی ضروریات کو مد نظر رکھنے کے بجائے قوائدکی خلاف ورزی کی جا رہی ہے، کمیٹی ملازمین کا کہنا ہے کہ غیر قانونی نقشہ جات کی منظوری کے عمل میں سرمایہ کرنے والی پارٹیوں سے وصول کی گئی قم کا بڑا حصہ کمیٹی کے اکاؤنٹ میں جمع کرنے کے بجائے میونسپل کمیٹی کے افسران، نقشہ برانچ، رینٹ انسپکٹر ، ٹیک کلرک، اکاؤنٹ آفیسرز، انفراسٹیکچر افسران اور دیگر حکام میں تقسیم کردی جاتی ہے اور کم سے کم رقم سرکاری خزانے میں جمع کرائی جاتی ہے جس کی وجہ سے کمیٹی بدحال اور متعدد شعبہ جات کے اہلکارتیزی سے مالامال ہو رہے ہیں، میونسپل کمیٹی کے زیر انتظام مختلف نوعیت کی ٹیکسوں ، نقشہ فیسوں، کمرشل پلازوں ، مویشی منڈی ، ٹرانسپورٹ اڈوں اور دیگر مدات میں وصولی کی شرح اور کمیٹی کے اکاونٹ میں جمع کرائی جانے والی رقم کی شرح مں واضح فرق ہی کمیٹی کی بدحالی کا باعث بن رہا ہے ، عوامی حلقوں نے صوبائی حکومت سے مطالبہ کیاہے کہ میونسپل کمیٹی ڈیرہ کے تما شعبہ جا ت کی کارکردگی، انکم اور اہلکاروں کے اثاثہ جات کی خفیہ تحقیقات کرائی جائیں، کرپٹ اہلکاروں کے خلاف سخت کارروائی کی جائے تو میونسپل کمیٹی کا خسارہ خود بخود ختم ہوجائے گا-
مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.