سوات، سات دنوں سے عدالتوں میں کام ٹھپ ججوں ،کلرکوں اور وکیلوں کے درمیان جاری تناز عہ میں عوام رول گئے،
بینچ اور بار کی کشمکش کی وجہ سے نہ صرف پیشی کیلئے آنے والے افراد کو مشکلات کا سامنا بلکہ ضمانت پر رہائی کے منتظر ملزمان بھی ذہنی کوفت میں مبتلا ہ
بدھ 25 فروری 2015 18:31
سوات( اردو پوائنٹ تازہ ترین اخبار. 25 فروری 2015ء) ضلع سوات میں سات دنوں سے عدالتوں میں کام ٹھپ ججوں ،کلرکوں اور وکیلوں کے درمیان جاری تناز عہ میں عوام رول گئے،بینچ اور بار کے مابین جاری کشمکش کی وجہ سے نہ صرف پیشی کے لئے آنے والے افراد کو مشکلات کا سامنا ہے بلکہ ضمانت پر رہائی کے منتظر ملزمان بھی ذہنی کوفت میں مبتلا ہے ،تفصیلات کے مطابق سوات میں فروری کے 19تاریخ سے وکلاء اور ججوں کے درمیان جاری تنازعے نے شد ت اختیارکرلی ہے اورپچھلے ایک ہفتے سے ڈسٹرکٹس کورٹس گلکدہ کے ساتھ تحصیل کبل، مٹہ ، خوازہ خیلہ ، بریکوٹ اور بحرین میں عدالتوں سے بائیکاٹ کا سلسلہ جاری ہے جس سے ضلع بھر کے مقامی ہزاروں لوگوں کو مشکلات کا سامناہے اس سلسلے میں سوات بار،مینگورہ دارالقضاء بار اور کبل بار ایسویشن کے صدورنے مشترکہ پریس کانفرنس سے خطاب کرتے ہوئے کہاہے کہ سیدوشریف ڈسٹرک کورٹس میں سیشن جج شریف احمد کی نامناسب روئے اور مرزاکاشف کی بارکے معززرکن وکیل سعیدخان ایڈکیٹ پر ایف آئی آرکی وجہ سے انہوں نے ان دو عدالتوں سے بائیکاٹ کیا ہوا ہے جب تک ان دونوں ججوں کو سوات سے تبدیل نہیں کیا جائیگا ان کی ہڑتال اور بائیکاٹ جاری رہی گی، انہوں نے الزام لگایا کہ سوات کے دیگر بیس سے زائد عدالتوں نے سیشن جج کے ایماپر عدالتوں کو بند کردیاہے اور یہ پاکستان کی تاریخ میں پہلی مرتبہ کسی سرکاری دفتر اور خاص کر عدالتوں سے ججز کے بائیکاٹ کا فیصلہ سامنے آیا ہے سوات میں پشاور ہائی کورٹ کے برانچ مینگورہ دارلقضا ء کے صدر فضل غفور ایڈوکیٹ نے کہا کہ لوگوں کو انصاف دیناعدلیہ کا فرض ہے اور عدالتوں کے بندش کی تما م تر ذمہ داری سیشن جج پر عائد ہوتی ہے ان کی ایما پر کلرکوں نے بھی ہڑتال کیا ہے اور وکلاء کے خلاف نازیبا الفاظ استعمال کیے ہیں، اس سلسلے میں جب ڈسٹرک کورٹس کے جج شریف احمد سے رابطہ کیا گیاتوانہوں نے میڈیا کو کسی قسم کا بیان دینے سے انکارکیاالبتہ سوات میں ملاکنڈ ڈویژن کے کلرک ایسویشن کے وائس چیئرمین بخت شیر علی نے کہا کہ وکلاء نے اپنے ایک دوست کو بچانے کے لئے عدالت کے فیصلے کوماننے سے نہ صرف انکار کیا بلکہ انہوں نے عدالتوں میں کام کرنے والے کلرکوں پر تشدد کیا ، ان کے دفاترمیں تھوڑپھوڑ کی جس کے وجہ سے ججزکے ساتھ کام کرنے والے تماکلرکوں نے احتجاجاً ہڑتال اور بائیکاٹ شروع کیا ہے انہوں نے کہا کہ وکلاء اپنے مرضی کے مطابق عدالتوں کو چلاناس چاہتے ہیں اور ہم وکلاء سے اچھی برتاؤ کے امید رکھے ہوئے ہیں مگر انہوں نے تمام کلرکوں اور عدالتوں کی توہین کی ہے ہمارا یہ احتجاج اور ہڑتال جاری رہیگا، سوات بار ایسویشن کے جنرل سیکرٹری عنایت اللہ کے مطابق اس وقت سوات میں پانچ سو سے زائد وکلاء کام کررہے ہیں اور اس تنازعے سے نہ صر ف سیدوشریف کے عدالتیں بلکہ مٹہ ، کبل ، بحرین اور خوازہ خیلہ کے عدالتوں میں بھی کام ٹھپ ہوکر رہ گیا ہے جس سے ہزاروں لوگ متاثرہورہے ہیں کیونکہ ہرعدالت میں روزانہ اوسطاً پچیس سے تیس کیس نمٹائے جاتے ہیں، سوات ڈسٹرک کورٹس میں ایک عرض نویس نے کہا کہ پچھلے ایک ہفتے سے ہمارا کاروبار ٹھپ ہوکر رہ گیا ہے کام بنداور عدالتیں بند ہے گھرمیں فاقوں تک نوبت پہنچ چکی ہے ۔
(جاری ہے)
متعلقہ عنوان :
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.