میاں محمد نواز شریف اگلی ٹرم کے لئے بھی انشا اللہ پاکستان کے وزیر اعظم ہونگے،علی اکبر گجر
جمعرات 26 فروری 2015 16:56
کراچی(اردپوائنٹ۔تازہ ترین اخبار ۔26 فروری 2015) میاں محمد نواز شریف اگلی ٹرم کے لئے بھی انشا اللہ پاکستان کے وزیر اعظم ہونگے․تحریک انصاف کی ناپختہ سیاست ہی ان کے سیاسی خاتمے کا سبب بننے جا رہی ہے․ حکمران جماعت پاکستان مسلم لیگ(ن) کے صوبائی نائب صدر علی اکبر گجر نے کہا ہے کہ پاکستان مسلم لیگ(ن) کی منتخب عوامی حکومت اپنی آئینی مدت پوری کر کے آئندہ مدت کے لئے بھی عوام کے اعتماد کو ووٹ حاصل کرے گی․ پاکستان مسلم لیگ(ن) کی حکومت کے جانے کے خواب دیکھنے والے اپنے سیاسی مستقبل کی فکر کریں․ نومولود سیاسی جماعت کے اقتدار تک پہنچنے کی خواہش بہت جلد باب خیبر کی چوکھٹ پر دم توڑنے والی ہے․ تحر یک انصاف کی حکو مت ماضی کا قصہ بن چکی ہے جسے خیبر پختونخوا کے عوام نے بے نقاب کر کے پاکستانی قوم کو تحریک انصاف کی نا ہلیت کا اصل چہرہ دکھا دیا ہے․ پاکستان مسلم لیگ(ن) سندھ کے نائب صدر علی اکبر گجر نے پارٹی سیکریٹیریٹ میں ضلع غربی اور ضلع وسطی سے آئے ہوئے کارکنوں و رہنماؤں کے بڑے اجتماع سے خطاب کرتے ہوئے کہا کہ پاکستان مسلم لیگ(ن) کی منتخب حکومت اپنی آئینی مدت مکمل کرنے کے بعد2018 میں دوبارہ عوام کی عدالت میں جائے گی اور اپنی تاریخی کارکردگی اور خدمات کے عوض انشا اللہ چوتھی بار ملک و قوم کی خدمت کے لئے انتخابی کامیابیوں کے نئے ریکارڈ قائم کرے گی․ ہماری حکومت کو اسی سال رخصت کرنے والوں کی مدد کے لئے اب کوئی ایمپائر انگلی نہیں اٹھائے گا بلکہ بد نظمی اور نا اہلی کی ویمپائر تحریک انصاف کے سیاسی خاتمے کا سبب بنے گی․ خیبر پختونخوا میں بیرونی سرمایہ کاروں کی عدم دلچسپی کی وجہ وہاں کی صوبائی حکومت کی نا اہلی اور کرپشن ہے ․ جب تک خیبر پختو نخوا میں قابل اور کرپشن سے پاک صوبائی حکومت قائم نہیں ہوتی غیر ملکی سرمایہ کار اس صوبے کا رخ کرنے سے کتراتے رہیں گے․ تحریک انصاف کی قیادت کے کھوکھلے نعرے ہی ان کی کرپشن اور نا اہلی کا ثبوت ہیں․ کراچی کے اضلاع غربی اور وسطی میں پینے کی پانی کی عدم دستیابی کے حوالے سے پارٹی کارکنوں کی شکایات کے جواب میں مسلم لیگ(ن) کے صوبائی نائب صدر علی اکبر گجر نے کہا کہ واٹر بورڈ مکمل طور پر نا کام ہو چکا ہے اور واٹڑ ٹینکر کی ملی بھگت سے کراچی کے شہریوں کو لوٹنے کے عمل میں برابر کا شریک ہے․ رینجرز حکام کی تمام تر کوششوں کے باوجود شہر میں گیر قانونی ہائڈرنٹ پانی کی فروخت جاری رکھے ہوئے ہیں․ واٹر بورڈ کا عملہ اور صوبائی وزرا کراچی کے شہریوں کے ساتھ غیر ملکیو جیسا سلوک روا رکھے ہوئے ہیں ․ پاکستان مسلم لیگ(ن) سندھ کی قیادت وفاقی حکومت تک کراچی کے شہریوں کی آواز پہنچانے کے لئے اپنا کردار ادا کر رہی ہے اور بہت جلد وزیر اعظم پاکستان کراچی سمیت سندھ کے عوام کے مسائل کے حل کے لئے انقلابی اقدامات کا اعلان کریں گے․ علی اکبر گجر نے کہا کہ وزیر اعظم پاکستان میاں محمد نواز شریف کی بھرپور کوشش ہے کہ کراچی سمیت سندھ کے عوام کو بس قدر جلد ممکن ہو تمام شہری سہولیات کی فراہمی یقینی بنائی جا سکے اور سندھ کے عوام کو پانی، صفائی، اور دیگر روزمرہ مسائل کے لئے وفاق کی طرف دیکھنے کی ضرورت نہ رہے۔
متعلقہ عنوان :
مزید قومی خبریں
-
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.