افغانستان کی مونا لیزا کو شناختی کارڈ جاری کرنے پر نادرا کی کاروائی۔ کئی اہلکار معطل
بدھ 25 فروری 2015 21:43
پشاور(اُردو پوائنٹ اخبارتازہ ترین۔25فروری۔2015ء) نادرا حیات آباد سنٹر کے انچارج اور کئی اہلکاروں کو نیشنل جیوگرافک سے شہرت پانے والی افغان لڑکی شربت بی بی اور اس کے بیٹوں کوکمپیوٹرائزڈ شناختی کارڈ جاری کرنے پر معطل کر دیا گیا ۔اس سے ایک دن پہلے نادرا نے شربت بی بی اور اس کے بیٹوں کو جاری کیے گئے شناختی کارڈ بھی منسوخ کر دئیے ۔ان کے شناختی کارڈ پر لکھا ہوا پتہ غلط اور فراہم کیے گئے کاغذات جعلی نکلے۔
نادرا حیات آبادسنٹر نے قواعد کی خلاف ورزی کرتے ہوئے پچھلے سال ایک ہی دن میں شربت بی بی زوجہ رحمت گل اور اس کے دو بیٹوں روف خان اور ولی خان کو شناختی کارڈ جاری کیے تھے۔حکام کے مطابق افغان شہریوں کو بغیر قانونی طریقے کے پاکستانی شہریت دینا یا شناختی کارڈ جاری کرنا غیر قانونی ہے۔(جاری ہے)
شربت بی بی کو عالمی سطح پر شہرت اس وقت ملی جب 1984 میں اس کی تصویر نیشنل جیوگرافک کے سرورق پر شائع ہوئی۔
فوٹو گرافر سٹیو میکیورے نے یہ تصویر ناصر باغ کے پناہ گزین کیمپ میں لی تھی۔ جس وقت شربت بی بی کی فوٹو لی گئی اس وقت اس کی عمر صرف 12 سال تھی اور اس تصویر کو لیونارڈو ڈاونسی کی مونا لیزا سے ملایا گیا تھا۔نیشنل جیوگرافک نے اس کی زندگی پر ایک مختصر ڈاکیومنٹری فلم بھی بنائی تھی جس کا عنوان تھا“ افغان جنگ کی مونا لیزا” اس کے کئی سال بعد تک شربت بی بی گمنام رہی حتیٰ کے نیشنل جیوگرافک کے فوٹو گرافر نے 2002 میں اسے دوبارہ تلاش کر لیا۔اس کے گھر والوں کی اجازت کے بعد فوٹوگرافر میکیورے نے اس سے دوبارہ ملاقات کی اور ایک بار پھر اس کی تصویر لی۔ نادرا نے غیرملکی شہریوں کو ضابطے کے بغیر شناختی کارڈ جاری کرنے پر تحقیقات شروع کر دی ہیں۔مزید اہم خبریں
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.