(ن) لیگ گلگت بلتستان میں جس ہدف کے حصول کے لئے آئی تھی اس میں کامیاب ہو گئی ہے ،خطرناک دہشت گردوں کا جیل سے فرار ہونا ملی بھگت کا نتیجہ ہے ،گلگت بلتستان کے انتخابات کو ہائی جیک کرنے کے لئے اپنے سٹنگ منسٹر اور ایم این اے کو گورنر لگا کر آئین کی دھجیاں بکھیر دی ہے

مجلس وحدت مسلمین پاکستان کے مرکزی سیکرٹری سیاسیات سید ناصر شیرازی کا پارٹی کے سیاسی سیل کے اجلاس سے خطاب

ہفتہ 28 فروری 2015 17:49

اسلام آباد ( اردپوائنٹ۔تازہ ترین اخبار ۔28 فروری 2015 ) مجلس وحدت مسلمین پاکستان کے مرکزی سیکرٹری سیاسیات سید ناصر شیرازی نے کہا ہے کہ (ن) لیگ گلگت بلتستان میں جس ہدف کے حصول کے لئے آئی تھی اس میں کامیاب ہو گئی ہے ،خطرناک دہشت گردوں کا جیل سے فرار ہونا ملی بھگت کا نتیجہ ہے ،گلگت بلتستان کے انتخابات کو ہائی جیک کرنے کے لئے اپنے سٹنگ منسٹر اور ایم این اے کو گورنر لگا کر آئین کی دھجیاں بکھیر دی ہے۔

وہ یہاں پارٹی کے سیاسی سیل کے اجلاس سے خطاب کررہے تھے ۔

(جاری ہے)

انہوں نے کہا کہ بلدیاتی انتخابات کے بغیر جمہوریت ادھوری ہے ،بلدیاتی انتخابات سے راہ فرار اختیار کرکے حکومت نے جمہوری اقدارکو پامال کیا،حکمران عوام مسائل کے حل میں سنجیدہ نہیں ،مضبوط بلدیاتی سسٹم عوامی مسائل کے حل کا واحد ذریعہ ہے،حکمران شکست کے خوف سے بلدیاتی انتخابات کرانے سے گریزاں ہے ،سید ناصر شیرازی کا کہنا تھا کہ عوام کو گرمیوں سے قبل طویل لوڈ شیڈنگ کا تحفہ دے کر حکمرانوں نے ثابت کیا ہے کہ ان کا اصل ہدف صرف ترقیاتی کاموں کی آڑ میں کمیشن بنانا ہے،توانائی کے بحران کا واحد حل پاک ایران گیس پائپ لائن منصوبے کو فائلوں کی نذر کر دیا گیا ہے،جو عوام کے ساتھ سراسر ظلم اور نا انصافی کے مترادف ہے۔

متعلقہ عنوان :