مشہور افغان خاتون شربت گل عرف شربت بی بی سمیت تین افغان مہاجرین کو کو پاکستانی شناختی کارڈ جاری ہونے کا انکشاف
بدھ 25 فروری 2015 12:40
پشاور(اردپوائنٹ۔تازہ ترین اخبار ۔25 فروری 2015)نیشنل ڈیٹا بیس اینڈ رجسٹریشن اتھارٹی (نادرا) نے عالمی شہرت یافتہ افغان خاتون شربت گل عرف شربت بی بی سمیت تین افغان مہاجرین کو پاکستانی شناختی کارڈ جاری کردیئے۔ نجی ٹی وی کے مطابق نادرا کے حیات آباد آفس کے ذرائع نے بتایا کہ اعلیٰ افسران نے قواعد و قوانین کی خلاف ورزی کرتے ہوئے افغان شہری رحمت گل کی 46 سالہ بیوی شربت بی بی اور ان کے دو بیٹوں روٴف خان اور ولی خان کیلئے گزشتہ سال ایک ہی دن شناختی کارڈ جاری کیا۔
نادرا کے ڈیٹا کے مطابق شربت بی بی پشاور کے نوٹھیا قدیم بازار کی مستقل رہائشی ہیں، جبکہ ان کے دو بیٹے ہیں، جبکہ اس سے قبل میڈیا رپورٹس میں بتایا گیا تھا کہ شربت بی بی کی تین بیٹیاں ہیں۔شربت بی بی کے رشتہ داروں نے بتایا کہ وہ پاکستان میں رپائش پذیر ہیں اور سیکیورٹی صورتحال کے مطابق پاکستان سے افغانستان کا سفر کرتے رہتے ہیں۔(جاری ہے)
افغان شہریوں کو شناختی کارڈ جاری کرنے کے معاملے پر انکوائری کا حکم دے دیا گیا ہے ، جبکہ نادرا ذرائع کا اس حوالے سے کہنا ہے کہ یہ لوگ بہت بااثر ہیں اور ہوسکتا ہے کہ انھوں نے پیسے دے کر شناختی کارڈ حاصل کیا ہو۔
ذرائع نے بتایا کہ نادرا ریکارڈ میں موجود دونوں نوجوان شاید شربت بی بی کے بیٹے نہیں ہیں کیونکہ افغان مہاجرین میں یہ عام ہے کہ وہ دستاویزات حاصل کرنے کیلئے غیر لوگوں کو بھی اپنے بچوں کے طور پر ظاہر کرتے ہیں۔دوسری جانب نادرا نے صوابی سے تعلق رکھنے والی ایک خاتون نورینہ کو بھی بغیر تصویر کے قومی شناختی کارڈ جاری کر دیا۔خاتون کی تصویر کی جگہ انگوٹھے کا نشان لگایا گیا انہیں کارڈ بیس جنوری 2015 کو جاری کیا گیا تھا۔واضح رہے کہ شربت بی بی 1984 میں افغان جنگ کے دوران اپنے اہل خانہ کے ہمراہ پاکستان منتقل ہوئیں تھیں اور ناصر باغ مہاجر کیمپ میں رہائش اختیار کی۔اپنی سبز آنکھوں کی وجہ سے شربت بی بی پہلی مرتبہ اس وقت مشہور ہوئیں جب 2002 میں نیشنل جیو گرافک چینل نے ان پر دستاویزی فلم بنائی جس کے بعد وہ افغان جنگ کی مونالیزا کے نام سے مشہور ہو ئیں۔تاہم کئی سال بعد شربت بی بی کو پاکستانی شناختی کارڈ فراہم کرکے نادرا انھیں ایک بار پھر منظر عام پر لے آیا ۔مزید اہم خبریں
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
-
سولرپینل بنانے والوں کو 10 سالہ مراعات دینے کی پالیسی تیار
-
پاکستان ایران نئے معاہدوں پرپیشرفت ہوئی تو پابندیاں لگ سکتی ہیں، امریکہ کی پھردھمکی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.