غیر ملکیوں کو قتل کرنے والے دہشت گردوں کا جیل سے فرار سنگین واقعہ ہے: پاکستان عوامی تحریک،
حکمران قومی ایکشن پلان کو ناکام بنانے میں لگے ہوئے ہیں، مرکزی صدر ڈاکٹر رحیق عباسی
ہفتہ 28 فروری 2015 20:30
لاہور (اُردو پوائنٹ اخبارتازہ ترین - آن لائن۔28فروری۔2015ء) پاکستان عوامی تحریک نے غیر ملکیوں کو اغواء کر کے قتل کرنے والے دہشت گردوں کے اسلحہ سمیت جیل سے فرار ہونے کے سنگین واقعہ کا ذمہ دار وفاقی حکومت اور ن لیگ کے گورنر گلگت بلتستان کو ٹھہراتے ہوئے مطالبہ کیا ہے کہ یہ کیس نا صرف فوجی عدالت میں چلایا جائے بلکہ اس کی تفتیش بھی فوج اور اس کی ذیلی ایجنسیوں کے سپرد کی جائے ، یہ مطالبہ پاکستان عوامی تحریک کے مرکزی صدر ڈاکٹر رحیق عباسی نے یہاں اخبار نویسوں سے گفتگو کرتے ہوئے کیا، انہوں نے کہا کہ یہ بات بڑی ذومعنی ہے کہ جیسے ہی ن لیگ نے اپنے گورنر کو گلگت بلتستان بھیجا جیل سے خطرناک دہشتگردوں کے رہا ہونے کا واقعہ رونما ہو گیا، دہشتگردوں کے فرار کا یہ واقعہ اس اعتبار سے بھی سنگین اور قابل گرفت ہے کہ اس وقت ملک میں دہشتگردی کے خلاف جنگ لڑی جارہی ہے اور بظاہر ہائی الرٹ ہے اس ماحول میں دہشتگردوں کا فرار ہو جانا محض اتفاق نہیں ہے، جیلوں کی حفاظت کرنا حکومت کی ذمہ داری ہے جو پوری نہیں کی گئی ،انہوں نے کہا کہ فوج دہشتگردی کے خلاف حالت جنگ میں ہے فوج کے جوان اور افسران اپنی جان ہتھیلی پر رکھ کر دہشت گردوں کو گرفتار کر رہے ہیں اور جانی قربانیاں دے رہے ہیں جبکہ نام نہاد جمہوری حکومت نے پہلے گرفتار دہشت گردوں کو پھانسی کی سزاؤں سے بچائے رکھا اب انہیں فرار ہونے کی سہولت دے رہے ہیں، جیلوں کی حفاظت کرنا حکومت کی ذمہ داری ہے جو اس نے پوری نہیں کی، انہوں نے کہا کہ آئی جی جیل خانہ جات سمیت جیل کے تمام افسران اور اہلکاروں کو گرفتار کیا جائے،انسانیت کے دشمن دہشتگردوں کی رہائی کا واقعہ کسی صورت قابل معافی نہیں ہے، انہوں نے کہا قوم کو اب یقین ہو گیا ہے کہ حکمران قومی ایکشن پلان کو ناکام بنانے میں لگے ہوئے ہیں، دہشت گردوں کا فرار اس کا بڑا ثبوت ہے، ڈاکٹر رحیق احمد عباسی نے کہا کہ دہشتگردوں کے فرار کے کیس میں گورنر گلگت بلتستان برجیس طاہر کو بھی شامل تفتیش کیا جائے۔
متعلقہ عنوان :
مزید اہم خبریں
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
-
نوازشریف کی صحابی رسولؐ سعد بن ابی وقاصؓ کے مزار پر حاضری
-
مریم نواز نے پولیس یونیفارم پہن کر پنجاب پولیس کی عزت وقار میں اضافہ کیا
-
اپنے معاشرے کو ترقی یافتہ بنانے کیلئے ضروری ہے ہماری خواتین انفارمیشن ٹیکنالوجی سکلزحاصل کریں‘مریم نواز
-
پنجاب میں سماج دشمن اور جرائم پیشہ عناصر کے لئے اب کوئی جگہ نہیں‘ مریم نواز شریف
-
وزیراعلیٰ مریم نوازکی پولیس یونیفارم میں لیڈی پولیس کانسٹیبل اورٹریفک اسسٹنٹ پاسنگ آؤٹ پریڈ میں شرکت
-
’’مجھے بھی مبارک باد، یہ میری بھی بیٹیاں ہیں‘‘،مریم نوازشریف
-
اوگرانے تیل کی قیمتیں ڈی ریگولیٹ کرنے کی تردید کر دی
-
کیسا مذاق ہے کہ آج پنجاب میں وزیراعلیٰ پولیس یونیفارم میں پریڈ لینے آگئیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.